jasno - Кепенци

Митрополит Петар – Ако се откажеме од дијаспората ќе исчезнеме (ВИДЕО)

Editor — Wed, 18 Jan 2023 01:20:14 +0000

Без условувања за откажување од дијаспората по никоја цена

Наместо егзархии – „подворја” (со соодветен реципроцитет)

Без етикатирањa, табу-теми и отворено да си ги решиме проблемите дома, за кои погрешно мислиме дека ни доаѓаат однадвор

Ова накусо се дел од поентите кои Митрополитот Преспанско-пелагонски и администратор Австралиски и Новозеландски, кои како Претседател на Одделот за надворешни односи со другите помесни цркви на САС на МПЦ ОА ги изнесе во емисијата „Гласот на народот” на Телевизија Сонце.

Како аргумент за неоткажување од дијаспората, за што владиката Петар смета дека треба да се има разбирање, тој го посочи примерот на Антиохиската црква, чие седиште е во Дамаск, а над 70% од нејзините членови се наоѓаат надвор од Сирија.

Посочувајќи дека во денешните околности на иселување МПЦ без дијаспора нема да може ни да опстои, заговорниците за откажување од дијаспората тој ги нарече „гробари” на црквата, народот и државата:

Во врска со идејата за поставување на „егзарх“ (самостоен застапник) на Цариградската Патријаршија или на било која друга помесна црква во Македонија, без можност за возвратна реципрочност, за владиката Петар е дискутабилно и наликува на обид за полагање рака за влијание.

Според него, поставувањето на т.н. „подворја” во вид на дипломатски црковни претставништва или испостави, на посебно доделени територии, на пример во Охрид, на кои другите помесни цркви ќе можат да градат и свои храмови, е посоодветна идеја која ќе значи и примена на единството и сослужувањето во пракса, дотолку повеќе ако се обезбеди и соодветна возвратност за отворање на подворја на МПЦ ОА на териториите на другите помесни цркви.

Митрополитот Петар за првпат јавно и директно обвини за постоење на, како што ги нарече „парацрковни структури” од Бигорскиот Манастир, за кои рече дека станале поголем проблем од проблемот со т.н. ПОА (на Јован Вранишковски), а го посочи и епископот Антаниски Партениј за директно неовластено мешање во неговите надлежности како претседател на Одделот за надворешни односи на МПЦ ОА:

Владиката Петар рече дека за ова прашање, пред да го изнесе јавно, имал слобода да го каже пред архиепископот Стефан, митрополитот Тимотеј, епископот Климент, синедрискиот митрополит Максим, претседателот на Комисијата за односи со верските заедници, свештени лица, преведувачи и др.

Митрополитот се осврна и на „случајот” на Украина , за кој рече дека проблемот таму не е црковен, не е ни политички, туку од геостратешка природа, и изрази силна увереност дека патријарсите Вартоломеј и Кирил се доволно мудри да најдат начин тоа што поскоро да го решат, како што впрочем досега и се решаваат сите воени судири – со седнување на иста маса:

The post Митрополит Петар – Ако се откажеме од дијаспората ќе исчезнеме (ВИДЕО) first appeared on Кепенци.

Кој бил во униформа во Белата Куќа?

Editor — Thu, 22 Dec 2022 16:28:33 +0000

Посетата на украинскиот претседател Володимир Зеленски кој тајно отпатува за САД, на средба со американскиот претседател Џо Бајден на големо се коментира на социјалните мрежи.

Посебно внимание привлекува невообичаениот дрес-код за официјален прием во Белата Куќа, во сиво-маслинеста воена униформа, која со месеци е вообичаен дел од имиџот на Зеленски пред јавноста.

Реткиот дрес-код се споредува со војничкиот комбинезон кој британскиот премиер Винстон Черчил го носел во Белата Куќа, во екот на Втората Светска Војна, на 3 јануари 1942 година, споредувајќи го, на тој начин значењето на конфликтот во Украина со значењето на претходната Светска Војна.

Но многумина негодуваат на споредбата на Зеленски со Черчил, нарекувајќи ја навредлива и потценувачка за големината на британскиот историски лидер со сегашниот украински претседател, за кој велат дека не му стига ни до колената.

Не го споредувајте неспоредливото, Черчил беше лидер кој остави печат во историјата, а Зеленски обичен актер кој се обидува да ја игра улогата која му е доделена.

The post Кој бил во униформа во Белата Куќа? first appeared on Кепенци.

Новиот ректор на УКЛО ја презеде функцијатa

Editor — Thu, 29 Sep 2022 22:21:54 +0000

Од 1 октомври битолскиот Универзитет „Св. Климент Охридски“ – Битола и официјално и формално има нов ректор, тоа е проф. д-р Игор Неделковски.

На чинот на официјално примо-предавање на ректорските инсигнии, одржан во четвртокот на 29.09 септември во Ректоратот на УКЛО ректорот во заминување, проф. д-р Сашо Коруновски му посака успешен мандат на Неделковски, за кого рече дека е сигурен дека уште повеќе ќе се грижи за напредокот на Универзитетот.

Новиот ректор на следната седница на Ректорската управа ќе предложи нови проректори, како дел од новиот „менаџерски тим” кој ќе управува со Универзитетот.

Прва јавна ректорска активност и обраќање, новиот ректор Неделковски ќе има пред студентите на Факултетот за безбедност, каде ќе присуствува на Првиот академски час на Факултетот кој годинава одбележува 45 години постоење.

The post Новиот ректор на УКЛО ја презеде функцијатa first appeared on Кепенци.

Фунтите и еврата повторно паѓаат во однос на доларот

Editor — Mon, 26 Sep 2022 11:16:29 +0000

Извештаите за анализа на финансиските информации покажуваат дека ноќеска еврото и фунтата паднале на историски најниското ниво во последните 20 години во однос на доларот.

Заедничката европска валута се тргуваше по 0,95 долари, ниво што не е регистрирано од 2002 година.

Британската фунта падна за речиси 5 отсто што е околу 1,0350 долари.

И покрај турбулентната ноќ во текот на утринските часови и двете валути полека но сигурно се закрепнуваат.

The post Фунтите и еврата повторно паѓаат во однос на доларот first appeared on Кепенци.

Хрватската полиција фати шверцери на дрога, меѓу нив и еден Македонец

Editor — Sun, 25 Sep 2022 18:42:03 +0000

Хрватската полиција уапси шест души кои биле здружени за шверц на дрога и хероин во Хрватска. Меѓу нив се наоