ковид - Кепенци

Сечуан – суша, ковид па земјотрес

Editor — Tue, 06 Sep 2022 10:10:39 +0000

Бројот на загинати во силниот земјотрес во кинеската провинција Сечуан се искачи на 65 лица, повредени се 248, а по 12 исчезнати сѐ уште се трага под урнатините.

Како земјотресот да не им беше доволно, властите продолжија со ригорозната политика на нулта толеранција за ковид, оставајќи го на сила полицискиот час, според кој, само по едно лице од домаќинство може да излезе кратко во одредено време од денот.

Аналитичарите велат дека ригорозниот ковид „локдаун” предизвикан од бројката од 950 заразени лица ова лето, влијаел за големиот број жртви и ранети, затоа што земјотресот се случил кога сите морале да бидат дома.

Згора на сѐ, ова лето провинцијата Сечуан е зафатена од енормно високи температури и суша која освен шумски пожари, предизвика и прекин на производството на електрична енергија во неколку хидроцентрали, поради недостиг на вода за турбините.

Инаку, во регионите зафатени со трите непогоди се сместени неколку клучни погони на западни производители на електрични автомобили како Тесла, Фолксваген, Волво и Тојота, кои поради сите овие причини неколкупати мораа да го прекинат производството.

The post Сечуан – суша, ковид па земјотрес first appeared on Кепенци.

Ковидот се враќа во Австралија?

Editor — Tue, 26 Jul 2022 11:32:25 +0000

Втор ден по ред, Австралија бележи највисок процент на хоспитализации поврзани со корона вирусот.

Бројката на пациенти на болничко лекување сѐ уште не е алармантна, но за два дена достигна 5600 луѓе, додека бројот на починати надмина 100, што се смета за сепак висока бројка по периодот на „затишје“ на заразата.

The post Ковидот се враќа во Австралија? first appeared on Кепенци.

Сред сезона Црна Гора ги врати маските

Editor — Fri, 15 Jul 2022 08:49:30 +0000

Од денес 15.07.2022, па во следните две недели во Црна Гора ќе важи старо-нов пакет мерки како одговор на зголемениот број позитивни од ковид 19.

Мерката главно се однесува на носење маски кај сите туристички работници и инволвирани во контакт со туристи.

Маски ќе се носат и на аеродроми, станици и слични прометни места како и во институции до ранливи категории, болни, стари лица и деца.

The post Сред сезона Црна Гора ги врати маските first appeared on Кепенци.

Строгите мерки за нула-ковид во Кина може да убијат милион и пол луѓе?

Editor — Wed, 11 May 2022 08:40:32 +0000

„Не мислиме дека политиката (на „нулта толеранција”) на Кина околу однесувањето на ковид вирусот е одржлива и ги анализираме последиците“

– Тедрос Адханом
Гебрејесус генерален директор на СЗО

Изјавата доаѓа по извештаите дека строгите затворања, задолжителните чести тестирања и принудни карантини со прегради, огради и вооружени стражи за постигнување НУЛА заразени во Кина, нема да го спречи ковидот, но може да предизвика смрт на дури еден и пол милион луѓе како индиректна последица од мерките.

The post Строгите мерки за нула-ковид во Кина може да убијат милион и пол луѓе? first appeared on Кепенци.

Од Ковид умреле трипати повеќе луѓе отколку што се мислело

Editor — Thu, 05 May 2022 20:51:01 +0000

Светската здравствена организација објави нов извештај со анализи за жртвите oд пандемијата на корона вирусот, во кој ги негира своите претходни статистики.

Според новите податоци до крајот на 2021 година во светот, како директна, но и индиректна последица од ковид умреле речиси 15 милиони луѓе, а не 5,4 милиони како што тврдеше во претходните извештаи.

Во проширената статистика се земени превид и случаите кои не се официјално регистрирани од здравствените системи, какви што доминираат најмногу во Индија за време на пикот, како и последиците од други заболувања, каде смртта сепак била поттикната односно забрзана заради последиците од ковид.

The post Од Ковид умреле трипати повеќе луѓе отколку што се мислело first appeared on Кепенци.

