академик - Кепенци

Академик Љупчо Коцарев за Илинден во Трново – обезбеден бесплатен превоз за битолчани

Editor — Mon, 01 Aug 2022 09:18:33 +0000

Академик Љупчо Коцарев ќе се обрати на традиционалната Сѐмакедонска средба во дворот на црквата Пресвета Богородица потпелистерското село Трново.

Организаторите соопштија дека на 2 Август од 7 часот од автобуската постојка Шехерезада, кружно низ целиот град ќе сообраќа бесплатна автобуска кружна линија која (вклучително со населбата Буковски Ливади) ќе собира патници на Трново од по постојките од Карпош/ Дулие до Веро/Болница, преку Црн Мост и преку Партизанска.

Настанот започнува со Света Божествена Литургија во црквата Успение на Пресвета Богородица во 7.30 часот, а од 10.30 часот официјалниот дел, на кој освен академик проф д-р Љупчо Коцарев ќе се обрати и градоначалникот на Битола, Тони Коњановски.

Гости на средбата ќе бидат и градиначалникот на општина Пустец, Албанија, Пале Колефски, претседателот на единствената македонска партија во Албанија, Васил Стерјовски, архимандритот Никодим Царкњаз, како и градоначалниците на Новаци и Могила.

Во културно-уметничката програма покрај КУД „Гоце Делчев“ од Битола, ќе настапат и играорни групи од Пиринска и Беломорска Македонија, а за убавата македонска песна ќе бидат задолжени Софија Кочевска и Соња и Оливер Бенд од Канада.

Организатори на 51 Семакедонска средба се Матицата на иселениците од Македонија, Здружението на Македонците од Егејскиот дел на Македонија во Битола, Сојузот на здруженијата на Македонците и децата бегалци од Егејскиот дел на Македонија МАКЕДОН и Светскиот Македонски Конгрес.

The post Академик Љупчо Коцарев за Илинден во Трново – обезбеден бесплатен превоз за битолчани first appeared on Кепенци.

Ќулавкова – Никој нема право да се откаже од македонските дијалекти

Editor — Tue, 19 Jul 2022 19:37:26 +0000

“Со унилатералната изјава на Р с. Македонија, всушност, се откажуваме од историскиот и научен факт дека македонските говори од егејска Македонија, денешна Грција, се основа на старословенскиот и црковнословенскиот јазик од кирилометодиевската епоха на нивната кодификација.”

– Академик Катица Ќулавкова

The post Ќулавкова – Никој нема право да се откаже од македонските дијалекти first appeared on Кепенци.

Не го признавам овој лажиран попис

Editor — Fri, 01 Apr 2022 14:09:41 +0000

„Под претекст на европски вредности во Македонија се спроведуваат неевропски политики. НЕ ГО ПРИЗНАВАМ ОВОЈ ЛАЖИРАН ПОПИС”

„Оваа фарса од попис на населението во режија на парадржавата Северна Македонија е политички, национален, законски и морален криминал без преседан во европската историја. Овој попис е уште еден показател дека се наоѓаме во завршна, терминална фаза од одумирањето на македонската национална држава и делегитимацијата на македонската нација”

– академик Катица Ќулавкова

The post Не го признавам овој лажиран попис first appeared on Кепенци.