Запленети над 200 метри кубни бесправно исечени дрва

Editor — Sat, 01 Oct 2022 15:45:48 +0000

Полициски службеници од СВР Штип- ОВР Кочани, по претходно добиени оперативни сознанија за пустошење на шума, денес на 01.10.2022 во содејство со Државен инспекторат за шумарство и ловство, постапувајќи во склоп на Оперативна акција „Гора“ околу 10.30 часот во Осоговските планини на место викано Бунари, покрај шумски пат, пронајдоа над 200 метри кубни бесправна сеча на огревно дрво бука, од кои околу 150 метри кубни подготвени за превоз од страна на правно лице од Кочани.

Известен е јавен обвинител и по документирање на случајот ќе биде поднесена соодветна кривична пријава до ОЈО Кочани.

Исто така, денеска во Осоговските планини на место викано Бабини градини затекнати се четири лица од Виница, вработени во правно лице од Пробиштип, како вршат бесправна сеча на огревно дрво бука. Известен е јавен обвинител и по целосно документирање на случајот ќе биде поднесена соодветна пријава до ОЈО Кочани.

The post Запленети над 200 метри кубни бесправно исечени дрва first appeared on Кепенци.

150 годишен дедо фикус

Editor — Wed, 09 Mar 2022 15:26:47 +0000

Фикусот е урбан украс кој денес е присутен во речиси сите домаќинства.

Го има во сите подвидови, кои се делат според големината на лисјата, дебелината на стеблото, начинот на разгранување итн.

Но, фикусот иако го нарекуваме цвеќе е всушност дрво кое во соодветни природни и климатски услови може да достигне необични димензии.

Фикусот во Мауи на Филипините е познат по својата големина и старост. Висок е 18 метри, развил 16 главни стебла, а корењата му опфаќаат радиус од над 30 метри.

Се знае точно кога е посаден – на 24 април 1873, а донесен бил од Индија како стебло од 2 метра.

The post 150 годишен дедо фикус first appeared on Кепенци.

дрва - Кепенци

Запленети над 200 метри кубни бесправно исечени дрва

150 годишен дедо фикус