автомобили - Кепенци

Второ место за Иџе во Полска

Editor — Sun, 31 Jul 2022 18:19:34 +0000

Македонскиот професионален рели возач Игор Стефановски – Иџе, го освои второто место, на Европскиот шампионат на ридски патеки во Полска.

Иџе ги освои титулите во шампионатите на ридски патеки во 2014 и во 2015 година, а оваа сезона како поискусен на веќе познатите патеки реши да ја предизвика новата конкуренција.

Во претходните години Иџе настапуваше во ЕТЦЦ, ТЦР-Европа, ТЦР-Италија и ТЦР-Источна Европа шампионатите на кружни патеки.

The post Второ место за Иџе во Полска first appeared on Кепенци.

Тама – првиот електричен автомобил на светот пред 75 години

Editor — Sat, 14 May 2022 08:05:28 +0000

Јапонската компанија Тама во 1947 развила, а во 1949 била спремна за продажба на првиот електричен автомобил.

Првиот прототип на автомобилот Тама, изум на авионскиот инженер Џиро Танака, во 1947 бил замислен како возило за транспорт на стоки со багажен простор од 500 кг.максимална брзина од 35 км/ч и издржливост на акумулаторот до 65 км. Во 1949 тимот веќе стигнал до батерија со потенцијал од 200 км со едно полнење, а со полна пареа се работело и на зголемувањето на брзината на моторот.

Но, светскиот пазар сепак во тоа време не дознал ниту го вреднувал потенцијалот на Тама, затоа што на големите корпорации и одговарало да се развиваат возила кои работат на погон на петро- горива (нафта, гас, јаглен).

The post Тама – првиот електричен автомобил на светот пред 75 години first appeared on Кепенци.

Индонезија ќе произведува батерии за автомобили

Editor — Wed, 20 Apr 2022 08:31:57 +0000

Индонезија најави десетици милијарди инвестициска инјекција во индустријата со електрични автомобили во земјата.

Откако продажбата на никелот на меѓународните берзи беше неколкупати целосно сопрена, а цената во неколку наврати речиси вкупно 200% зголемена, Индонезија која е богата со суровини и природни ресурси потребни за изработка на батерии за електрични автомобили, реши да ги поттикне инвестициите во тој дел од автомобилската индустрија со вложување 6 милијарди долари.

Во меѓувреме и неколку јужнокорејски производители на автомобили, најавија сопствени инвестиции во Индонезија. Конзорциумот LG Energy најави инвестиција од над 9 милијарди долари, откако лани заедно со Хјундаи имаа инвестиција од речиси 2 милијарди, во производство на електрични автомобили, батерии и делови за нив во Индонезија.

Откако почна нафтената криза, а посебно по почетокот на војната во Украина, речиси сите познати светски производители на автомобили, најавија или веќе почнаа производство на нови линии автомобили на електричен погон.

The post Индонезија ќе произведува батерии за автомобили first appeared on Кепенци.

Пролетна проверка на возилата

Editor — Fri, 15 Apr 2022 20:24:57 +0000

При замена на зимските гуми и ставање летни, потребно е да се провери правилната геометрија на тркалата, бидејќи тоа е важно за добрите возни карактеристики на автомобилот.
Дополнително, во зимските месеци најверојатно се оштетуваат бришачите, па треба да се сменат или исчистат.
Препорачливо е да се прегледа и ветробранското стакло на возилото бидејќи можни се помали оштетувања од ситни камења и чакал што се нанесуваат на коловозот во зима, а кои тркалата на возилото пред нас ги креваат од патот додека возиме.

Секогаш внимавајте да имате доволно течност за миење на шофершајбната. Чистите шофершајбни и добрата видливост се клучни за вашата безбедност при возење.
Пред да тргнете на долго патување, се препорачува да извршите стандардни проверки, како што се нивото на моторното масло, нивото на течноста за ладење, нивото на течноста во шофершајбната, притисокот во гумите, правилното светлосно сигнализирање на возилото.

Одржување на погонот и менувачот, електричната енергија и електрониката на возилото, суспензијата, системот за управување, сопирачките, климатизацијата, состојбата на каросеријата и другите клучни делови на возилото најдобро би било да им ги препуштите на вашиот мајстор.
Исто така редовниот сервис треба да ви е секогаш во агенда посебно ако возите на долги релации.

The post Пролетна проверка на возилата first appeared on Кепенци.

Најпосакуваното работно место во автомобилската индустрија

Editor — Fri, 08 Apr 2022 08:51:21 +0000

Неверојатни информации доаѓаат од Америка. Имено, на еден оглас за вработување во автомобилската индустрија се пријавиле 173.500 кандидати.

Американскиот производител на автомобили Dodge избра десет финалисти за позицијата возач чија единствена работа ќе биде – „палење“ гуми и дрифтање автомобил на различни настани.

Атрактивноста на оваа позиција лежи во тоа што поради неа победникот нема да мора да ја напушти претходната работа.

Возачот ќе биде амбасадор на марката и мора да се појавува во редовни интервали на собири на ентузијасти за да покаже на што се способни сите модели на Dodge.

