златен клуб - Кепенци

Волонтерско признание за Здружението “ВИКТОРИ”

Editor — Mon, 05 Dec 2022 17:40:30 +0000

Волонтерите и волонтерството во секоја држава претставуваат огромен човечки потенцијал кој континуирано се мобилизира согласно потребите на заедницата. Вредноста која волонтерите ја создаваат и вградуваат во своите активности е „бесценета“, бидејќи поседува особен квалитет кој е збогатен со хуманата димензија на добрата волја – вели младата Викторија Брдаровска од Здружението за заштита од повеќе аспекти “ВИКТОРИ”.

Здружението “ВИКТОРИ” по повод Светскиот ден на волонтерството 5 декември доби плакета од Општина Битола како една од петте најдобри организации кои во годината што изминува спроведоа волонтерски акции. Плакетата ја врачи градоначалникот на Општина Битола, Тони Коњановски.

Претседателката на оваа здружение, Викторија Брдаровска се заблагодари пред присутните и рече дека признанието е резултат на работа и на ништо друго, ветувајќи дека од идната пролет ова здружение уште посилно и поангажирано ќе работи за доброто на заедницата.

The post Волонтерско признание за Здружението “ВИКТОРИ” first appeared on Кепенци.

Македонските бодибилдерки на врвот на светот

Editor — Sun, 18 Sep 2022 20:12:31 +0000

Амбасадор на женскиот бодибилдингот има име и се вика Мери Акиевска.

Мери Акиевска, девојката која ниту еден македонски спортист го нема тоа достигнато – освоени се сите можни трофеи во женскиот бодибилдинг.

Национален, Балкански, Европски, Светско и сега Арнолд Класик Шампион!

Настанот за натпреварот на Арнолд Класик Европа се одржуваше во шпанскиот град Севиља каде што покрај Мери Акиевска учество за македонските бои зеде и Катерина Попева каде што во силна категорија од 19 натпреварувачки од светот го освои четвртото место.

Честитки девојки, од вас не ни се очекуваше и ништо помалку со оглед на тоа што знаеме колку напор сте вложиле за да го постигнeте ова што сте денес.

Браво!!!

The post Македонските бодибилдерки на врвот на светот first appeared on Кепенци.

Македонските бодибилдерки ги собраа медалите во Романија

Editor — Tue, 06 Sep 2022 14:40:58 +0000

Во романскиот град Сибиу каде се одржувапе IFBB Romanian International Grand Prix, натпревар на кој учествуваа натпреварувачи од повеќе држави од Европа нашите бодибилдерки им ги собраа главните медали.

Македонските репрезентативки, Мери Акиевска и Катерина Попева, предводени од претседателот на федерацијата, Бобан Ѓороски како рутински тест пред напреварот во Шпанија што ќе се одржува од 17 до 19 септември, си ја “проверија” силата во романскиот град Сибиу.

На овој натпревар, актуелната европска и светска шампионка, Мери Акиевска, рутински се закити со нов пехар и нова победа, додека Катерина Попева го освои второто место во нејзината категорија.

Браво девојки и се надеваме дека од Шпанија ќе се вратите исто така со еден куп медали

The post Македонските бодибилдерки ги собраа медалите во Романија first appeared on Кепенци.

Битолска Коњаница – Галоп по врвиците на Илинденците (ВИДЕО)

Editor — Mon, 25 Jul 2022 21:20:19 +0000

Од Арангел до Илинден, од Битола до Крушево, 8 дена низ шумски патеки, низ 20тина села, 12 момци и 2 девојки, со 14 коњи ја обновуваат традицијата на Илинденците.

Рубриката „Златен Клуб” на Кепенци, овојпат е посветена на ентузијазмот на младите од Здружението за рурален развој и организирање на Битолска Коњаница „Галоп” од Битола, како скромна поддршка на нивниот благороден подвиг.

The post Битолска Коњаница – Галоп по врвиците на Илинденците (ВИДЕО) first appeared on Кепенци.

Битолска коњаница – од ентузијазам кон традиција

Editor — Tue, 19 Jul 2022 01:11:43 +0000

Кога си млад, кога имаш голема желба и кога искрено сакаш, и згора на сѐ кога имаш благослов – ништо не е тешко.

