музика - Кепенци

Се собрале „Мераклиите“ – Автентично оживување на песната за Јордан Пиперката

Editor — Sat, 25 Feb 2023 20:50:20 +0000

Кога живееш далеку од родната грутка, љубовта и носталгијата кон Татковината стануваат сѐ посилни, а ако на таа носталгија се додаде традиционалната народна музика, се добива добитна комбинација за голема инспирација за уште посилен креативен творечки наплив.

Ако на музиката се додадат и автентичниот амбиент на речиси негибнатата природа и архитектура на живописното Мариово, уште поавтентичното јавање коњи, кое денес речиси исчезнало во внатрешноста на Македонија, сето тоа до детал ускладено и вкомпонирано со автентичните комитски „униформи” се добива совршен спој кој како времеплов, филмски ве пренесува во времето на Јордан Пиперката.

Носталгичните музичари од дијаспората, во случајов се швајцарските, а наши – „Мераклии”, во улога на комитите се членовите на Битолската коњаница „Галоп”, а за сето тоа да изгледа како на филм се погрижи екипата на „Арт Продукција”.

Можеби Швајцарија и не е толку далеку, но за швајцарскиот бизнисмен од Македонија Саша Стоjмeновски, вљубеник, член и поддржувач на Коњаницата (и самиот пасиониран јавач) и голем пријател на групата „Мераклии” како да е зад врата, судејќи според тоа колку често, по различни поводи престојува во Македонија воден од патриотизмот и љубовта за кои пишувавме погоре.

Членовите на бендот, Ане Миров, Оливер Младеновски, Ѓорги Спасов и Ѓорги Божинов, како вистински Мераклии совршено се вклопија во питорескните предели на Мариово, а дружењето го надополнија со традиционалната македонска софра во Етно Ресторанот „Зовиќ”

Со ваквиот темелен пристап во снимањето на спотот за песната „Се собрале комитите” кое ќе продолжи и во Швајцарија, членовите на групата Мераклии покажуваат дека, освен што се врвни професионалци во работата, имаат и бескрајна почит кон Македонија и нејзината пребогата народна традиција

The post Се собрале „Мераклиите“ – Автентично оживување на песната за Јордан Пиперката first appeared on Кепенци.

Менде Куновски – Љубовта дава, а ништо не бара

Editor — Thu, 02 Feb 2023 12:34:01 +0000

Во време кога сѐ, па дури и самодовербата се мери со кликови и лајкови, одлучноста да се остане бескомпромисно доследен на самиот себе и своите вредности, без понизно додворување кон светот, значи ризик од осаменост и опасност од изолација.

Таквиот интегритет не мора да значи некаква претерана и пренагласена чесност, но на жителите на Содом и Гомор дури и таквата „нормалност” би им изгледала како доволен повод за исмевање, како кон семејството на праведниот на Лот.

Пред многу години еден, во тоа време, многу стар човек од еснафот на чаршијата, раскажуваше дека најубави му биле сеќавањата од „,турско” време, затоа што – тогаш имаше обична милост меѓу луѓето.

Секоја чест на исклучоците, но општо земено, голем дел од она што денес се нуди и сервира како музика има за цел да шокира, да иритира, да возбуди, да изнервира, па дури и малтретира, што дополнително додава немир врз немирот од кој сите истовремено се жалат, додека уживаат во него.

Во такви околности, да си смирен, ненаметлив, природен и пристоен, искрено да зборуваш и пееш за обични чувства, без ритам кој заглушува, без „ауто-тјунови” и без турбо примеси на арапски „техно-рок” варијации, значи доброволно да подигнеш тежок товар, кој во име на убавото, вредното … воспитаното, бара дополнителен труд за докажување, пробивање, опстојување … оти навистина е тешко кога треба да се наметнеш, ама без да се наметнеш.

Колку и да не е модерно денес само туку-така просто да се сака и велича жената, колку и да му изгледа тоа некому преромантично „,папучарски”, без секс, интриги, неверства и промоција на претерано вулгарен хедонизам, алкохол, дрога и уживање, на светот сѐ уште му е потребна таквата класична нежност, за едноставно да опстои.

