Претседателката на Тајван предупредува на „нестабилни предизвици“ на пазарот на чипови

Editor — Fri, 16 Sep 2022 18:38:54 +0000

Глобалната ситуација во изминатите неколку години е обележана со неочекувани настани и радикални промени – од пандемијата до војната во Украина и сè почести топлотни бранови и големи суши. Овие промени се рефлектираа и на бројни пазари, синџири на производство и снабдувањето. Меѓу другото, особено погоден беше пазарот на чипови.

Претседателката Цаи Инг-Вен предупреди и на таквите, како што нагласи, „нестабилни предизвици“ за време на говорот на индустрискиот форум што се одржа во Тајван. Таа потсети на уникатната глобална ситуација, вклучително и гореспоменатите предизвици со синџирите на снабдување и нагласи:

,,И денес се појавуваат нови предизвици кои ја прават ситуацијата уште понестабилна”.

Тие проблеми, смета таа, нема да се одразат со влошување на состојбата на светскиот пазар на чипови. Се разбира, освен ако нема некои вонредни и радикални настани како војна.

Тајванскиот ТСМЦ е најголемиот производител на чипови во светот, а нивните чипови се наоѓаат во бројни уреди што ги користиме секој ден – од компјутери и телефони до машини за перење, центри за податоци, авиони и друго, така што е јасно дека секој проблем во кој би западнал Тајван би се почувствувал насекаде низ светот преку нов недостиг на чипови и бројни производи.

Едитор: Викторија Брдаровска

The post Претседателката на Тајван предупредува на „нестабилни предизвици“ на пазарот на чипови first appeared on Кепенци.

Американско-кинеска „војна” за тајванските чипови

Editor — Mon, 22 Aug 2022 11:28:53 +0000

Како што производството на наночипови во Тајван, достигнува вртоглави височини, така чиповите стануваат нова главна причина за нови америланско-кинески тензии околу влијанието во Тајван.

Тајванските власти најавија инвестиција од речиси 110 милијарди долари во нано секторот до 2025 со што земјата ќе ја зацврсти својата позиција на светски добавувач број еден во нано-секторот.

Недостигот на чипови во светот, поттикнат од прекинот на производството поради ковид пандемијата, беше само мала најава на тоа колку важен овој сектор ќе станува во иднина, а со тоа и Тајван како светски лидер во извозот. Во САД прашањето на непречена набавка на чипови, се смета за безбедносно прашање, дури и поважно од енергетиката, со оглед на тоа што најголемиот дел од новите американски оружја се потпираат на нано-технологија и зависат директно од Тајван.

Истата „приказна”, но не толку јавно се провлекува и во Кина, каде освен историско-политичките и геостратешките аспекти, Тајван добива нова пазарна димензија на значење во економијата и воената индустрија.

Производството на дигитални чипови во Тајван почна во 1974 година, како речиси запоставена индустрија од која никој тогаш не очекувал дека ќе стане толку важна. Денес, Тајван веќе е господар на светскиот пазар на чипови од 10 нанометри, а со тековните програми за производство на чипови од 3 нанометри и експерименталните линии од 2 нм. се очекува да ја етаблира својата позиција на светскиот пазар.

Аналитичарите, ваквата состојба ја споредуваат со економските зависности и пазарни нерамномерности кои постоеја пред Првата Светска Војна, и велат дека воопшто не е наивно доколку ризикот тајванските чипови да бидат тригер за Трета Светска Војна и потенцијален кинеско-американски судир се смета за реален и многу извесен.

The post Американско-кинеска „војна” за тајванските чипови first appeared on Кепенци.

чипови - Кепенци

Претседателката на Тајван предупредува на „нестабилни предизвици“ на пазарот на чипови

Едитор: Викторија Брдаровска

Американско-кинеска „војна” за тајванските чипови