Лиз Трас утре ќе го добие мандатот за формирање британска владa

Editor — Mon, 05 Sep 2022 11:01:27 +0000

Се очекува утре во Шкотска, каде британската кралица Елизабета Втора има вообичаени активности, Борис Џонсон официјално според протокол да ѝ го врати мандатот, а веднаш потоа за нов мандатар да биде назначена неговата сопартијка Лиз Трас.

Поранешната 47 годишна министерка за надворешни работи Лиз Трас е четвртиот конзервативен премиер во турбулентните години на криза од 2015 наваму, која пред себе има тешка задача да се справи со растечката инфлација, енергетската криза и редица големи предизвици во економијата.

Аналитичарите, тежината и одговорноста на нејзината позиција ја споредуваат со онаа на Маргарет Тачер во 1979 година, со забелешка дека на Трас ќе ѝ биде многу потешко затоа што не ужива толкава популарност ниту во јавноста ниту во својата партија, што се виде од турбуленциите при нејзиниот избор за нов мандатар.

Британија во моментов се соочува со инфлација од над 10%, која неофицијално се смета дека е многу поголема, додека енергетските трошоци на граѓаните пораснаа за над 80%.

Се очекува во октомври годинава, просечно домаќинство во Велика Британија да плаќа околу 3500 фунти годишно, додека прогнозите за 2023 се за неверојатни 6000 фунти, што сериозно ќе го наруши стандардот.

The post Лиз Трас утре ќе го добие мандатот за формирање британска владa first appeared on Кепенци.

Британски крипто-скептицизам

Editor — Sun, 13 Mar 2022 22:14:03 +0000

Во Обединетото Кралство има 81 функционален крипто банкомат. Наскоро сите до еден би можеле да бидат отстранети, бидејќи според надлежниот орган – работат незаконски.

Крипто-банкоматите изгледаат како обични банкомати и им овозможуваат на луѓето да купуваат криптовалути, како што е Биткоин, користејќи ги нивните банкарски картички.

Но, ниту една компанија која нуди услуги за криптовалути во ОК нема лиценца да управува со крипто банкомати.

FCA вели дека сите такви машини мора да се исклучат или во спротивно ќе се преземат мерки.

Според директориумот Coin ATM Radar за крипто-банкомати , има 81 функционални крипто банкомати во Обединетото Кралство.

Би-би-си пишува дека од објавувањето на таа листа, 110 крипто компании престанале да тргуваат во Велика Британија.

The post Британски крипто-скептицизам first appeared on Кепенци.

Британија - Кепенци

Лиз Трас утре ќе го добие мандатот за формирање британска владa

Британски крипто-скептицизам