Тоа на дело го докажуваат членовите на Битолската коњаница кои поттикнати од примерот на Илинденците и водени од големата љубов кон Македонија, се нафатија на подвиг кој од младешки ентузијазам има сериозен потенцијал да прерасне во традиција.

Речиси 200 километри за 8 дена, по тешки планински патеки и превои, исто како комитите некогаш 12 момци и 2 девојки на 14 коњи ќе поминат јавајќи од Битола кон Крушево. Патувањето кое ќе започне на 26 јули од пред Офицерскиот дом во Битола ќе заврши на 2 август, со дефиле и положување цвеќе на Мечкин Камен.

Амбициозната рута опфаќа дваесетина села, посета на 6 цркви и манастири од каде ќе се земе благослов, чествување на стотици паднати Илинденци и многу дружење низ радост и песни.

Битола, Довлеџик, Трново, Цапари, Маловишта, Ѓавато, Гопеш, Смилево, Големо Илино, Велмевци, Цер, Долно Дивјаци, Арулево, Пуста Река, и на крај езерото, Гумење и Мечкин Камен во Крушево се дел од местата низ кои минува комитската рута.

Некаде ручек, некаде одмор и почивка, секаде благослов, а некаде и учество во свети Божествени Литургии во Свети Архангел Гаврил во Довлеџик, Света Петка во Цапари, Света Ана во Маловишта, Пресвета Богородица во Ѓавато, Свети Апостоли Петар и Павле во Смилево, Свети Илија во Големо Илино и секако чествување на могилата на 96 Илинденци од Цапари, Александар Кошка во Гопеш, Јордан Пиперката во Велмевци, Христо Узунов во Цер, Дамјан Груев во Смилево, Питу Гули со четата и стотици други илинденци во Крушево.

Облечени во автентична носија од Илинденско време, специјално изработена за оваа Битолска коњичка чета, новите млади Илинденци на почетокот на патувањето ќе положат и заклетва, врз револвер и кама над Библија, со желба да го доловат целосниот автентичен впечаток на времето на Илинденското востание.

Од Битолската коњаница велат дека ова е само почеток, најавуваат дека настанот ќе прерасне во традиција, со уште повеќе учесници во следните години. На прес конференцијата за најава на настанот во арт-кафе-клубот Везилка, присуствуваа и претставници на подмладокот на Обединетата македонска дијаспора. Освен што го поддржаа настанот, овие одамна семејно натурализирани македонски Америкаци, пројавија и голем интерес да се запознаат со традициите и обичаите на своите некогашни предци од Македонија.

The post Битолска коњаница – од ентузијазам кон традиција first appeared on Кепенци.

Македонските млади математичари во врвот на светот

Editor — Fri, 15 Jul 2022 14:03:50 +0000

На 63-тата Интернационалната математичка олимпијада македонците со одличен резултат.

Oд 104 земји Македонија го освои 39 место.

На овој најпрестижен математички натпревар во светски рамки што годинава се одржуваше во Осло, Норвешка, нашата екипа годинава освои два сребрени медали, два бронзени медали и две пофалници.

НИКОЛА СПИРОВСКИ (сребрен медал; со освоени 29 поени)
ДАМЈАН ДАВКОВ (сребрен медал; со освоени 29 поени)
БЛАЖЕ СУКЛЕВСКИ (бронзен медал; со освоени 27 поени)
ЈАН СТОЈАНОВСКИ (бронзен медал; со освоени 24 поени)
АЛЕКСИЈ ТАСИЌ (пофалница; со освоени 21 поен)
ЈАСНА ИЛИЕВА (пофалница; со освоени 18 поени)

Водалот на тимот е Илија Јовчевски а заменик водачот е Мирко Петрушевски.

Честитки дечки Македонија се гордее со вас.

The post Македонските млади математичари во врвот на светот first appeared on Кепенци.

Во чест на Свети Наум, Марко Пејчиновски го преплива Охридското езеро

Editor — Sun, 03 Jul 2022 15:11:55 +0000

Марко Пејчиновски го заврши своето четврто препливување за ова лето на релација Струга – Св. Наум (30км), со време од 9 часа и 26 минути.

Претходно во јуни, Марко преплива три делници од Радожда до Охрид (14 км), Градиште (18км) и Трпејца (20км).

