временска - Кепенци

Летото заврши – зимата дојде ? Маврово и Берово -2°C

Editor — Fri, 23 Sep 2022 12:07:32 +0000

За оние кои излегуваат рано сабајле ова е сезона на облекување како кромид – пет слоја облека и ранец за прибирање на вишокот алишта во текот на денот.

Ова е период во кој низ улиците може да се видат луѓе по кимоно маици и шорцеви, едно до едно со луѓе со палта и дебели јакни.

Оние пак, кои излегуваат напладне кога температурите се накај 30 °С, доколку не понеле јакна, а се задржат подолго надвор до зајдисонце, навечер премрзнати си одат дома.

Старите рекле – жива болест, кога не знаеш како да се облечеш.
Времето денес во текот на денот ќе биде сончево со мала до умерена облачност. Преку денот претежно во планинските региони во западните и крајните источни делови ќе има услови за слаб дожд. Ќе дува слаб до умерен ветер од северен правец.

Утрово најстудено со -2 степена беше на Попова Шапка, Берово, Лазарополе, 2 Маврови Анови, Крива Паланка, Крушево, Скопје-Петровец, 3 Битола, 4 Штип, Демир Капија, Претор, Прилеп, Струмица, Дебар, Тетово, 5 Виница, 6 Охрид, Куманово, Скопје-Зајчев Рид, 10 Гевгелија, 11 Дојран.

Ноќта времето беше претежно ведро и студено, а само на места имаше појава на умерена облачност.

Максималната температура ќе биде во интервал од 14 до 22 степени.

За утре се прогнозира да биде наутро студено, преку денот сончево со мала до умерена облачност. Ќе дува слаб до умерен јужен ветер.

Викендот утрата ќе бидат студени, а дневната температура ќе биде во пораст, кој ќе биде позначителен во почетокот на следната седмица. Во понеделник со зголемување на облачноста, во западните делови ќе започнат врнежи од дожд, а во вторник ќе биде и нестабилно со повремено пороен дожд и појава на грмежи и засилен ветер. Од почетокот на следната седмица ќе биде ветровито со умерен до повремено засилен јужен ветер.

The post Летото заврши – зимата дојде ? Маврово и Берово -2°C first appeared on Кепенци.

Временска прогноза – сончево со умерена облачност и појава на дожд

Editor — Tue, 20 Sep 2022 08:45:39 +0000

Времето денес во Македонија ќе биде сончево со мала до умерена облачност, во западните делови со услови за појава на краткотраен дожд. Ќе дува слаб до умeрен ветер претежно од северен правец.

За утре се очекува да биде променливо облачно со повремен локален дожд. Ќе дува умeрен до засилен ветер од северен правец, изјавија од УХМР.

The post Временска прогноза – сончево со умерена облачност и појава на дожд first appeared on Кепенци.

Временска прогноза

Editor — Wed, 27 Apr 2022 07:26:38 +0000

Времето денес ќе биде сончево и топло, попладне со мала до умерена локална облачност. Ќе дува со слаб до умерен ветер од јужен правец.

Температурите во југозападниот регион ќе се движат од 7 до 29 степени

За утре се очекува да биде сончево со умерена облачност и со умерен, а вдолж Повардарието засилен северен ветер. Попладне ќе има локален пороен дожд и грмежи изјави ја од Управата за хидрометеоролошки работи.

The post Временска прогноза first appeared on Кепенци.

Временска прогноза

Editor — Thu, 21 Apr 2022 06:27:12 +0000

Денес, четврток времето ќе биде променливо облачно со повремен локален дожд особено во северните и западните делови. Ќе дува слаб до умерен ветер од југоисточен правец.

Температурите во југозападниот дел на земјата ќе се движат од 3 до 16 степени во текот на денот.

До недела ќе се задржи променливо облачно време со сончеви периоди и со повремени локални врнежи од дожд, а утре ќе биде ветровито со засилен југоисточен ветер (над 60 км/час), а претежно попладне со услови за појава на пороен дожд проследен со ретки грмежи. Потоа следува неколкудневен постабилен посончев период. Од утре дневните температури ќе бидат во пораст кој ќе е позначителен за време на викендот кога во повеќето места температурите ќе бидат над 20 степени, изјавија од Управата за хидрометеоролошки работи.

The post Временска прогноза first appeared on Кепенци.

Временска прогноза

Editor — Tue, 19 Apr 2022 09:32:36 +0000

Денес времето ќе биде променливо облачно со сончеви периоди. На планинските предели ќе има локални врнежи од дожд. Ќе дува слаб јужен, а во западните делови умерен западен ветер.
Температурите ќе се движат од 2 до 11 степени во текот на денот.

The post Временска прогноза first appeared on Кепенци.