Чудото со столбот и Благодатниот оган во 1579

Editor — Sat, 23 Apr 2022 13:02:40 +0000

Во црквата на Воскресението во Ерусалим, ден денес стои оштетениот мермерен столб, низ кој помина Благодатниот Оган во далечната 1579 година и речиси го расцепи на половина.

Благодатниот Оган првпат се појави во 335 година на Велика Сабота и оттогаш традиционално се појавува само по молитвите на православниот патријарх, што се смета за потврда на исправноста во чувањето на вистинитоста на христијанската вера од православните.

Во 1579 година се случи една необична случка, кога Ерменците кои биле многу влијателни кај тогашните османлиски власти кои управувале со Ерусалим, се обиделе да го истиснат православниот патријарх, и тие да ја преземат церемонијата на молитва за повикување на Благодатниот Оган.

Православниот патријарх Софрониј Петти бил отстранет и избркан пред храмот, од каде во солзи и со подигнати свеќи и самиот се молел за слегување на Огнот.

Одеднаш настанал подземен татнеж и задувал силен ветер и од небото како од гром слегол пламен кој го расцепил масивниот столб и ги запалил свеќите во рацете на патријархот Софрониј. Ерменците, останувајќи без Благодатта, посрамени ја напуштиле црквата пред која остана да сведочи расцепениот столб.

Многумина присутни муслимани кои го видоа чудото, тогаш преминаа во христијанство, поради што некои од нив пострадаа и како маченици од османлиските власти. Ден денес, во манастирската црква посветена на Св. Марија Магдалина се чуваат врзопите со свеќите на патријархот Софрониј.

The post Чудото со столбот и Благодатниот оган во 1579 first appeared on Кепенци.

благодатниот - Кепенци

Чудото со столбот и Благодатниот оган во 1579