Овој народ низ премрежјата на својата тешка историја научил да пее за љубовта толку нежно и искрено, што и денес не може да се замисли опуштена седенка без народните староградски романси, ниту веридба и свадба во која паровите танцуваат и пејат на „онаа нашата”.

„Ноќта ко мастило
се стори,
златна месечина,
меракот ќе ме изгори,
мора пак
да те видам јас”

– Стиховите кои чекаа три години да се претворат во песна – од „Празниот календар” до „Мастилото”

Достојна за рангот на „Те видов тебе и се заљубив” или „Не кажувај либе добра ноќ”, новата по датум на издавање, но веќе со обележја на стар евергрин „Не сум сретнал јас жена како тебе” (Мастило) претендира допрва да стане љубовна химна, „онаа нашата” за некои нови парови, кои на своите свршувачки, свадби и сите следни заеднички поводи во животот ќе се сеќаваат на времето кога за Денот на вљубените, за Осми Март, за роденденот или онака без повод, на маса, дома, в кафана, под пенџере или под ведро небо на плажа, се разнежувале со едноставните и непретенциозни стихови кои ненаметливо ја носат и откриваат една од најсуштествените филозофски дефиниции за љубовта – да дава, а ништо не бара.

Техничките детали на процесот на создавање на една песна, авторскиот тим, видео спотот … се важни кусо време по промоцијата.

Потоа она што ќе се обнароди, станува „народно” без сајбии, стопани и кираџии … луѓето си го присвојуваат и пејат како да е нивно. Денес сме сведоци на многу песни, за кои дури и дел од музичарите не знаат дека се авторски и новосоздадени, па како народни ги потпишуваат на своите изведби. И тоа нималку не ги омаловажува, туку напротив е најголемото можно признание за легенди од типот на Јонче Христовски, Ајри Демировски, Васка Илиева … песните да ти се пејат како да се наследство на сите.

Менде Куновски (со неговата екипа од изведувачи и автори) денес е редок Дон Кихот кој инсистира на враќање на пристојноста во кафаните и свирките на т.н. „тезги”.

И неговото име, на плакатот пред вратата, веќе станува показател не само за рангот и угледот на ресторанот, туку и гаранција за една пристојна и воспитана вечер, без малтретирање на ушите и вкусовите.

Како што добрата префинета храна не оди со секакво вино, така и важен дел за целосно комплетирање на едно солидно ресторанско мени е и музиката, која доколку не е внимателно избрана, знае и од најскапите угледни ресторани да направи обични „биртии” и обратно – да го облагороди, комплетира и хармонизира просторот и амбиентот.

Прецизно одбраниот репертоар на Менде Куновски го прави токму тоа.

The post Менде Куновски – Љубовта дава, а ништо не бара first appeared on Кепенци.

Лана Дел Реј буцка до непрепознатливост

Editor — Sat, 10 Sep 2022 10:13:20 +0000

Од 2020 година Лана Дел Реј е под постојана критика од нејзините фанови за нејзиниот изглед.

Папараците кои ја сликале на некој гастрономски настан во Холивуд од почеток се двоумеле дали е тоа популарната пејачка со оглед на тоа дека не личела на себе. Нејзините фанови исто така кои биле на настанот не ни забележале дека меѓу нив се движи пејачката.

Некои од медиумите во Холивуд пренесуваат дека причината за нејзината тежина е тоа што се обидувала да ги остави некои пороци од минатото како што се користењето на кокаин, алкохол и цигарите.

И покрај сите коментари на социјалните мрежи Лана не им обрнува посебно внимание ниту пак коментира било што поврзано со темата.

The post Лана Дел Реј буцка до непрепознатливост first appeared on Кепенци.

Патриотска „инфузија“ во вистинско време – А бре, Македонче на Балкан Бенд

Editor — Fri, 24 Jun 2022 08:08:58 +0000

The post Патриотска „инфузија“ во вистинско време – А бре, Македонче на Балкан Бенд first appeared on Кепенци.

