иран - Кепенци

Русија купува оружје од Северна Кореја и Иран?

Editor — Tue, 06 Sep 2022 09:27:39 +0000

Њујорк Тајмс објави декласифициран разузнавачки извештај според кој Русија склучила договор за набавка на сторици илјади прачиња разновидно воено оружје и муниција од Северна Кореја.

Претходно беше објавено дека во Русија веќе стигнала испораката на дронови од Иран и дека руски воени претставници се наоѓаат во Техеран, на обука за нивно користење.

И Северна Кореја и Иран се под санкции на САД уште пред војната во Украина и нивната воена соработка со Москва не е изненадување.

Северна Кореја минатиот месец ја призна независноста на окупираните украински региони Доњецк и Лугањск, со комунистичка реторика изразувајќи поддршка и наклонетост кон праведната борба на своите „другари и другарки“ за отцепување од Украина.

Според финскиот тинк-тенк, Центар за енергетски истражувања и чист воздух, силните меѓународни санкции кон Русија, не ја оштетија многу Руската економија, но сојузниците од НАТО веруваа дека изолацијата ќе го спречи купувањето на оружје.

Според финските експерти, Русија од почетокот на војната остварила профит од над 150 милијарди евра од продажба на фосилни горива, од кои повеќе од половина се заработка од промет со земји членки на Европската Унија.

The post Русија купува оружје од Северна Кореја и Иран? first appeared on Кепенци.

Иран – Дајте им на жените да гледаат фудбал!

Editor — Fri, 26 Aug 2022 13:03:58 +0000

За првпат по 40 години на околу 500 жени во Иран и беше дозволено да присуствуваат на фудбалски натпревар од локална лига, и да го гледаат мечот во живо на стадион заедно со мажите.

Жените кои биле физички одвоени во посебен простор на трибините, не пропуштиле во текот на навивањето да извикуваат „Сина Девојка” во чест на 29 годишната Сара Кодајари, девојката која стана симбол на борбата за женски права во Иран.

Кодајари се самозапали чекајки судење поради тоа што преправена како маж влегла на фудбалски натпревар, но била откриена.

По притисокот од Меѓунарондата фудбалска федерација ФИФА, но и од домашната јавност, властите во Иран каде владее строгиот исламски шеријатски закон, решија да им дозволат на жените да гледаат фудбал.

Претходните неколку години, трендот на маскирано упаѓање на жени да гледаат фудбал на стадионите, толку зачести што властите престанаа да се обидуваат да го спречат.

The post Иран – Дајте им на жените да гледаат фудбал! first appeared on Кепенци.

Путин во Иран

Editor — Tue, 19 Jul 2022 08:28:04 +0000

Првото патување во странство на рускиот е претседател Владимир Путин од почетокот на војната во Украина, е во Иран.

Освен со минатата година избраниот ирански претседател, Ебрахим Раиси, рускиот претседател во Техеран ќе се сретне и со претседателот на Турција, Реџеп Таип Ердоган кој е исто така во посета на Иран.

Освен нафтата, се очекува темата на двајцата претседатели со Раиси да бидат и случувањата во Сирија, но од исклучителна глобална важност се разговорите Путин-Ердоган, на тема – непречен проток на украинското жито низ Црното Море.

Храната, а особено житото, не е опфатена со санкциите од Западот кон Русија, и на оваа тема Русија соработува со Украина и со обединетите нации, со цел да се спречи недостигот на брашно и храна, па дури и глад во некои земји од „третиот свет” оваа зима.

The post Путин во Иран first appeared on Кепенци.