сад - Кепенци

Брнс: САД и сојузниците се пообединети од било кога

Editor — Tue, 30 Aug 2022 16:15:54 +0000

“Од Плоштадот Македонија до Мајдан, од Капитол Хил до Советот на Европската Унија, широката поддршка за Украина покажа дека неиспровоцираните напади врз суверени и независни држави нема да останат без одговор и дека за тоа се плаќа многу висока цена “

Кејт Брнс, амбасадор на САД во Македонија

The post Брнс: САД и сојузниците се пообединети од било кога first appeared on Кепенци.

САД станаа најголем извозник на течен природен гас

Editor — Tue, 26 Jul 2022 12:03:28 +0000

Американската Агенција за информации од енергетиката соопшти дека САД, во првиот квартал од 2022 година избија на првото место по извоз на течен гас во светот.

Повикувајќи се на официјални податоци од ЦЕДИГАЗ, Агенцијата соопшти дека зголемиот извоз е главно насочен кон Европа, благодарение на украинската криза.

The post САД станаа најголем извозник на течен природен гас first appeared on Кепенци.

САД набавува вакцини за мајмунски сипаници

Editor — Sat, 16 Jul 2022 08:22:18 +0000

Во САД се зголемува притисокот врз здравствените власти за обезбедување вакцини за т.н. мајмунски сипаници кои во одредени држави имаат вртоглав пораст.

Иако статистиката е сѐ уште далеку од алармантна, тенденцијата на пораст од 45 случаи на 1800 само за еден месец, ги поттикна апелите кон властите за обезбедување вакцини со кои би се спречила непријатната зараза, проследена со мозолчиња на телото, за кои нема терапија, но во одредени случаи многу чешаат и болат.

Посебно жариште на заразата е лоцирано во Њујорк и на други слични места за кои е карактеристичен интензивен проток на луѓе, но и поизразена можност за сексуален контакт меѓу мажи, што се смета за најчест и најризичен начин за пренесување на заразата.

Властите досега дистрибуирале 156.000 вакцини, а во најава се уште 130.000 што е далеку под бројката од 7 милиони за која беше соопштено дека е веќе обезбедена, но дека е малку веројатно да пристигне пред почетокот на 2023 година.

Доцнењето се објаснува со потребата да се изврши целосна проверка на постројките и производството на фабриката во Данска, пред да се произведат порачаните милиони вакцини.

The post САД набавува вакцини за мајмунски сипаници first appeared on Кепенци.

Американска борба против кинеската технолошка доминација

Editor — Thu, 05 May 2022 07:56:04 +0000

Во американскиот Сенат почна формалната расправа за донесување на Закон со кој долгорочно треба да се инвестира во активности за спротиставување на кинеската технолошка доминација.

Најпросто кажано, Америка во следните години треба да издвои рекордни 52 милијарди долари, со кои ќе развие и поттикне сопствено производство на микро-чипови и други компјутерски компоненти, во кои во моментов Кина доминира на светскиот пазар и создава се поголема зависност кај многу земји, вклучувајќи ја и Америка.

Целата постапка во двата законодавни дома на САД, се предвидува да заврши за неколку месеци.

Ова е прв, државно организиран чекор американско спротиставување на кинеското владеење со дигиталниот пазар од толку голем обем и се смета за една од стратешки најважните, долгорочни одлуки на земјата, независно од тоа кој ќе биде на власт.

The post Американска борба против кинеската технолошка доминација first appeared on Кепенци.

САД од следната недела ќе почне да прифаќа бегалци од Украина

Editor — Thu, 21 Apr 2022 20:30:50 +0000

Високи претставници на Белата Куќа соопштија дека претседателот Џо Бајден подготвил инстантна Пакет Програма за брзо прифаќање на бегалци од Украина, која предвидува нивно останување во земјата најмногу 2 години, без можност за аплицирање за државјaнство или азил.

Пакетот предвидува и државни поволности, надомест и помош на компаниите и субјектите кои ќе се вклучат во процесот на прифаќање, транспорт и згрижување на бегалците во САД, со претходно добиено одобрение и работна виза од Одделот за внатрешна безбедност.

Програмата наречена „Обединување за Украина” треба да почне в понеделник и се очекува во неа партнерски да се вклучат компании, адвокатски и консалтинг канцеларии, фондации, невладини организации и други државни и приватни институции. Од почетокот на воената криза во Украина до сега, во САД со потребни документи влегле само 350 бегалци од Украина.

The post САД од следната недела ќе почне да прифаќа бегалци од Украина first appeared on Кепенци.

САД – без маски во авионите

Editor — Tue, 19 Apr 2022 09:42:03 +0000

По пресудата на Сојузниот суд во Флорида, кој оцени дека задолжителното носење маски е незаконско, сите авионски компании по две години, соопштија дека маските за патниците, екипажот и персоналот на аеродромите, не се веќе обврзувачки туку „опционални“ според личната одлука и волја на патникот.