Марко Пејчиновски ова лето си постави цел да преплива вкупна должина од 250км од Охридското Езеро од различни дестинации.

Марко пред четири години кога го преплива езерото на само 12 години стана најмладиот маратонец што ја испливал 30 км од Свети Наум до Охрид.

The post Во чест на Свети Наум, Марко Пејчиновски го преплива Охридското езеро first appeared on Кепенци.

За прв пат во Битола: Royal Prom – Избор на матуранти на генерацијата

Editor — Thu, 02 Jun 2022 12:16:56 +0000

Интернет порталот Кепенци.мк кој е новорoдeнче во виртуелниот медиумски „етер“ во Македонија, со првата дружба и фотографирање со матурантите од СЕУ „Јане Сандански“ ја почна големата акција за избор на матуранти на генерацијата 2022.

*линк од гласањето: https://www.kepenci.mk/royal-prom-of-bitola/

Идејата е матурантите од сите средни училишта во градот преку кампањата Royal Prom да добијат поголема видливост и влијание, во услови кога младите во Битола воопшто се чувствуваат по малку запоставени и игнорирани од општеството.

На неколкуте средби кои ги имавме со претставници на Младинскиот совет на Битола и средношколци од матурските одбори околу идејата за ваква заедничка акција, младите ни рекоа – шуќур на некој да му текни на нас, оти нас никој не не есапи серозно ниту ни обрнува внимание, па дури и дома. Независно дали е ова правило или исклучок, дали е објективен одраз на реалноста или субјективен впечаток кој се разликува од случај до случај, сепак звучи болно отрезнувачки и создава чувство на одговорност кај секој возрасен во градот – велат од редакцијата на kepenci.mk за развојот на идејата и процесот низ кој се стигна до Royal Prom.

Така обичната идеја за поголема видливост на младите во градот и промоција на Младинскиот совет на Битола, кој е формиран пред речиси една деценија, но дури ни голем дел од младите до пред некое време не знаеле дека постои, преку заеднички акции и кампањи со порталот kepenci.mk прерасна во сеопфатна градска акција во која возрасните, институциите, бизнис секторот, естрадата … заеднички многу јавно и многу гласно и опипливо ќе им покажат на нашите деца кои зачекоруваат во светот на возрасните – дека ни се важни.

Крајно време е Младинскиот совет на Битола, да не биде само една убава идеја на хартија, туку вистински проактивно тело кое ќе ги организира младите и ќе ги застапува нивните интереси пред институциите. Мислам дека оваа генерација млади има сериозен потенцијал, желба и волја да успее да се избори со тоа за конечно возрасните да почнат да не сфаќаат сериозно, како релевантна сила за помош и рамноправен партнер, а не како товар и обврска
– вели Ивана Атанасовска, претседател на Младинскиот совет на Битола

Кампањата на kepenci.mk која е замислена како забава и игра, иако носи многу сериозна порака, преку медиумот на кој младите денес трошат најголем дел до своето време – Интернетот има за цел да ги мотивира, ангажира, поттикне и обедини матурантите од целиот град и преку настанот Royal Prom да им пренесе порака дека се, и тоа како, важни за Битола и за нејзината иднина.

Преку фотографии – сериозни, групни, смешни, глупави, креативни, духовити, низ кампања за гласање која матурантите самите ќе ја спроведуваат, но и преку сериозни предлози за вреднување, почитување и наградување на нашите не само убави, туку и паметни деца, низ натпревар и симболично внимание преку секакви награди – матурантите на овој начин нема само да се забавуваат, туку ќе го развиваат својот претприемачки и организациски дух, натпреварувајќи се меѓу себе не само во убавина, како што изгледа на прв поглед, туку и во способност самите да поттикнат, организираат и осмислат своја сопствена кампања во најсериозна маркетиншка смисла.

Ова е до толкава мера заедничка акција, што самите матуранти беа прашувани за сферата на интерес, што за нив би било интересно како награда, што сакаат, а што не, што им е кул, а што пфф, што само по себе претставува и своевидно статистичко истражување, за тоа на што, на пример ова лето матурантите најмногу би се радувале. На пример желбата за патување, летна авантура, излегување и забава им е очекувано на прво место, но тука е интересот за полагање за возачка дозвола, планови за студирање, грижа за своето тело, убавина и исхрана, додатоци, брендови, накит, понекоја книга, спортски натпревари, авантуристички спортови, па дури и јавање коњи како необична љубопитност и желба.

