укло - Кепенци

Душан Стевановски избран за нов студентски лидер на УКЛО

Editor — Mon, 28 Nov 2022 19:46:09 +0000

На 25.11.2022 г. на УКЛО, успешно заврши изборот на претседател и членови на раководството на Универзитетското студентско собрание.

Душан Стевановски, редовен студент во трета година на Економскиот факултет со тајно гласање избран е за лидер на студентите на Универзитетот „Св. Климент Охридски“ – Битола со мандат од една година.

Претходно, функцијата студентски лидер на УКЛО во еден мандат ја извршуваше Симона Наумовска од Ветеринарниот факултет.

Чест и задоволство ми е да го претседавам нашето прекрасно Универзитетско студентско собрание УКЛО- Битола во подобрување на стандардот на студентите и штитење на нивните интереси. Со одлична соработка во секое поле, како и со студентите, така и со управата на Универзитет „Св. Климент Охридски“ – Битола ние очекуваме прекрасна и продуктивна година. Благодарам на довербата

– напиша Стефановски на својот ФБ профил.

The post Душан Стевановски избран за нов студентски лидер на УКЛО first appeared on Кепенци.

На првиот академски час покрај деканот на Правниот факултет присуствуваше и ректорот на Универзитетот (ГАЛЕРИЈА)

Editor — Mon, 03 Oct 2022 21:24:39 +0000

Денес во големиот амфитеатар на Правниот факултет свечено беше одбележан првиот академски час за бруцошите на Правниот факултет на кој свои обраќања имаа Ректорот на Универзитетот “Св. Климент Охридски” – Битола, проф. д-р Игор Неделковски и Деканот на Правниот факултет, проф. д-р Горан Илиќ.

Потоа на новите бруцоши им беа поделени индексите.

The post На првиот академски час покрај деканот на Правниот факултет присуствуваше и ректорот на Универзитетот (ГАЛЕРИЈА) first appeared on Кепенци.

Новиот ректор на УКЛО ја презеде функцијатa

Editor — Thu, 29 Sep 2022 22:21:54 +0000

Од 1 октомври битолскиот Универзитет „Св. Климент Охридски“ – Битола и официјално и формално има нов ректор, тоа е проф. д-р Игор Неделковски.

На чинот на официјално примо-предавање на ректорските инсигнии, одржан во четвртокот на 29.09 септември во Ректоратот на УКЛО ректорот во заминување, проф. д-р Сашо Коруновски му посака успешен мандат на Неделковски, за кого рече дека е сигурен дека уште повеќе ќе се грижи за напредокот на Универзитетот.

Новиот ректор на следната седница на Ректорската управа ќе предложи нови проректори, како дел од новиот „менаџерски тим” кој ќе управува со Универзитетот.

Прва јавна ректорска активност и обраќање, новиот ректор Неделковски ќе има пред студентите на Факултетот за безбедност, каде ќе присуствува на Првиот академски час на Факултетот кој годинава одбележува 45 години постоење.

The post Новиот ректор на УКЛО ја презеде функцијатa first appeared on Кепенци.