Десетте финалисти ќе бидат поканети во Radford Racing School во Аризона, каде ќе започне четиринеделното натпреварување, а конечната одлука за победникот ќе биде донесена на 26 април.

Од кандидатите беше побарано да достават двеминутно видео во кое ќе објаснат зошто се идеални за таа работа.

The post Најпосакуваното работно место во автомобилската индустрија first appeared on Кепенци.

Недостигот на чипови им се заканува на американските авто-гиганти

Editor — Fri, 01 Apr 2022 20:01:52 +0000

Состојбата на автомобилскиот пазар не се подобрува – се уште нема доволно чипови и компоненти за производство, поради што производството во некои фабрики е прекинато.

Проблемите со недостигот на чипови траат подолго време, а ситуацијата дополнително се искомплицира со војната во Украина, како и со новиот бран на коронавирус во Кина, кој ќе влијае на веќе нарушените глобални синџири на снабдување. Последните жртви на недостигот на пазарот се Форд и Џенерал Моторс кои привремено ќе мора да го прекинат производството во нивните две фабрики.

Ford најави дека ќе го прекине производството следната недела во фабриката за собрание на Flat Rock во Мичиген, каде што се произведуваат моделите на Mustang. Што се однесува до другите фабрики во Северна Америка, тие ќе продолжат да работат без прекин, барем засега. Минатиот месец американскиот автомобилски гигант предупреди за проблемите со недостигот на чипови, поради што очекуваат пад на производството на возила во овој квартал. Поради истиот проблем, веќе една недела мораа да го прекинат производството во фабриката во Канзас, каде што се произведуваат пикапи F-150.

Џенерал Моторс привремено ќе го прекине производството во фабриката Lansing Grand River, каде што Cadillac GT4, Cadillac CT5 и Chevrolet Camaro излегуваат од производните линии. Додека Ford го наведе недостигот на чипови како причина за прекинот на производството, GM соопшти дека привремено ќе ја прекине работата во фабриката поради недостаток на делови, но не поради недостаток на чипови.

Инаку, Џенерал Моторс минатата недела објави двонеделен прекин на производството во фабрика во Индијана – причина за овој прекин е недостигот на чипoви.

The post Недостигот на чипови им се заканува на американските авто-гиганти first appeared on Кепенци.

Купувајте електрични автомобили!

Editor — Fri, 01 Apr 2022 12:58:38 +0000

„Просечен возач ќе заштеди околу 80$ месечно ако не мора да плаќа за бензин, треба само да купи електричен автомобил“

– Џо Бајден претседател на САД

BIDEN: "A typical driver will save about $80 a month from not having to pay gas at the pump" if they just buy an electric car. pic.twitter.com/Rjjtj7poeJ
— Greg Price (@greg_price11) March 31, 2022

The post Купувајте електрични автомобили! first appeared on Кепенци.

Lotus Eletre електричен хипер SUV

Editor — Thu, 31 Mar 2022 09:50:34 +0000

Британскиот производител на спортски автомобили Lotus се префрла на електрична енергија со откривањето на Elitra, приклучен кросовер SUV со дизајнерски јазик инспириран од нивниот хиперавтомобил Evia.

Eletre, исто така, ќе биде првиот од трите нови електрични возила што Lotus планира да ги лансира во следните четири години, вклучувајќи спортски автомобил, купе-седан и уште еден SUV.

The post Lotus Eletre електричен хипер SUV first appeared on Кепенци.

Француски Рено останува во Русија

Editor — Wed, 16 Mar 2022 23:14:19 +0000

Француското Рено контролира приближно 30% од автомобилскиот пазар или околу 40.000 работници. Па така додека западните брендови ја напуштаат Русија поради конфликтот со Украина Рено останува каде што е.

Околу 10% од приходите на Рено се од руски пазар но дали вреди да се остани и покрај тоа што руската влада најави дека сите компании што ќе останат ќе се национализираат што од една страна е добро за компаниите, но од друга страна ги губат некои права. Инаку за потсетник Рено поседува околу 70% од акциите од АвтоВАЗ и Лада што е јасен моментот за понатаму зошто Рено веројатно и нема да се повлечи од каде што е.

The post Француски Рено останува во Русија first appeared on Кепенци.

Ford ќе ја редуцира електрониката поради немање чипови

Editor — Mon, 14 Mar 2022 22:08:45 +0000

Ford ќе ги продава теренците Explorer без климатски контроли поради недостиг на чипови. Исто така на сите овие автомобили ќе им овозможи попусти со цел да не им пропадне серијата. Форд привремено ги нуди овие теренци без комплетната електроника т.е. деловите за греење и ладење на задните седишта.

Според некои извори деловите ги нема поради ситуацијата со Украина и Русија но исто така сметаат дека тоа не е никаков голем проблем – посебно кога се работи за еден гигант како нив бидејќи според нив тие не биле ни први ни последни а не посебно кога се работи за тековни непогоди.

The post Ford ќе ја редуцира електрониката поради немање чипови first appeared on Кепенци.