Од Porsche велат дека нивните станици за полнење не само што ќе бидат места каде што ќе можат да ги полнат батериите на електричните автомобили, туку тие исто така сакаат на своите клиенти да им го обезбедат целокупното премиум искуство на посета на станица за полнење. Покрај бензинските пумпи, имаат намера да отворат и салони во кои додека возилото е приклучено на струја, кафе ќе се пие на удобни каучи или ќе може да се работи. „За нас е важно да се фокусираме не само на електрификацијата на автомобилот, туку и на целокупното корисничко искуство покрај самото возило“, коментира Луц Мешке од Porsche.