русија - Кепенци

Лавров: Во западот се шири русофобија

Editor — Sun, 25 Sep 2022 18:13:11 +0000

„Западот шири русофобија, целта е да се порази и уништи Русија, а со референдумите на украинските територии, локалните жители ја враќаат земјата која со векови била на нивните предци“

Сергеј Лавров рускиот министер за надворешни работи во Генералното собрание на ООН

The post Лавров: Во западот се шири русофобија first appeared on Кепенци.

Германија бара алтернативи за снабдување со руска нафта?

Editor — Sat, 17 Sep 2022 11:57:53 +0000

Германската влада донесе одлука за времено шестмесечно преземање на управувањето со постројките на руската нафтена компанија Роснефт.

Чекорот ќе значи преземање на најголемата рафинерија за нафта во Европа, “Пе-Це-Ка”(PCK) во Швед, во близина на границата со Полска, во која над една третина од акциите има компанијата „Шел” но со одлучувачкиот пакет во следните шест месеци ќе управува германската агенција за дистрибуција.

До сега рафинеријата се снабдуваше со руска нафта преку нафтоводот Дружба, но сега со оглед на санкциите од ЕУ, властите ќе бараат алтернативни начини, како нафтата од Росток, преку пристаништата во источна Германија да стигне до рафинеријата во Швед.

И покрај тоа што чинот на времена германска „конфискација” на фирмите и постројките на Роснефт во Германија, на прв поглед изгледаат како „непријателски чин” се чини дека Германија во договор со руските партнери и власти, заеднички бара начин како да го спречи недостигот на гориво во земјата, без притоа да во повреди сојузништвото со западните партнери кои воведоа ригорозни санкции и блокади кон Русија.

The post Германија бара алтернативи за снабдување со руска нафта? first appeared on Кепенци.

Утре средба лице в лице на Путин и Џипинг – најави и очекувања

Editor — Wed, 14 Sep 2022 10:32:27 +0000

На маргините на регионалниот азиски форум на Организацијата за шангајска соработка и т.н. Пат на свилата, во узбекистанскиот град Самарканд конечно ќе се случи очекуваната средба во живо меѓу рускиот и американскиот претседател, Владимир Путин и Си Џипинг.

Двајцата лидери подолго време комуницираа само телефонски или преку видео врска, а ова ќе е првпат кинескиот претседател Џипинг физички да ја напушти земјата од почетокот на ковид пандемијата.

Со оглед на тоа што форумот во Самарканд е од економска природа, сосема очекувани се најавите главна тема на разговор да биде меѓусебната трговска размена, со посебен акцент на енергенсите. Русија последните години неколкукратно го зголеми извозот на нафта во Кина, а сега се разгледуваат можности и за поголем извоз на природен гас, како алтернатива за пренасочување на гасот претходно наменет за гасоводите кон Европа.

Аналитичарите очекуваат високо на геополитичкиот дел од агендата да се најдат Украина и Тајван, за кои Русија се труди да стави знак на еднаквост, во обид да добие подиректна кинеска поддршка во врска со украинската инвазија.

Кина, досега се труди да се однесува балансирано во врска со Украина, одбивајќи да се приклучи на меѓународните санкции кон Русија, но во исто време со реторика со која го разбира, но не и директно поддржува руското воено интервенирање во Украина и со повторување на јасниот став дека преговори, а не војна се решението за руско-украинскиот проблем.

Од кинеска страна се вели дека партнерството со Русија се одвива добро и дека тие се широко отворени за секакво продлабочување на соработката меѓу двете земји.

The post Утре средба лице в лице на Путин и Џипинг – најави и очекувања first appeared on Кепенци.

Фон дер Лајен – Европа треба да се ослободи од енергетската зависност од Русијa

Editor — Wed, 14 Sep 2022 09:40:48 +0000

„Ова не е само војна што Русија ја започна против Украина. Ова е војна против нашата енергија, војна против нашата економија, војна против нашите вредности и војна против нашата иднина. Станува збор за автократија против демократијата“

Урсула фон дер Лајен, претседател на Европската комисија

The post Фон дер Лајен – Европа треба да се ослободи од енергетската зависност од Русијa first appeared on Кепенци.

Русија купува оружје од Северна Кореја и Иран?

Editor — Tue, 06 Sep 2022 09:27:39 +0000

Њујорк Тајмс објави декласифициран разузнавачки извештај според кој Русија склучила договор за набавка на сторици илјади прачиња разновидно воено оружје и муниција од Северна Кореја.

Претходно беше објавено дека во Русија веќе стигнала испораката на дронови од Иран и дека руски воени претставници се наоѓаат во Техеран, на обука за нивно користење.

И Северна Кореја и Иран се под санкции на САД уште пред војната во Украина и нивната воена соработка со Москва не е изненадување.

Северна Кореја минатиот месец ја призна независноста на окупираните украински региони Доњецк и Лугањск, со комунистичка реторика изразувајќи поддршка и наклонетост кон праведната борба на своите „другари и другарки“ за отцепување од Украина.

