рецепт - Кепенци

Дали здравите оброци се здрави?

Editor — Mon, 23 Jan 2023 20:06:20 +0000

Здравите оброци кои ги купуваме или подготвуваме дома (пр. банана, овес, гранола, боровинки, итн.) не се баш здрави како што замислуваме

Тоа е така бидејќи не се избалансирани најважните нутриенти – протеини, јаглехидрати и масти. Овие оброци најчесто содржат многу шеќер (или скроб – но тој се претвора во обичен шеќер со текот на варењето на храната) а малку протеини или масти. Иако ни се чини дека сме изеле здрав и балансиран оброк, воопшто не е така. Треба да внимаваме што внесуваме во организмот бидејќи со една “здрава” порција, а нив посебно ги јадеме за доручек, може да внесеме половина од јаглехидратите кои ни се потребни за цел ден! Не заборавајте дека секое парче храна содржи јаглехидрати.

Пример да земеме еден обичен ручек – леб, компир-манџа и зелка салата. Во едно парче сечен бел леб има 53г јаглехидрати. Да речеме јадете две – тоа се 106г. А сте изеле само леб, внимавајте. Потоа, во манџата (зависи колку ќе јадете) да речеме, 10-20г. Во салатата отприлика исто. Внесуваме протеини и масти, да, но колку јаглехидрати внесовме? И од тие, колку се обичен шеќер? Уште еднаш да го изедете истото – тоа се преку 150-200г јаглехидрати за само два оброка. Значи, гледате, не мора да јадете чоколадо секој ден за да внесувате премногу шеќер. Имам забележано дека многу луѓе мислат дека ако не јадат “благо” секој ден се ќе е во ред и потоа не им е јасно зошто им е покачен шеќерот во крвта.

Секој организам е различен. Секој треба да одреди колку јаглехидрати му се потребни, тоа е поврзано со годините, тежината и активноста во текот на денот. На спортист ќе му бидат потребни многу повеќе јаглехидрати отколку на човек кој не се занимава со спорт и работата му е на компјутер. Се препорачува 45%-65% од вкупнoто внесување на калории да бидат јаглехидрати. Тоа е околу 3-5г на килограм. Јаглехидратите ни даваат енергија, така што тие ни се неопходни за правилно да ни функционира телото.

Не плашете се ни од мастите! Многу луѓе ги одбегнуваат заради тоа што им е страв да не дојде до дебелеење. Не. Прекумерното внесување на масти е тоа што доведува до дебелеење. 1-1,5г по килограм е сосем доволно. Мастите се глицериди и можат да бидат заситени или незаситени.

Значи – да се вратиме на здравите оброци – не треба да се одбегнуваат, но не треба ни да ги јадеме секој ден. Најлесно ни е да посегнемe по “здрава порција” во продавница и да се убедиме дека постапуваме правилно со тоа што, ете нели, се храниме здраво. Не мора да бидеме опседнати со броењето на калории или шеќери, но сепак треба да внимаваме бидејќи многу лесно може да се претера.

За крај, еве еден рецепт за здрава порција за доручек што можете да го подготвувате секој ден:

100г овесни снегулки
Една (или половина) чаша јогурт
Два-три ореви
Половина банана
Една лажица путер од кикиритки
Една лажица мед

(Може и да се додаде протеин во прав – половина или цела дозерка – меѓутоа во овој случај не ставајте цела лажица путер од кикиритки.)

Автор Маја Јанушева

The post Дали здравите оброци се здрави? first appeared on Кепенци.

Пилешко роловано во тесто

Editor — Thu, 13 Oct 2022 13:55:08 +0000

Еве еден рецепт за прекрасните есенски денови.

СОСТОЈКИ:

1 пакување лиснато тесто
1 кг пилешко филе
2 лажици сенф
200 гр свински врат
200 гр кашкавал
1 јајце

НАЧИН НА ПОДГОТОВКА:

Преполовете го пилешкото филе, исчукајте ги двете половини и намачкајте ги со сенф.
На работна маса ставете проѕирна фолија. На двете парчиња месо ставете свински врат и кашкавал. Свиткајте и затегнете со фолија, па ставете во фрижидер да отстојат неколку часа.
Лиснатото тесто растегнете го, премачкајте го со јајце и со него обложете ги ролатите.
Печете половина час на 180 степени. Оставете да се излади, исечете и сервирајте.

Пријатен апетит!

Едитор: Викторија Брдаровска

The post Пилешко роловано во тесто first appeared on Кепенци.

Tестенини со свинско месо во сос од печурки

Editor — Wed, 21 Sep 2022 21:58:06 +0000

Состојки:

4 парчиња свински котлети

Состојки за тестенини:

200 гр брашно
2 јајца
1 литар минерална вода
сол

Состојки за сос од печурки:

250 гр печурки
1 чешне лук
1 гранче свежа мајчина душица
50 мл бело вино
100 мл шлаг (без шеќер)
маслиново масло
гранче свеж магдонос
сол, бибер

Подготовка:

Загрејте го маслото во тава. Зачинете ги котлетите со сол и бибер и пржете ги на тавата околу три до четири минути од секоја страна, додека не добијат убава кафена боја. Префрлете ги во чинија и покријте ги.