Костракта – Во здрав разум – здраво здравје

Editor — Wed, 13 Apr 2022 20:17:47 +0000

За кафето, за кучето, за песните, за прошетките, за бившите и сегашните соработници, за здравјето и разумот, за обичните необични нешта, на архитектката која несакајќи почна да „конструира“ музика, за Европа која заборави како е да си едноставно искрен … дел од интервјуто на српскиот евровизиски феномен наречен Контракта дадено за време на промоцијата во Хрватска.

Како изгледаше утринското кафе после победата?
– Утрото како вообичаено пијам еспресо… тоа ми е задолжително буквално речено секое утро.
Дали Европа е спремна за ваков тип на музика?
– Па, да. Апсолутно.
Од кого очекуваш 12 поени во текот на гласањето?
– Од Хрватска.
Дали е вистина дека твоите текстови од песните се прават спонтано?
– Па да, спонтано со текот на деновите, во прошетка, па, се пишува нешто, се бриши и така, на крајот се добива нешто.

Со која светска ѕвезда би го споредила твојот стил на пеење?
– Не знам. Еве не знам вистина не сум размислувала.
Како настана песната IN CORPORE SANO?
– Како што спомнав претходно. Бесконечно шетање со кучето по улиците и сплет на околности.
Како се носиш со хејт коментарите или луѓето кои не ги сфаќаат твоите песни?
– Лично јас мислам дека тоа е здраво и нормално да размислуваме на различни начини и се додека се толерираме тоа е во ред.

Дали им веруваш на докторите?
– Па, им верувам и на докторите, а понекогаш и во маѓионичарска ламба, хаха така да, претходно проверувам, но сепак да.
Како го одржуваш своето здравје во време на вируси и загаден воздух?
– Тешко прашање. Ништо претерано, само со здрав разум, тоа е клучот.
Кои се најголемите проблеми на слободните уметници? Освен здравственото осигурување?
– Не можам да одвојам еден главен проблем од нашиот живот. Како уметници ние сите, па во крајна линија цело човештво се соочуваме со некои проблеми.

Дино Дворник или Јосипа Лисац?
– Двата, но сепак Јосипа вистина ја слушав многу и долго време.
Каква врста музика слушаш во слободно време?
– Се слушам. Каков и да е денот, дали излегувам во друштво со етно или на техно журка, ама баш буквално се. Нема тука некои граници.
Го сакаат ли луѓето секогаш она што го очекуваат?
– Често.

Си завршила архитектура и на крајот си одбрала пеење?
– Беше попрактично во дадениот момент.
Да можеш да се телепортираш, во која доба би отишла?
– Па во пренеолит.

Соло кариера или групна кариера?
– И едно и друго има свое.
Со кој би сакала да снимиш дует?
– Со Зое Кида.
Каде се наоѓа Земја Грува?
– Земја Грува е тука и бендот Земја Грува е во суштина мојата најголема поддршка.

The post Костракта – Во здрав разум – здраво здравје first appeared on Кепенци.

Констракта ја покажа балканската жед за уметност

Editor — Tue, 15 Mar 2022 22:25:05 +0000

Констракта е на врвот на популарни видеа на Јутуб во сите земји на Балканот од минатата сабота, кога стана јасно дека ќе ја претставува Србија на Евровизија.
Необичната песна In Corpore Sano ги воодушеви Србите, но и остатокот од регионот, а интересот за музиката на Констракта нагло порасна.

Триптихот на Констракта каде зборува за темите и аномалиите на современото општество е прегледан повеќе од 800.000 пати од минатата недела.

The post Констракта ја покажа балканската жед за уметност first appeared on Кепенци.

Артикал саунд систем ја тужи Дуа Липа за плагијаторство

Editor — Sat, 05 Mar 2022 14:17:00 +0000

Групата Артикал саунд систем смета дека Дуа Липа искористила делови од нивната песна Live Your Live за нејзиниот хит Levitating.

Раперите сметаат дека таа била свесна за “ненамерната “ грешка. Тие во тужбата бараат да им се даде досегашната заработка од песната. Стручните лица за проценка засега потврдиле дека има многу сличности со песната на Дуа Липа.

Кога ја прашале за плагијатот и тужбата од раперите, Дуа Липа едноставно немала коментар.

The post Артикал саунд систем ја тужи Дуа Липа за плагијаторство first appeared on Кепенци.