Ашуре – пудингот на Дедо Ное

Editor — Sat, 09 Apr 2022 12:37:38 +0000

Замислете го Дедо Ное од Стариот Завет како со семејството по Потопот јаде благо и благодари што се спасиле.

Во Турција и на Кавказ, ден денес се раскажуваат легендите за потеклото на стариот пудинг кој семејството на Ное, го имал со себе во Арката, како благо за енергија и закрепување, за време на Потопот.

Со значење на бројот 10 името Ашуре, денес се поврзува со традицијата на исламот и со пророкот Мухамед, а во време на пости и како јадење за раздавање, или благо на сочувството и солидарноста.

Но се смета дека модерниот ислам, само географски го наследил десертот кој според многу постара традиција со векови и милениуми се подготвувал на овие простори. И значењето на името Ашуре поврзано со арапскиот број 10, се поврзува со библиските традиции на давање т.н. „десеток“ или една десетина од спечаленото на сиромашните. Подоцна десетокот го користеле и државите за пресметување данок. Ашурето, само по себе е силен енергетски производ, богат со здрави хранливи состојки , а како десерт многу вкусен пудинг како дел од секоја празнична трпеза на Истокот.

Традиционално, заради хуманиот аспект на „благо за раздавање“ Ашурето се подготвувало во големи количини, во казани и многу чинии, и до неодамна тешко било да се најде рецепт кој е поедноставен за домашна секојдневна семејна употреба. Рецептот има повеќе верзии и варијации, и во него буквално може да се стави сѐ и сешто, барем што се однесува до овошјето, сушено или свежо – јаболка, портокали, лимони, калинки, кајсии, суво грозје, смокви, урми итн.и до јаткастите плодови – ореви, бадеми, фстаци, леблебии, индиски ореви итн.

Еве една од „кратките“ верзии на рецептот за Ашуре:

2 чаши варена пченица
1 чаша варен грав
1 чаша варен наут
1 чаша ориз
3 јаболка
2 портокали (сосе сокот и кората која се сече)
1 лимон – со кората која се ренда
7 чаши шеќер во прав
3 чаши суви кајсии
3 чаши суво грозје
по 1/2 чаша друго сушено овошје, рамномерно според вкус и потреба – смокви, урми, рибизли, брусница, сливи (колку поразновидно, толку подобро)
2 чаши млеко (не е задолжително, ако се прави посно)
2 лажици нишесте (по потреба, ако густината од сварениот ориз не е доволна или сте ставиле премногу вода)
вода – во голем сад, од око и по потреба

Додатоци:

Цимет
Ореви
Лешници
Бадеми
Ф’стаци
Калинки за украс

The post Ашуре – пудингот на Дедо Ное first appeared on Кепенци.

Украинскиот камион на дедо Ное

Editor — Sat, 05 Mar 2022 14:03:54 +0000

Камион со шест лавови, шест тигри, два риса, африканско диво куче и еден мајмун, од Зоолошката во близина на Киев, по шестдневно патешествие стигна во Полска, каде ќе бидат соодветно згижени.

Овие животни од вкупно 80 биле избрани во првиот „дедо Ноев камион“ за евакуација на животни од Украина.

Организаторите на патувањето велат дека животните од Зоолошката во близина на аеродромот до Киев се во опасност не само поради гранатите, туку им се заканува и глад и последици од големиот преживеан стрес.

Животните се извлечени релативно брзо и успешно, за разлика од луѓето кои со денови чекаат да ја напуштат Украина.

The post Украинскиот камион на дедо Ное first appeared on Кепенци.

ное - Кепенци

Ашуре – пудингот на Дедо Ное

Украинскиот камион на дедо Ное