За сосот – добро измиете ги печурките и исечете ги на кришки. Загрејте ја тавата, додадете малку маслиново масло и додадете го сечканиот лук и мајчината душица. Кога ќе замирисаат, додадете ги печурките и продолжете со динстањето уште 10 минути додека не омекнат и не ја испуштат нивната течност. Месото вратете го во тавата и додадете вино. Динстајте додека да испари алкохолот и да се намали течноста. Зачинете со сол и бибер, па додадете го кремот и варете се додека сосот убаво не се соедини.
За тестенините, убаво изматете ги јајцата и измешајте ги со брашното. Мешајте со додавање вода додека тестото не почне да се лизга од лажицата. Оставете десет минути, а потоа турнете низ сито во врела вода.
Сосот посипете го со ситно сечканиот магдонос и послужете го со тестенините.

Добар апетит!

Едитор: Викторија Брдаровска

The post Tестенини со свинско месо во сос од печурки first appeared on Кепенци.

Солен ,,кускус” – нешто несекојдневно, но вкуснo

Editor — Sat, 17 Sep 2022 12:50:22 +0000

Доколку ве интересираат рецепти за кускус со пилешко, овој е еден од омилените. Наместо класичен ориз, користете кускус.

Состојки:

4 парчиња пилешки батаци
1 лажичка лук во прав
половина лажичка пиперка
сол
бибер
1 сечкано чешне лук
1 шолја кускус
2 чаши пилешка супа или супа од зеленчук
1 гранче рузмарин
маслиново масло.

Подготовка:

Загрејте ја рерната на 205 °C. Сувите зачини (лук, сол и бибер) измешајте ги во сад и посипете ги врз пилешките батаци.
Во тавата загрејте го маслиновото масло и додадете ги пилешките батаци. Печете ги од секоја страна околу четири минути и извадете ги.
Во истото тавче додадете уште маслиново масло, па лукот и кускусот кој треба да добие златна боја.
Додадете ја пилешка супа или супата од зеленчук, па пилешко, по желба ставете лимон и рузмарин.
Се пече во рерна околу 15 минути.

Добар апетит!

Едитор: Викторија Брдаровска

The post Солен ,,кускус” – нешто несекојдневно, но вкуснo first appeared on Кепенци.

Палачинки од компири – рецепт за крцкава фантазијa

Editor — Fri, 16 Sep 2022 08:12:32 +0000

Состојки:

450 гр компири
100 гр брашно
2 јајца 1 кромид
1 лажичка прашок за пециво
сол и бибер по желба
масло за пржење

Подготовка:

Излупените компири и исчистениот кромид изрендајте ги на тенки ленти и ставете ги во чиста памучна крпа за да се исцеди вишокот течност. Исцедената смеса префрлете ја во поголем сад па додајте ги јајцата, брашното, прашокот за пециво, сол и бибер.
Сè добро измешајте.
Во тава загрејте малку масло за пржење и ставете една или две лажици од смесата во маслото. Направете рамномерен круг како палачинка со шпатулата. Печете ги палачинките од секоја страна околу пет минути или додека не добијат убава и крцкава златна површина.
Печените палачинки пред послужување ставете ги на мрсна хартија.

Добар апетит!

Едитор: Викторија Брдаровска

The post Палачинки од компири – рецепт за крцкава фантазијa first appeared on Кепенци.

Вкусна галета за крај на летото

Editor — Wed, 14 Sep 2022 09:24:45 +0000

За овој период од годината – кога сè уште календарски е лето и се наѕира есен, еве еден одличен рецепт.

Состојки за тесто:

120 гр брашно
100 гр брашно од леќа
2 супени лажици пченкарно брашно за палента
120 гр маргарин
1 лажица шеќер
Половина лажичка сол
1/4 чаша ладна вода.

Состојки за премачкување:

1 супена лажица растително млеко
1 лажица шеќер
Половина лажица масло од орев

Состојки за филот:

700 гр овошје по избор (или 200 гр тиква, 100 гр грозје, 200 гр јаболка, 100 гр праски, 100 гр смокви)
4 супени лажици мелени ореви
1 супена лажица брашно
1 супена лажица мелен рогач
100 гр шеќер.

Состојки за премачкување после печење:

1 лажица мармалад од смокви 1
супена лажица млака вода.

