Лавров го налути Израел со изјава дека и Хитлер бил Евреин

Editor — Mon, 02 May 2022 09:31:44 +0000

Изјавата на шефот на руската дипломатија во интервју за италијанска телевизија, дека и Хитлер имал еврејско потекло го крена Израел на нозе.

„Непростлива, скандалозна изјава, ужасна историска грешка, бараме извинување!“ вака веднаш реагираше израелскиот министер за надворешни работи Јаир Лапид, кој веднаш го повика рускиот амбасадор во Израел.

Во спорното интервју за „Рете4″ запрашан како може Русија да ја „денацифицира“ Украина од Зеленски кој е Евреин, Лавров одговори дека „тоа не значи ништо, затоа што и Адолф Хитлер имал еврејско потекло.“

– Веќе долго време слушаме од некои мудри Евреи, дека најголемите анти-семити денес се самите Евреи – додаде Лавров и предизвика лавина осуди и реакции.

Веднаш се огласи и Дани Дајан, претседател на Музејот на Холокаустот „Јад Вашем“, кој го обвини Лавров за ширење анти-семитски конспирации на високо ниво.

– Ова е голема навреда и тежок удар врз 6 милиони Евреи, жртви на вистинскиот нацизам – рече Дајан. Засега нема реакција и одговор од руска страна.

The post Лавров го налути Израел со изјава дека и Хитлер бил Евреин first appeared on Кепенци.

евреин - Кепенци

Лавров го налути Израел со изјава дека и Хитлер бил Евреин