Некои авио компании, кои до вчера поддржуваа ригорозни правила, своите ретерирачки одлуки ги објаснуваат со долги образложенија за подобрен колективен имунитет и ублажени ковид статистики.

Одлуката на судот во Флорида се смета не само за правна, туку и политичка победа врз намерите на администрацијата на Џо Бајден, да продолжи да инсистира на задолжително носење маски во затворен простор, а особено во транспортот.

The post САД – без маски во авионите first appeared on Кепенци.

Бајден го обвини Путин за геноцид

Editor — Wed, 13 Apr 2022 09:11:59 +0000

Американскиот претседател Џо Бајден зборувајќи за мерките против инфлација наспроти воениот буџет на САД , го нарече рускиот претседател Владимир Путин „диктатор кој извршува геноцид“.

Аналитичарите велат дека враќањето на употребата на зборот „геноцид“ во речникот на Вашингтон, кое претходно беше напуштено во име на мировните преговори, навестува исклучување на можноста за било какви разговори со Путин во иднина.

На почетокот на воената интервенција во Украина зборот „геноцид“ беше избегнуван и заменет со обвинувања за „воени злосторства“ кон Владимир Путин. Се смета дека враќањето на „геноцидот“ во дипломстскиот речник на САД е драстично заострување на реториката, со оглед на тоа што воените злосторства може да се извршени во поединечен или осамен специфичен случај, но геноцид се однесува на планирана, смислена операција насочена кон цел еден нaрод.

The post Бајден го обвини Путин за геноцид first appeared on Кепенци.

13 повредени во инцидент во Њујорк

Editor — Tue, 12 Apr 2022 14:05:25 +0000

Локалните медиуми јавија дека во инцидент на 36 Станица од метрото, во Сансет Парк, во кој се слушале истрели од огнено оружје, се ранети најмалку 13 лица.

Инцидентот се случил за време на утринскиот шпиц во 8.30 по локално време, а на социјалните мрежи се појавија снимки од крвави ранети лица.

Засега нема официјлна потврда за каков инцидент се работи и дали станува збор за тероризам, но неофицијално се тврди дека во близина на настанот се пронајдени и неколку неексплодирани експлозивни направи.

https://twitter.com/GautamPolitical/status/1513875539576365068?s=20&t=PQBwFy5GRIdxGYG1LQt2NA

The post 13 повредени во инцидент во Њујорк first appeared on Кепенци.

САД и Индија се согласија да не се согласуваат околу Украина

Editor — Tue, 12 Apr 2022 10:25:30 +0000

Дијалогот за геостратешко партнерство на највисоко ниво меѓу Вашингтон и Делхи продолжува и покрај одбивањето на Индија да заземе осудувачки став кон руската интервенција во Украина. И покрај тоа што американскиот претседател Џо Бајден го нарече ставот на Индија превртлив, а индискиот премиер Нарендра Моди продолжува да промовира дијалог за решавање на војната во Украина, САД и Индија заеднички соопштија дека ги продолжуваат разговорите за меѓусебна соработка на највиско ниво. По виртуелната средба Бајден – Нарендра ќе следи продолжување на разговорите 2+2 меѓу министрите за надворешни работи и за одбрана на двете земји.

Непланираната виртуелна средба на врвот, на барање на Белата Куќа според американската страна треба да доведе до продолжување на блиските односи меѓу САД и Индија кои изминатите години се оддалечиле и оставиле простор за Русија, поради тоа што САД се занимавале со други прашања. Соработката во трговијата, технологијата, образованието и безбедноста се на врвот на агендата, со акцент дека безбедносното партнерство е клучно за воспоставување на заеднички геостратешки безбедносен појас на Индо-Пацификот.

Високо на агендата се враќа и т.н. четирипартитен безбедносен пакт КВАД во кој освен САД и Индија, членуваат и Австралија и Јапонија.

The post САД и Индија се согласија да не се согласуваат околу Украина first appeared on Кепенци.

САД шират русофобична реторика ?

Editor — Wed, 30 Mar 2022 08:45:20 +0000

Рускиот амбасадор во САД, Анатолиј Антонов ги коментираше изјавите на американскиот потсекретар за разоружување и меѓународна безбедност Бони Џенкинс која, зборувајќи на конференција во Виена, рече дека руските акции во Украина се закана за меѓународниот нуклеарен баланс.

За рускиот амбасадор, ваквите изјави се обид за меѓународно ширење на русофобична реторика, без основа, затоа што дел од руските акции во Украина, според него, се однесува на заштита на нуклеарните постројки во Чернобил и Запорожје од напад или злоупотреба од терористи или националисти, без било какво мешање во нивната работа. Амбасадорот Антонов ги повика САД да се вратат на неисполитизиран, професионален дијалог за нуклеарната безбедност.

The post САД шират русофобична реторика ? first appeared on Кепенци.