Подготовка:

Направете го пецивото, но најпрво измешајте ги сите суви состојки, а потоа измешајте го и маргаринот па сè убаво измесете со рацете. Постепено додавајте ја ладна вода и кога сè ќе се соедини, завиткајте го во проѕирна фолија и оставете го во фрижидер еден час.
Овошјето и тиквата исечкајте ги ситно, потоа измешајте ги со брашното јаткастите плодови, и шеќерот.
Измешајте ги состојките за првиот премаз, освен шеќерот.
Кога тестото ќе одмори, развлечете го на дебелина од околу половина сантиметар, не мора да внимавате рабовите да бидат правилни. Всушност, тоа е еден од белезите на галетот. Потоа префрлете го на хартија за печење во рерната во која ќе печете.
Распоредете го филот преку тестото, но оставете неколку сантиметри тесто околу работ, кои потоа ќе ги превиткувате преку филот.
Тестото премачкајте го со премаз и посипете го со шеќер. Се пече на 200°C околу половина час. Се лади на решетка за ладење.
Кога галетата ќе се излади, премачкајте ги плодовите и тестото со премаз од мармалад и вода. Ова ќе и даде сјај на галетата, дополнителен вкус и ќе му помогне на тестото да остане крцкаво цело време.

Имајте добар апетит!

Едитор: Викторија Брдаровска

The post Вкусна галета за крај на летото first appeared on Кепенци.

Руски парењки од моркови

Editor — Wed, 27 Apr 2022 23:01:12 +0000

Парењки се старо, традиционално руско јадење или поточно гарнир, кое согласно новите нутриционистички текови масовно се враќа во мода. Денес ги нудат како веганска храна, а ги прават главно од коренести растенија како цвекло, ротквици, репка и моркови.

Парењките од моркови се прават најчесто, и се застапени секаде, од ексклузивните ресторани, до домашната кујна.

Состојки :

1 кг. моркови
30 мл. масло
сол, рузмарин, нане и сушен лук за арома, по желба

Подготовка:

Морковите се лупат и се варат во вода.

Кога ќе се во полусварена состојба се вадат, се цедат, се сечат на долги и тенки стапчиња и се редат во плех за печење во рерна.

Се полеваат со масло и евентуално со зачините кои сте ги одбрале.
Се печат на 200 степени околу 20 минути.

Вака подготвените парењки се многу потрајни за чување од свежите моркови, па можат и да се наредат во тегла со масло и да имаат улога на конзервирана зимница.

The post Руски парењки од моркови first appeared on Кепенци.

Намаз од цвекло

Editor — Mon, 25 Apr 2022 21:51:59 +0000

Цвеклото е познато по своите лековите својства, особено за црниот дроб. Иако, кога ќе се спомне било каков рецепт од цвекло, помислувате дека тоа не и е нешто многу вкусно, за среќа овој рецепт го покажува спротивното. Намазот од цвекло кој ги задржува хранливите својства, растителните влакна, антиоксидансите и супстанциите кои го подобруваат здравјето на црниот дроб, а поттикнува и процес на детоксикација, е и многу вкусен рецепт.

Состојки:

3 главици цвекло
300 грама леблебии
1 кг цедени лимони
5 чешниња лук
половина лажичка сол
¼ шолја маслиново масло
¼ шолја вода

Подготовка:

тенџере со вода ставете го цвеклото да се вари се додека не омекне (обично околу 40 минути).
Откако ќе се свари излупете го и исечкајте го на големи парчиња.
Сите останати состојки заедно со свареното цвекло изблендирајте ги во блендер.
Кога смесата ќе се претвори во кремаст намаз е готова и може веднаш да се конзумира.

Со чипс, оризови крекери или намачкан на леб – едноставен, вкусен и здрав.

На здравје

The post Намаз од цвекло first appeared on Кепенци.

Менемен – брз турски појадок

Editor — Mon, 28 Mar 2022 20:48:55 +0000

1 главица кромид
6 зелени пиперки
6 домати
6 јајца
црн пипер
сол по вкус

Кромидот, пиперките и доматите ситно се сечкаат и се пржат на тивко загреано масло. Кога ќе омекнат, врз нив се кршат јајцата без да се матат, па се поклопуваат со капак да се издинстаат на пареата.

На крај се посипува со свежо или ситно суво нане, а се сервира со бело сирење и со ајран.

The post Менемен – брз турски појадок first appeared on Кепенци.

Посен сутлијаш на вода

Editor — Sun, 27 Mar 2022 20:07:37 +0000

Подготовка

Во големо тенџере ставете 1 литар и 300мл вода. Во водата додајте го ванилиниот шеќер и обичниот шеќер.
Oставете водата да поврие. Додека врие водата додавајте го таанот и оризот и сето тоа мешајте го од време на време.

Пудингот растворете го во преостанатите 200 мл ладна вода. Откако оризот убаво ќе омекне и ќе се згусти, 5 мин пред крај, додајте го разматениот пудинг. Варете уште многу кратко додека сутлијашот не ја добие потребната густина. Во готовиот ориз, ставете ги ситно сецканите парчиња праски од компот. Убаво измешајте и сервирајте го десертот.

На здравје

The post Посен сутлијаш на вода first appeared on Кепенци.