масло - Кепенци

Индонезија ќе предизвика недостиг на масло и на Далечниот Исток

Editor — Sat, 23 Apr 2022 08:26:15 +0000

Индонезија која е голем извозник на палмово масло, од следната недела ќе ја забрани продажбата на масло надвор од земјата. Се очекува краткорочната владина мерка привремено да ги стаблизира цените на маслото во Индонезија, но да предизвика големи турбуленции на пазарите во Индија и Кина, каде веќе се чувствува недостиг од секакви видови масло за јадење. Индонезија во 2018 го ограничи домашното производство на масло од палма, во рамките на се мерки поврзани со заштита на животната средина.

До забраната беше ограничено создавањето нови насади од палми, но државата компензираше со државна помош во модернизација на производството и неговата ефикасност, како и пренасoчување на производителите на масло кон насади од соја и пченка, како суровини.

Светскиот пазар на сите видови масло за јадење се соочува со голем дисбаланс и дефицит кој од почетокот на војната во Украина се чувствува глобално на сите меридијани. Индонезија, како голем производител на масло од палма и други алтернативни суровини има голем импакт на светскиот промет и цената, кој со последната забрана за извоз, најмногу ќе се почувствува во Индија и Кина. Индонезија е земја со речиси 300 милиони жители и е четврта најголема нација на светот според популацијата.

The post Индонезија ќе предизвика недостиг на масло и на Далечниот Исток first appeared on Кепенци.

Македонија чека масло од Србија

Editor — Sat, 09 Apr 2022 11:41:33 +0000

Ако Србија не ги отстрани законските пречки за извоз на нерафинирано масло како суровина, цените на маслото во Македонија уште повеќе ќе пораснат.

До сега само мал дел од македонското производство на масло се потпира на домашното производство на сончоглед. Фабриките тоа го објаснуваат со незаинтересираност на земјоделците да го произведуваат сончогледот, но факт е дека најголем дел од македонските производни погони за масло се секундарно или терцијално преработувачки. Тоа значи дека се речиси целосно зависни од суровини од увоз, и работат со нерафинирано масло кое го доработуваат и пакуваат или со сончоглед од увоз.

Министерот за земјоделство уверува дека владата ќе го реши недостигот на масло со увоз на суровини од Србија и од други земји.

Доколку брзо не се интервенира цената на маслото во Македонија може уште повртоглаво да се зголеми, а пазарот наскоро да се соочи со целосен дефицит на масло. Засега, во обидите за решавање на „маслената криза“ никој не ги вклучил домашните земјоделци кои имаат капацитет да ги обезбедат потребните суровини, барем за домашниот пазар, за следната година. Но засега, од она што се пласира во јавноста, никој земјодлеците и планското производство на домашен сончоглед за следната година, не ги гледа ни како опција за излез од кризата.

The post Македонија чека масло од Србија first appeared on Кепенци.

Чорба без масло

Editor — Wed, 30 Mar 2022 09:36:24 +0000

200 грама црвена леќа
3 моркови
1 кромид
1 ловоров лист
1 лажичка црвен пипер
1 лажичка брашно
1 гранче магдонос
2 чешниња лук

Ставете го во еден сад зеленчукот да се свари.
Откако ќе се свари го пасираме.
Во друг сад ја ставаме леќата да зоврие. Штом почне да врие леќата го додаваме пасираниот зеленчук. После се додава ловоров лист па зачините сол, црвен пипер и црн бибер. Чекаме убаво да проврие.

Пред крај земаме чаша и разматуваме една средно полна лажица брашно со вода па ја истураме во чорбата.
Оставаме на оган уште кратко и можете да сервирате за јадете

На здравје

The post Чорба без масло first appeared on Кепенци.