филм - Кепенци

Кој е КРАКЕН?

Editor — Sun, 22 Jan 2023 21:14:44 +0000

Фразата:

– Доста, оти ќе го ослободам Кракен !

во последните 40 години стана глобално употребувана реченица како метафора за голема закана, со нешто тајно, скриено и големо кое се употребува исклучиво во случај на крајна нужда.

Ова се должи на влијанието на култниот филм „Борба на титаните” од 1981 година, во кој античкиот јунак Персеј се бори со чудовиштата од древната митологија.

Иако од денешна дистанца изгледа наивно, во 1981 година, филмот беше синоним за врвни достигнувања во сценските ефекти во филмската индустрија.

Истоимениот “римејк” од 2010 година и покрај тоа што примени пософистицирани, компјутерски сценски ефекти ни приближно не ја достигна популарноста на оригиналот.

Но кој е Кракен?

Според античката митологија, Кракен е морско чудовиште син на Океан и неговата ќерка (и сестра) Кето, родена од него и од неговата мајка Геја.

Доволно комплицирано за да се роди монструм како Кракен, огромно морско чудовиште со многу пипци, како октопод, со глава со заби која испушта страшни крикови.

Но верзијата на Кракен од филмот е поблиску до Скандинавските легенди од пред 1000 години, според кои морнарите на нордискиот брег често се среќавале со острови, кои всушност не биле вистинско копно, туку телото на огромното чудовиште со многу раце и змејска опашка, кое можело со еден удар да збрише цели градови.

Деновие Кракен е повторно актуелен, како име на новиот вирус на грип, за кој лекарите велат дека не е толку опасен, но сепак му дале страшно име. Веројатно поради многуте раце (краци) карактеристички за обликот, но и мутирањето на вирусите.

The post Кој е КРАКЕН? first appeared on Кепенци.

Толкен се превртува во гробот – Маск го направи пуздер „Прстенот на моќта”

Editor — Tue, 06 Sep 2022 10:57:48 +0000

Најбогатиот човек на светот Елон Маск кој има мислење за секоја пригода и со само една реченица на Твитер прави „земјотреси” на берзите, во јавното мислење, бизнисот и политиката, овој пат реши да сурфа на веќе евидентното незадоволство на публиката од новата серија „Прстенот на моќта“ како продолжение на култниот „Господар на прстените”.

Tolkien is turning in his grave
— Elon Musk (@elonmusk) September 5, 2022

Речиси сите машки ликови до сега се кукавици или идиоти или и едното и другото. Само Галадриел е храбра, умна и љубезнa

– напиша Маск на Твитер, како објаснување на простата реченица со која претходно ѝ „пресуди” на серијата – Толкен се превртува во гробот.

Маск на овој начин удира и врз својот бизнис ривал, Џеф Безос, сопственикот на Амазон, во чија продукција е серијата, но и се додворува на публиката која по првите две епизоди веќе реагира бурно и негативно на серијата.

Додека критиката го оценува филмот со 84 од 100, оценката на гледачите е далеку пониска од очекувањата, со само 39% позитивни критики.

Освен реакциите за воведувањето на афроамерикански црномурести ликови кои ги нема кај Толкен, кои се оценуваат и како јавен наплив на расизам, критиките се главно насочени кон приказната, ликовите и разработката на дијалозите, за кои критичарите се едногласни дека се напишани и изглумени студено, просто, без емоции, како да ги играат роботи, а не луѓе.

Реакцијата на Маск, иако е негативна, може да предизвика и обратен ефект и да го зголеми интересот за серијата кај луѓето кои сѐ уште не ја виделе.

The post Толкен се превртува во гробот – Маск го направи пуздер „Прстенот на моќта” first appeared on Кепенци.

Почина актерката на наградениот филм во Кан

Editor — Wed, 31 Aug 2022 09:00:40 +0000

Актерката Шарлби Дин која ја толкува главната улога во филмот „Триаголник на тагата” ненадејно почина во болница на врвот на својот успех на 32 годишна возраст. Други детали за неочекуваната смрт не се соопштени.

Јужноафриканската актерка беше на подемот на својата кариера која, по успешните улоги во неколку филмови и серии, неодамна ја круниса со Златната Палма во Кан за филмот „Триаголник на тагата” кој допрва треба да почне премиерно да се прикажува во кината.

Филмот кој ја одушеви публиката и жирито на престижниот Кански фестивал, се спомнува и како сериозен претендент за Оскарите во повеќе категории.

The post Почина актерката на наградениот филм во Кан first appeared on Кепенци.

“Куќата на змејот” само со една епизода донесе одлука за снимање на нова сезона

Editor — Sat, 27 Aug 2022 17:54:42 +0000

Само со една епизода “House of the Dragon” донесе важна одлука. “House of the Dragon” стана една од најгледаните HBO серии на сите времиња надминувајќи ја култната серија “Game of Thrones”.

За само една недела првата епизода руши рекорди на гледаност со повеќе од десет милиони гледачи па не е ни чудно што продуцентите се одлучиле на ваква одлука толку брзо.

