avstralija - Кепенци

Хакерски напад во Австралија – загрозени личните податоци на 10 милиони жители

Editor — Tue, 27 Sep 2022 09:10:06 +0000

Телекомуникациската компанија “Оптус” која беше цел на хакерски напад и од неа биле украдени лични податоци на повеќе од 10.000 милиони корисници била уценета да плати еден милион австралиски долари во криптовалута од хакерите, соопшти австралиската полиција.

Во украдените податоци сопственост на „Сингапур телеком“ украдени се податоци од доомашни адреси, возачки дозволи и броеви на пасоши и ова е едно од најголемите истекување на лични податоци во Австралија.

И покрај притисокот на целата ситуација и медиумски и полициски отпор да се пронајдат сторителите сепак хакерите денес соопштија дека ги избришале податоците и дека го повлекуваат барањето за откуп.

По повлекувањето на барањето на хакерите “Оптус” заедно со федералната полиција кои соработуваа со американското Федерално истражно биро (ФБИ) и други агенции вклучени во истрагата, одбија да ги коментираат.

Во австралиската јавност се шпекулира дека телекомуникацискиот сервис заедно со австралиската полиција соработувале и со сомневаат дека тоа е намерно направено од нивна страна но сепак за тоа никој нема докази.

The post Хакерски напад во Австралија – загрозени личните податоци на 10 милиони жители first appeared on Кепенци.

Австралија ќе увезува работна сила

Editor — Fri, 02 Sep 2022 08:39:14 +0000

Австралиските власти соопштија дека ќе ги олеснат визните пречки за доселување и работа во земјата, поради растечкиот тренд на недостиг од соодветни кадри во одредени сектори.

Годинава доселенички визи ќе им бидат издадени на речиси 200.000 лица, или 35.000 повеќе од лани. Невработеноста во Австралија е најниска во последните 50 години, додека работодавачите имаат потреба од пополнување на 480.000 работни места за кои не можат да најдат соодветен кадар.

Најголемиот дефицит на работна сила е во туризмот угостителството, здравството, земјоделието и индустриите за кои се потребни специфични вештини.

На конференцијата за работна сила во Канбера беше заклучено дека токму поради недостатокот на соодветни кадри земјата е пред хаос на аеродромите, во болниците, а дел од земјоделските плодови годинава скапуваат по нивите затоа што нема кој да ги собере.

Австралиските власти велат дека продолжуваат со политиката на обезбедување прво работа за Австралијаните, но и доколку теоретски се пополни секое слободно работно место со домашни кадровски ресурси, пак останува огромен дефицит на работна сила од неколку стотици илјади.

Недостигот на работна сила е долгорочно лоциран, предвиден и пресметан во Австралија, која и до сега имаше политика на дозволени годишни квоти на доселување, но се смета дека ковид-пандемијата неколкукратно, нагло го зголеми проблемот кој стана видлив и почна да ја загрозува функционалноста на одредени сектори.

И покрај ковид мерките, во последните три години се смета дека во Австралија трајно се доселиле речиси 1 милион нови жители.

Во функција на новата политика на поголемо отворање на вратите за странска работна сила, владата одвои буџет и за зголемените трошоци за администрирање и ангажирање повеќе државни службеници кои ќе работат на побрзо разгледување и издавање работни визи.

The post Австралија ќе увезува работна сила first appeared on Кепенци.

Ковидот се враќа во Австралија?

Editor — Tue, 26 Jul 2022 11:32:25 +0000

Втор ден по ред, Австралија бележи највисок процент на хоспитализации поврзани со корона вирусот.

Бројката на пациенти на болничко лекување сѐ уште не е алармантна, но за два дена достигна 5600 луѓе, додека бројот на починати надмина 100, што се смета за сепак висока бројка по периодот на „затишје“ на заразата.

The post Ковидот се враќа во Австралија? first appeared on Кепенци.