bogorodica - Кепенци

Светиклиментово Слово за Благовештение – Преку Богородица се сруши прабабината клетва

Editor — Sat, 21 Jan 2023 19:00:35 +0000

И Исаија вели:

,,Ете, Девица ќе зачне и ќе роди син и ќе му стават име Емануил, што значи,, Бог со нас “.

И кога дојде време да се исполнат нивните зборови, го испрати Архангелот Гаврил и му рече нему ,,Оди кај Девицата Марија и кажи ѝ: ,,Радувај се Благодатна, Господ е со тебе. Ти си благословена меѓу жените и благословен е плодот на Твојата утроба. Веќе ти се сруши прабабината клетва: од жената процутеја сите зла и жалости, а сега пак од тебе, добрините. Оти, еве ќе зачнеш во утробата и ќе родиш син и ќе му ставиш име Исус.“

избор на Димитра Десановска

The post Светиклиментово Слово за Благовештение – Преку Богородица се сруши прабабината клетва first appeared on Кепенци.

Рождество на Пресвета Богородица, Вечерна богослужба и Литургија – Битола (ГАЛЕРИЈА)

Editor — Wed, 21 Sep 2022 23:13:31 +0000

Рождество на Пресвета Богородица (познат и како Мала Богородица) е еден од најголемите празници на Православната Црква, празнуван на 21 септември.

Пресвета Дева Марија се роди од своите стари родители, Јоаким и Ана. Татко Ѝ беше од племето Давидово, а мајка Ѝ од родот Аронов. И така Таа по татко беше од царски, а по мајка од архиерејски род и со тоа го предобразуваше Оној Којшто од Неа ќе се роди, како Цар и Првосвештеник. Нејзините родители беа веќе остарени, а немаа деца.

И затоа беа посрамени пред луѓето и скрушени пред Бога. И во својата скрушеност Му се молеа на Бога со плач, да ги израдува во нивната старост и да им подари едно чедо, како што некогаш ги израдува старецот Авраам и старицата Сара подарувајќи им го синот Исак. И семноќниот Бог Којшто гледа сѐ ги израдува со радост што ги надминуваше сите нивни очекувања и најубави соништа.

Бидејќи им подари не само ќерка туку и Божја Мајка; ги озари не само со привремена радост туку и со вечна. Бог им даде само една ќерка, којашто подоцна им роди само еден внук – но каква ќерка и каков внук! Благодатната Марија, прославена меѓу жените, храм на Светиот Дух, олтар на Живиот Бог, трпеза на небесниот леб, кивот на светоста Божја, дрво со најсладок плод, слава на родот човечки, пофалба на женскиот род, источник на девственоста и чистотата – тоа беше од Бога даруваната ќерка на Јоаким и Ана.

Родена во Назарет, а после три години одведена во храмот ерусалимски, од каде што се врати подоцна пак во Назарет, за наскоро да ја чуе благовеста на Светиот архангел Гавриил за раѓањето на Синот Божји, Спасителот на светот, од Нејзиното пречисто и девствено тело.

Дел од сликите се преземени од профилот на Михајло Ивановски дел од официлајниот сајт на http://www.pppe.mk/

The post Рождество на Пресвета Богородица, Вечерна богослужба и Литургија – Битола (ГАЛЕРИЈА) first appeared on Кепенци.

Руската чудотворна икона Покров на Мајката Божја која го обиколува светот, во посета на Пресвета Богородица во Битола

Editor — Mon, 19 Sep 2022 22:33:22 +0000

Верниците од Битола, од Преспанско Пелагониската Епархија и од целата МПЦ ОА во вторник на 20 септември во 15 часот, во црквата Рождество на Пресвета Богородица ќе имаат можност да ја пречекаат и да се поклонат на т.н. “Кругосветна” икона – Покров на Пресвета Богородица, која од 2017 година ги посетува православните верници на сите светски меридијани.

Иконата, живописана во Свето-Троичко Сергиевата Лавра, по повод 100 годишнината од расејувањето на православните Руси низ цел свет поради прогонствата по Октомвриската Револуција, во 2017 година е благословена од првоерархот на Руската задгранична црква, митрополитот на Њујорк и цела Америка г. Иларион, по повод 10 годишнината од стапувањето во канонско единство на Задграничната со Руската Православна Црква.

Оттогаш иконата Покров на Пресвета Богородица три пати го обиколила светот, посетувајќи ги сите краишта каде има православни христијани: била на Арктикот, на врвот Елбрус, во САД, Австралија, Египет, Турција, Русија, Украина, Белорусија, Грузија, Италија, Грција, Кипар, Аргентина, Филипини, Јапонија… Во Македонија со благослов на митрополитот преспанско-пелагониски г. Петар, доаѓа од Србија, каде пак со благослов на патријархот Порфириј, претходно допатува од Јапонија.

По посетата на регионот (Косово и Метохија, Црна Гора, Република Српска во БиХ, Бугарија и Македонија) иконата ќе го продолжи патот кон Ерусалим.

За време на првата обиколка на светот во 2017-2018 „Кругосветната” икона почнала да мироточи, а подоцна се забележани и сведоштва на чудесни исцеленија – будење од кома, проодување, лекување на тешки болести.

Чудотворната икона Покров на Пресвета Богородица во храмот Рождество на Пресвета Богородица во Битола доаѓа во предвечерието спроти истоимениот голем празник и слава на оваа црква во центарот на Битола, каде се очекува да ја пречекаат и да се поклонат илјаднци верници.

Пред иконата во Белградската Епархија до сега се поклониле 400 илјади верници.

The post Руската чудотворна икона Покров на Мајката Божја која го обиколува светот, во посета на Пресвета Богородица во Битола first appeared on Кепенци.