Франческа Орси -извршната продуцентка на HBO изјави дека тие се исклучително горди на целата екипа и дека реакцијата и рејтинзите ги надминале сите нивни очекувања.

The post “Куќата на змејот” само со една епизода донесе одлука за снимање на нова сезона first appeared on Кепенци.

„Back to black” – нов филм за Ејми Вајнхаус

Editor — Fri, 15 Jul 2022 11:50:20 +0000

По двата обиди да се прикаже животот на култната Ејми Вајнхаус која кратката, но вртоглаво успешна музичка кариера ја заврши заедно со животот, со труење со алкохол во 2011 година, во најава е нов филм за Ејми, овој пат за првпат со поддршка на нејзиното семејство.

Семејството жолчно реагираше на обидот на Асиф Кападиа да го прикаже животот на Ејми преку истоимениот документарен филм во 2015. Иако филмот стигна до Оскарите семејството на Ејми никогаш не го прифати како вистинит, тврдејќи дека Ејми е прикажана како лоша и проблематична преку изнесување на толкувања на факти кои не се вистинити. Таткото на Ејми тогаш изјавуваше дека филмот е ужасен и дека ја злоупотребува трагедијата на неговата ќерка.

Втор, „попристоен” обид да го прикаже животот на Ејми, по повод 10 годишнината од нејзината смрт во 2021 направи БиБиСи, куќата во која таа како многу млада девојка дебитираше во живо и беше претставена како неоткриен извонреден музички талент.

Во 2015 година имаше и обид да се сними игран филм во режија на Кристен Шеридан, но од филмот не излезе ништо.

Овој пат таткото на Ејми, Мич Вајнхаус, уште од 2018 година е во постојан контакт со продуцентките Алисон Овен и Дебра Хајвард во обид да се смисли достоен начин со кој би се славел животот на Ејми, а вклучена е и Фондацијата со нејзиното име, која поддржува млади сиромашни талентирани уметници на патот кон успехот, но и обезбедува рехабилитација на млади кои имаат проблем со алкохолот.

Новиот филм кој носи работен наслов „Бек ту блек“, ќе го режира Сем Тејлор Џонсон, а очекувањата се ликот на Ејми да го толкува некоја млада непозната лондонска актерка без искуство, која допрва треба да биде откриена од лондонските улици.

Обожавателите на Ејми, но и познавачите на шоу бизнисот се сепак сомничави кон чесните намери на новиот проект, особено по најавата дека по филмот ќе следи холограмска светска турнеја на покојната Ејми, што упатува на правење пари, а не славење на пејачката, како главна цел на филмот.

The post „Back to black” – нов филм за Ејми Вајнхаус first appeared on Кепенци.

Излезе новиот трајлер на Доктор Стрејнџ 2

Editor — Sun, 06 Mar 2022 22:15:32 +0000

На 6 мај излегува новиот филм или продолжението на Доктор Стрејнџ под наслов “Break The Rules” .

Подолу погледнете го видеото од возбудливиот трајлер

The post Излезе новиот трајлер на Доктор Стрејнџ 2 first appeared on Кепенци.

Улогата на Бетмен не е за секој па дури и за актер од калибарот на Роберт Патинсон

admin — Mon, 28 Feb 2022 22:36:26 +0000

Во шоуто на Џими Кимел, Патисон изјавил дека мака водел да ги изведи сцените а и да не потфрли под нивото на Мајк Китон, Бал Килмер, Кристијан Бејл, Џорџ Клуни и Бен Афлек кои исто така го играле Брус Вејн.

Патинсон рекол дека улогата на еден таков лик не само што му требало посебна психолошка и хормонална подготовка туку и после тоа добра психолошка рехабилитација со реалниот свет бидејќи улогата го заземала неговото алтер его од неговиот живот.

Не знаеме што се направил Патинсон и како ќе го доловил ликот на Бетмен но со нетрпение го чекаме новиот филм на Бетмен што ќе биде пуштен во кино салите од 4 март

The post Улогата на Бетмен не е за секој па дури и за актер од калибарот на Роберт Патинсон first appeared on Кепенци.

Трејлерот на “Прстените на моќта” претставен на Супербоул

admin — Mon, 28 Feb 2022 05:34:00 +0000

Најскапата серија или најгледаната серија на сите времиња Господарот на прстените добива ново продолжение или претходница како последица на книгите од Толкин кои и многу малку ги има разработено филмската индустрија.

Продолжението од трајлерот беше претставен на Супербоул каде беа претставени новите ликови и датумот на пермиера т.е. на 2 септември
Продолжението на филмот се нарекува Прстените на моќта каде што фановите со нетрпение го очекуваат, додека на ЈУТУБ има безброј видеа каде што се претпоставува дали филмот ќе ги исполни очекувањата и распоредот на настаните кои се опишани исто во книгите на Толкин.

Currently Playing

The post Трејлерот на “Прстените на моќта” претставен на Супербоул first appeared on Кепенци.