трамп - Кепенци

Меланија Трамп продава божикни лампиони

Editor — Mon, 19 Sep 2022 07:38:24 +0000

Меланија Трамп, сопругата на поранешниот претседател на Америка, најави своја линија на божикни украси со свој потпис.

Орнаментите се со цена од 35 до 45 долари и ќе се продаваат во нејзината онлајн продавница. Дел од парите собрани од продажбата Меланија изјави дека ќе одат во добротворни цели.

pic.twitter.com/N47nYMGKeZ
— MELANIA TRUMP (@MELANIATRUMP) September 18, 2022

The post Меланија Трамп продава божикни лампиони first appeared on Кепенци.

Хајката против Трамп со цел за негово апсење продолжувa

Editor — Wed, 07 Sep 2022 08:03:00 +0000

Вашингтон Пост објави дека меѓу 11.000 класифицирани документи кои Федералното биро за истражување – ФБИ ги откри и заплени од приватната вила на Трамп во Мар-а-Лаго има и документи до многу голема тајност, до чиј пристап се потребни посебни овластувања и протоколи.

Како пример е наведено разузнавачкото досие за нуклеарниот потенцијал на една земја, која весникот не ја открива за да не ги прекрши законските прописи за тајност на класифицирани податоци.

На имотот на Трамп, биле запленети 18 ексклузивни документи со исклучителна тајност и доверливост, 50 документи означени како – тајни и 31 документ со назнаката – доверливо

Документите со многу голема тајност, според американските закони се достапни до многу мал круг на луѓе, а поголемиот дел од администрацијата на Бајден нема овластување да ги види, па дури и за претседателот треба процедура за посебна дозвола предвидена со строг протокол.

Во меѓувреме, адвокатите на Трамп побараа независна експертиза од вештаци кои треба да утврдат, дали навистина документите се толку тајни како што се тврди во медиумите, или властите од администрацијата на Бајден, преку преувеличување на наводите за тајност, намерно се обидуваат да го компромитираат, па ако може и да го уапсат Трамп, во обид да го намалат неговото политичко влијание во САД кое е големо.

Судот го прифатил барањето за независна експертиза, што значи дека процесот против Трамп и судската разврска ќе трае многу подолго отколку што се очекуваше.

The post Хајката против Трамп со цел за негово апсење продолжувa first appeared on Кепенци.

Јавната кавга меѓу Трамп и Маск – театар за внимание или политичко ривалство?

Editor — Mon, 05 Sep 2022 14:37:28 +0000

Кога политиката и бизнисот ќе станат шоу, се понејасно станува каде е границата меѓу голиот публицитет за забава и сериозната политика.

Таков е случајот на јавната расправија преку социјалните мрежи меѓу поранешниот американски претседател Доналд Трамп и најбогатиот човек на светот Елон Маск, која се претвори во вистинско “селебрити” реално шоу, но сепак има сериозни импликации врз бизнисот и политиката.

Иако сите мислеа дека се пријатели и сојузници поради републиканските ставови на Маск и неговата директна одбрана на Трамп по укинувањето на неговиот профил на Твитер, во последно време тивката саркастична јавна војна на зборови меѓу двајцата се разгорува.

Откако Маск последно напиша дека е време „Трамп да ја закачи шапката и да отплови кон зајдисонцето“ Трамп не остана покусо, индиректно напаѓајќи ги електричните автомобили како „срање за кое трошите повеќе време да го наполните отколку времето кое ќе потоа ќе го имате за возење“.

Неговата изјава дури предизвика краткотрајни турбуленции на берзата, а допрва ќе се анализира дали влијаела на продажбата на автомобилите Tесла на Маск.

Иако претходно ја исклучуваа можноста како неверојатна, аналитичарите повторно почнаа да ја разгледуваат, макар теоретски, можноста Елон Маск да биде иден кандидат на американските републиканци за претседател на САД.

Во секој случај евидентно е дека јавната „забава“ на двајцата, со секој кажан или напишан збор, па дури и објавена слика, се анализира до детаљ и има сериозни импликации во светот на политиката и бизнисот.

The post Јавната кавга меѓу Трамп и Маск – театар за внимание или политичко ривалство? first appeared on Кепенци.

„Трутх Соушал“ на Трамп лансира сопствен пребарувач

Editor — Tue, 03 May 2022 08:35:56 +0000

Новата социјална мрежа на поранешниот американски претседател Доналд Трамп „Тру Соушал“ до крајот на мај ќе објави сопствен интернет пребарувач, кој како унифицирана алатка за сите видови уреди треба да биде достапна на Гугл-Плеј.

Трамп се реши преку својата матична компанија Трамп Медија & Технолоџи Груп, да основа нова глобална мрежа откако неговите профили на Твитер, Јутјуб и Фејсбук беа згаснати, поради наводно поттикнување насилство за време на немирите на Капитол Хил на 6 јануари минатата година.

„Тру Соушал“ беше поставена на Епл Стор во февруари, кога за рекордно време стана најуспешна апликација и каде сѐ уште го држи второто место.

По првата „вистина“ како што се нарекуваат објавите на новата мрежа, објавена на 14 февруари, Трамп денес за првпат повторно објави статус, што се смета за најава на следните чекори за негово враќање на социјалните мрежи преку „Тру Соушал“

The post „Трутх Соушал“ на Трамп лансира сопствен пребарувач first appeared on Кепенци.