Така од обична желба за медиумска соработка и обичен тековна интернет промоција, се роди идејата за една голема кампања во која безмалку ќе биде вклучен целиот град, со сериозен потенцијал да прерасне во традиционален генерациски настан на битолските матуранти.

Кампањата Royal Prom се состои од три етапи :

Фотографирање на матурантите од сите училишта пред почетокот и за време на нивните матурски прослави, од 17 до 26 мај
Гласање на порталот Кепенци.мк каде ќе бидат објавени галериите за Royal Prom 2022 од 27 мај до 12 јули
Голема градска матурска забава на отворено, на платото пред Офицерски дом со прогласување на Prom King , Prom Queen и другите членови на матурското „кралско семејство“ на Битола, со наши битолски естрадни изведувачи

Кампањата ќе има и хуманитарна компонента – акција во која матурантите заедно со спонзорите и поддржувачите ќе соберат средства кои ќе се донираат материјални добра и парични средства со прецизна намена, на социјално загрозено семејство, за кое самите матуранти од „кралското семејство“ ќе се одлучат.

Од самиот почеток, акцијата е поддржана и од популарниот македонски музичар, битолскиот Супермен Виткор Апостоловски, кој вели дека иако помина повеќе од деценија од времето кога тој бил матурант, се препознава и целосно се идентификува со фрустрираноста на матурантите поради чувството дека се игнорирани од општеството, но и со целта на кампањата малку да размрда, да освести и да сврти внимание кон оваа важна генерациска возраст за иднината на Битола.

Виктор, кој е постојано меѓу матурантите, што виртуелно, што вистински, ќе биде и водител на завршната забава на Royal Prom пред Офицерски.

@kepenci.mk
@professor_va #fyp kepenci.mk Royal Prom 2022
♬ original sound - kepenci.mk

Целата кампања, досега наиде на позитивен одзив кај бизнис заедницата на Битола која, секој на свој начин, достојно ќе ги испочитува матурантите со соодветни награди, е поддржана од Општина Битола, Младинскиот совет, Културниот и Информативен Центар (Офицерски дом) и Здружението на граѓани за афирмација на дигиталната култура QR Општество кое е партнерски задолжено за интернет промоцијата на Royal Prom of Bitola 2022.

Галерија од завршниот настан: https://www.kepenci.mk/galerija-final/

The post За прв пат во Битола: Royal Prom – Избор на матуранти на генерацијата first appeared on Кепенци.

Битолските деца во светскиот кугларски врв

Editor — Mon, 16 May 2022 17:19:56 +0000

Со исклучителна игра претставникот на Македонската кугларска федерација Архан Арслановски успеа да се пласира во финалето на Светскиот куп во Естонија кое го заврши на осмото место.

Македонската репрезентативка Стефанија Алексовска која исто како и Арслановски доаѓа од кугларскиот клуб Пелистер од Битола, во женска конкуренција натпреварувањето го заврши на 12 позиција.

Патувањето на македонските репрезентативци во Естонија беше до крај неизвесно и под отежнати околности, поради блокираната сметка на кугларската федерација на Македонија.

Но благодарение на тренерот Игор Михајловски и поддршката од приватниот сектор Македонија и Битола годинава за среќа испратија достојни претставници какви што се Архан и Стафанија кои се сметаат за таленти кои во моментот се најголем потенцијал во Македонија чие време во кугларството допрва доаѓа.

The post Битолските деца во светскиот кугларски врв first appeared on Кепенци.

Доделени наградите од литературниот конкурс по повод светскиот ден на книгата

Editor — Sat, 14 May 2022 22:29:59 +0000

Денес во Домот на културата “Илинден” во Демир Хисар беа доделени наградите од литературниот конкурс по повод светскиот ден на книгата.

Првите награди на конкурсот ги освоија:

Нектарија Илиевска од Битола

категорија Основно образование

Елена Николоска од Прилеп

категорија Средно образование

Светлана Босилкова Далевска од Велес

категорија Возрасни

Манифестацијата беше збогатена со настапот на младиот пијанист Далибор Ѓорелевски.

The post Доделени наградите од литературниот конкурс по повод светскиот ден на книгата first appeared on Кепенци.