Митрополит Петар – Ако се откажеме од дијаспората ќе исчезнеме (ВИДЕО)

Editor — Wed, 18 Jan 2023 01:20:14 +0000

Без условувања за откажување од дијаспората по никоја цена

Наместо егзархии – „подворја” (со соодветен реципроцитет)

Без етикатирањa, табу-теми и отворено да си ги решиме проблемите дома, за кои погрешно мислиме дека ни доаѓаат однадвор

Ова накусо се дел од поентите кои Митрополитот Преспанско-пелагонски и администратор Австралиски и Новозеландски, кои како Претседател на Одделот за надворешни односи со другите помесни цркви на САС на МПЦ ОА ги изнесе во емисијата „Гласот на народот” на Телевизија Сонце.

Како аргумент за неоткажување од дијаспората, за што владиката Петар смета дека треба да се има разбирање, тој го посочи примерот на Антиохиската црква, чие седиште е во Дамаск, а над 70% од нејзините членови се наоѓаат надвор од Сирија.

Посочувајќи дека во денешните околности на иселување МПЦ без дијаспора нема да може ни да опстои, заговорниците за откажување од дијаспората тој ги нарече „гробари” на црквата, народот и државата:

Во врска со идејата за поставување на „егзарх“ (самостоен застапник) на Цариградската Патријаршија или на било која друга помесна црква во Македонија, без можност за возвратна реципрочност, за владиката Петар е дискутабилно и наликува на обид за полагање рака за влијание.

Според него, поставувањето на т.н. „подворја” во вид на дипломатски црковни претставништва или испостави, на посебно доделени територии, на пример во Охрид, на кои другите помесни цркви ќе можат да градат и свои храмови, е посоодветна идеја која ќе значи и примена на единството и сослужувањето во пракса, дотолку повеќе ако се обезбеди и соодветна возвратност за отворање на подворја на МПЦ ОА на териториите на другите помесни цркви.

Митрополитот Петар за првпат јавно и директно обвини за постоење на, како што ги нарече „парацрковни структури” од Бигорскиот Манастир, за кои рече дека станале поголем проблем од проблемот со т.н. ПОА (на Јован Вранишковски), а го посочи и епископот Антаниски Партениј за директно неовластено мешање во неговите надлежности како претседател на Одделот за надворешни односи на МПЦ ОА:

Владиката Петар рече дека за ова прашање, пред да го изнесе јавно, имал слобода да го каже пред архиепископот Стефан, митрополитот Тимотеј, епископот Климент, синедрискиот митрополит Максим, претседателот на Комисијата за односи со верските заедници, свештени лица, преведувачи и др.

Митрополитот се осврна и на „случајот” на Украина , за кој рече дека проблемот таму не е црковен, не е ни политички, туку од геостратешка природа, и изрази силна увереност дека патријарсите Вартоломеј и Кирил се доволно мудри да најдат начин тоа што поскоро да го решат, како што впрочем досега и се решаваат сите воени судири – со седнување на иста маса:

The post Митрополит Петар – Ако се откажеме од дијаспората ќе исчезнеме (ВИДЕО) first appeared on Кепенци.

Коцарев: Без континуитет и без Македонците во соседството и светот сите преговори ќе водат кон разнебитување

Editor — Tue, 02 Aug 2022 13:38:22 +0000

Претседателот на МАНУ Љупчо Коцарев, на семакедонската иселеничка средба во потпелистерското село Трново, ги повика присутните на големиот државен празник Илинден, кој претставува симбол на непокорот на македонскиот народ заедно да упатат молитва за Македонија.

„Притоа да не заборавиме дека зборот Македонија подразбира – прво: просторен и милениумски континуитет на македонскиот јазик, идентитет и народ; и – второ: македонскиот национален супстрат го сочинуваат Македонците кои живеат во државата Македонија во соседството вклучувајќи ги тука Грција и Бугарија (и тоа да не го заборавиме никогаш!) и низ целиот свет.”

Академик Коцарев рече дека овие две карактеристики на зборот Македонија се неделиви една од друга.

„И – просторниот и временскиот континуитет; и – националниот супстрат, се неделиви . Всушност, тие претставуваат две димензии на една иста реалност и затоа не можат да се гледаат одвоено и засебно, односно изземањето на било која од нив подразбира разнебитување на Македонија. И затоа е клучно тоа да се има предвид и како такви, да се присутни секаде во сите преговарачки рамки, договори, спогодби и протоколи“.

Коцарев објасни дека радоста, гордоста и спокојот кои ги чувствува по повод празникот, не произлегуваат од моменталната ситуација во која се наоѓа земјата.

„Главно креирана од политичките околности, за кои до сега многу пати сум пишувал и истакнувал дека се полоши од било кога, а најголем дел од денешниот политичари се слуги на дневно партиски и геостратегиски интереси.
Радоста, гордоста и спокојот ми произлегуваат од мојата увереност дури и сигурност дека македонската држава, идентитет, јазик, култура, наука и уметност ќе опстојат на овие простори во вековите што доаѓаат и затоа што тие се длабоко врежани по волјата и колку и тоа некому и да пречи, и во срцата во секој од нас“.

Претседателот на МАНУ потенцираше дека – само аргументираните и јасни научни факти недвојбено водат до непобитната вистина.

„А вистината е непроменлива – злобата може да ја напаѓа, незнаењето може да ја исмејува, но на крај таа сепак е тука.
Да живее Македонија!
Нека ни е честит и вечен Илинден!“

The post Коцарев: Без континуитет и без Македонците во соседството и светот сите преговори ќе водат кон разнебитување first appeared on Кепенци.

dijaspora - Кепенци

Митрополит Петар – Ако се откажеме од дијаспората ќе исчезнеме (ВИДЕО)

Без условувања за откажување од дијаспората по никоја цена

Наместо егзархии – „подворја” (со соодветен реципроцитет)

Без етикатирањa, табу-теми и отворено да си ги решиме проблемите дома, за кои погрешно мислиме дека ни доаѓаат однадвор

Коцарев: Без континуитет и без Македонците во соседството и светот сите преговори ќе водат кон разнебитување