Според финскиот тинк-тенк, Центар за енергетски истражувања и чист воздух, силните меѓународни санкции кон Русија, не ја оштетија многу Руската економија, но сојузниците од НАТО веруваа дека изолацијата ќе го спречи купувањето на оружје.

Според финските експерти, Русија од почетокот на војната остварила профит од над 150 милијарди евра од продажба на фосилни горива, од кои повеќе од половина се заработка од промет со земји членки на Европската Унија.

The post Русија купува оружје од Северна Кореја и Иран? first appeared on Кепенци.

Повторно прекината испораката на руски гас за Европa

Editor — Wed, 31 Aug 2022 08:19:59 +0000

Франција ја обвини Русија дека го користи гасот како оружје, додека според Кремљ за новиот тридневен прекин на испорака на гас преку Северниот Поток се виновни западните санкции кон Русија.

Новиот прекин на испораката се совпаѓа со министерскиот состанок на ЕУ во Прага на кој се разговара за предлогот на балтичките земји, Европа да им забрани влез на руските туристи, предлог кој неофицијално ќе биде одбиен од Франција и Германија.

Ова е втор прекин на испораката на руски гас за Европа, по десетдневниот прекин во јули, а гасоводот во моментот оперира со само 10% од својот капацитет. Ова предизвика цените на гасот во Европа да пораснат за 400%, а Европската комисија да почне да прави планови на енергетско реорганизирање на пазарот во ЕУ.

Претседателката на Европската комисија, Урсула фон дер Лајен на конференција во Словенија вети интервенции во енергетиката и нова пазарна шема на трговијата со електрична енергија која треба да обезбеди енергетски баланс во ЕУ оваа зима.

The post Повторно прекината испораката на руски гас за Европa first appeared on Кепенци.

Германско-француско „не” за европско ембарго за руски туристи?

Editor — Tue, 30 Aug 2022 08:41:35 +0000

Германија и Франција се сепак против идејата, на руските туристи да им се забрани да патуваат во Европа. Од дводневниот министерски самит на ЕУ во Прага се очекува да произлезе заклучок со образложение – зошто таквата забрана би имала спротивни ефекти.

Главните аргументи се дека на Русите треба да им се дозволи, дури и да се поттикнат што повеќе да патуваат низ западните земји за одблиску да ги видат и да се запознаат со придобивките на животот во услови демократија и почитување на човековите права и други вредности на западната цивилизација.

Во неофицијалниот документ, кој се очекува да биде предложен од Франција и Германија, како одговор на барањата на балтичките земји од ЕУ за ембарго за руските туристи во ЕУ, се вели дека руските граѓани не треба да се поистоветуваат со руската влада, ниту пак сите Руси да се идентификуваат со политиките на Кремљ.

The post Германско-француско „не” за европско ембарго за руски туристи? first appeared on Кепенци.

Кина ќе учествува во заеднички воени вежби со Русија

Editor — Wed, 17 Aug 2022 18:00:21 +0000

Кинеското министерство за одбрана соопшти дека кинеската армија ќе земе учество во воените вежби на истокот на Русија „Восток 2022“ и дека учеството е како што се вели „неповрзано со актуелните регионални и меѓународни состојби“.

Воената вежба која ќе се одржи од 30 август до 5 септември, во која освен Индија, Монголија, Таџикистан и Белорусија ќе учествуваат и други земји кои засега не се именувани, не е прва заедничка руско-кинеска воена вежба. Двете земји изминатите години имаа неколку заеднички копнени, поморски и воздушни вежби.

The post Кина ќе учествува во заеднички воени вежби со Русија first appeared on Кепенци.

Русија ќе го одблокира извозот на украинско жито

Editor — Fri, 22 Jul 2022 09:13:32 +0000

Украина и Русија со посредство на Турција, и под патронство на ООН ќе потпишат договор за обезбедување непречен излез на жито од Украина преку Црното Море.

Потпишувањето на договорот, на кој му претходеше средба Путин-Ердоган во Иран, го најави и украинскиот претседател Зеленски.

Се очекува на чинот на потпишување во Истанбул да присуствува и генералниот секретар на ООН Антонио Гутереш.

Договорот е дел од меѓународните напори да се спречи светски недостиг од житарици и брашно, што во некои земји од Африка и Азија може да доведе и до криза со глад

The post Русија ќе го одблокира извозот на украинско жито first appeared on Кепенци.

Лавров – „САД и Англија сакаат вистинска војна меѓу Русија и Европа”

Editor — Wed, 20 Jul 2022 11:18:27 +0000

Војната во Украина влезе во 147-от ден.
Лавров тврди дека Велика Британија и САД ја туркаат Москва во војна со Европа.
Путин испрати борбени авиони над Баренцeвото Море. Украина се подготвува за офанзива на Крим.

The post Лавров – „САД и Англија сакаат вистинска војна меѓу Русија и Европа” first appeared on Кепенци.