валути - Кепенци

Русија ја забрани употребата на криптовалути

Editor — Mon, 18 Jul 2022 09:40:51 +0000

Рускиот претседател Владимир Путин во саботата потпиша закон за национална забрана за употреба на криптовалути за плаќања. Одлуката доаѓа откако руската влада и руската централна банка дебатираа што треба да направат во врска со криптовалутите

Во јануари, Банката на Русија предложи забрана за криптовалути за плаќања или инвестиции. Во февруари, руското Министерство за финансии достави до владата нацрт-регулативи за крипто кои дозволуваат инвестирање во дигитални средства како Ethereum или Bitcoin , но не и користење за купување работи.

Законот за забрана на користење криптовалути за плаќање услуги беше објавен на веб-страницата на рускиот парламент. Во него се наведува дека руската влада забранила пренос или прифаќање на дигитални финансиски средства како компензација за пренесените стоки, извршените услуги, извршените работи и други средства кои овозможуваат плаќање за стоки да се преземат со дигитални финансиски средства, освен ако не е поинаку определено со федералните закони.

The post Русија ја забрани употребата на криптовалути first appeared on Кепенци.

Крипто ресетот ги плаши банкарите

Editor — Sat, 09 Apr 2022 20:09:17 +0000

Оваа недела во Мајами се одржува конференција за Bitcoin 2022 посветена на пазарот на криптовалути, на која ќе се соберат бројни експерти и ентузијасти, но и милјардери oд светот на крипто валутите.

Еден од сè почестите термини во финансискиот свет е децентрализирано финансии или DeFi. Тоа е термин кој вклучува различни финансиски производи и услуги базирани на блокчејн, а кои имаат за цел да ги елиминираат посредниците во бизнисот, односно традиционалните финансиски институции кои давале такви услуги. DeFi и влијанието на децентрализацијата врз банките и целокупната финансиска индустрија ќе биде една од темите на конференцијата за криптовалути Bitcoin 2022 што ќе се одржи оваа недела во Мајами.

Oвој настан банките не го дочекаа баш најдобро но сепак се шпекулира дека дел од нивните претставници ќе бидат присутни на настанот со цел следење на тековните промени од финансискиот пазар.

The post Крипто ресетот ги плаши банкарите first appeared on Кепенци.

ЕУ се обидува да го регулира крипто пазарот

Editor — Wed, 16 Mar 2022 23:28:46 +0000

Комитетот за економска и монетарна политика на Европскиот парламент (ECON) го усвои долгоочекуваниот законски пакет за регулирање на пазарот на криптовалути (MiCA) , чија цел е да го координира регулаторниот пристап на ЕУ кон крипто индустријата.
Последната точка за финансиската стабилност е исто така поврзана со стабилен пазар. Авторите на MiCA не веруваат дека пазарот на крипто денес претставува закана за финансиската стабилност, но тие веруваат дека тоа наскоро би можело да се промени поради стабилкоинот.

На некој начин, законодавниот пакет MiCA е сличен на неодамнешната извршна наредба на американскиот претседател Бајден за криптовалутите во САД, во која различни регулатори и агенции повикуваат на акција за да се воспостави план за регулирање на криптовалутите и заштита на потрошувачите.

The post ЕУ се обидува да го регулира крипто пазарот first appeared on Кепенци.