Од 1 мај во Грција без сертификати

Editor — Thu, 28 Apr 2022 21:06:41 +0000

Министерството за здравство на Грција соопшти дека од 1 мај до 31 август го укинува задолжителниот сертификат за влез во сите затворени објекти, како и тоа дека од 1 мај се укинува задолжителниот европски сертификат за вакцинација, прележан Ковид-19 или негативен тест за влез во земјата.

Ова значи дека од недела се укинуваат сите Ковид рестрикции кај нашиот јужен сосед со исклучок на маската, која и понатаму е задолжителна во затворените простори.

The post Од 1 мај во Грција без сертификати first appeared on Кепенци.

Ковид кризата поттикна ширење на сипаници

Editor — Wed, 27 Apr 2022 22:44:41 +0000

УНИЦЕФ и Светската здравствена организација соопштија дека бројот на случаи на мали сипаници во светот во првите два месеци од годинава порасна за дури 79% споредено со лани.

Се смета дека причината за ваквото драстично зголемување е ковид пандемијата, односно прекинот на процесот на вакцинирање на децата од сипаници, поради преокупацијата на светот со ковид вакцините.

Иако статистичките бројки се далеку од алармантни и засега не постои опасност од пандемично ширење на малите сипаници кои се многу попреносливи од ковидот, сепак високиот процент на зголемување на случаите во светот претставува аларм за здравствените власти, да не ги потценуваат другите опасности и да внимаваат на редовноста на акциите за вакцинирање на децата.

Годинава се забележени и неколку осамени случаи на Полио во места каде што детската парализа се сметала за искоренета, што е аргумент повеќе дека имунизацијата на децата со редовните вакцинални програми не смее да се пореметува.

The post Ковид кризата поттикна ширење на сипаници first appeared on Кепенци.

Повеќе од половина Американци прележале Ковид

Editor — Tue, 26 Apr 2022 21:37:07 +0000

Според масовното истражување со анализи на крв спроведено од американската Агенција за контрола на зарази и превенција 58% од вкупното население ја прележало короната, додека по брзорастечкиот Омикрон, процентот кај децата нараснал на 75%.

Од Агенцијата сепак велат дека присутноста на антитела и знаците за прележаност, не значат дека тие лица се трајно заштитени од Ковид.

Агенцијата продолжува да ја промовира вакцината како најсигурна заштита од тешки последици и смрт.

Според официјалните статистики, 66% од населението во САД е целосно вакцинирано, а 46% примиле и бустер доза.

The post Повеќе од половина Американци прележале Ковид first appeared on Кепенци.

Уште еден лек за Ковид

Editor — Sat, 05 Mar 2022 15:05:52 +0000

Експертите од Велика Британија велат дека пронашле уште еден лек кој спасува животи кој може да им помогне на луѓето болни од Ковид.
Антивоспалителниот барицитиниб вообичаено се користи за лекување на ревматоиден артритис.

Испитувањата сугерираат дека може да го намали ризикот од смрт за околу една петтина кај пациентите на кои им е потребна болничка нега .
Може да се користи со други третмани за Ковид, како што е евтиниот стероид дексаметазон што е исто така доста ефективен.

The post Уште еден лек за Ковид first appeared on Кепенци.

Климата го заменува Ковидот?

Editor — Sat, 05 Mar 2022 14:25:14 +0000

По учеството во кампањата за вакцинирање актерот Хју Џекмен кажува што е следно глобално на дневен ред.

А ако тоа го вели Бил Гејтс, светот треба сериозно да се подготви за климатски турбуленции.

Особено поради сѐ погласните тврдења дека контролата на климата и земјотресите веќе некое време се испитуваат од големите како сериозно оружје за глобално војување.

https://twitter.com/RealHughJackman/status/1371101753643577344?s=20&t=mJowBFNb3Pr1JxR2CuLvAQ

Thank you @BillGates for your new book #howtoavoidclimatedisaster. It is both accessible and practical for all. I highly recommend it. pic.twitter.com/cBq4ui5U1M
— Hugh Jackman (@RealHughJackman) March 14, 2021

The post Климата го заменува Ковидот? first appeared on Кепенци.