Македон – златно дете, злато носи

Editor — Wed, 11 May 2022 20:39:11 +0000

Има само 7 години, зборува течно англиски, учи германски, грчки и кинески, а за математичките задачи од втора година средно кои без проблем ги решава, нема потреба посебно да се зборува, бидејќи математиката за него е како добро утро и добар ден.

Но, радоста, еуфоријата и огромната поддршка од македонската јавност се една работа, а рационалното прашање кое се поставува кога тие ќе стивнат, е сосема друга :

– Како оваа држава, ова општество и сите ние ќе успееме да го задржиме ова дете овде, меѓу нас среде нашиот хаос, изместени вредности, извештаи за корупција и невладеење на правото, изгубена „нормалност“ и во образованието и во економијата и во политиката и во секојдневниот живот?

Како и да е – ова дете заслужува почит, поддршка и внимание кое, иако вака само на Интернет, сепак го заслужува.

Оваа објава во рубриката на kepenci.mk која се вика ЗЛАТЕН КЛУБ е само наш придонес во афирмација на вистинските вредности, наша скромна поддршка, убеденост и надеж дека државата и општеството ќе создадат соодветни услови, ќе му дадат ветер во грб и нема да дозволат детето да се поколеба на патот кон успехот за светот допрва да слуша за името Македон Димитровски, да ја вреднува и почитува неговата посебност и генијалност.

The post Македон – златно дете, злато носи first appeared on Кепенци.

македон - Кепенци

Македон – златно дете, злато носи