Кивито е наречено супер овошје бидејќи е богато со антиоксиданси, витамин Ц, калиум, фолна киселина, полифеноли и растителни влакна. Исто така е добар извор на витамин Е. Кивито е одлично за регулирање на варењето бидејќи содржи актинидин, ензимот цистеин протеаза кој помага во варењето на протеините. Актинидин ја зголемува брзината со која тенкото црево ги апсорбира протеините. Истражувањата покажаа дека кивито, иако помага при варењето, ја спречува и надуеноста и непријатното чувство кое го придружува. Кивите, исто така, помагаат во варењето на оние тешко сварливи протеини, вклучувајќи казеин и протеин од соја. Главната активна компонента на кивито е протеолитичката киселина – ензим кој ги разложува протеините во амино киселини.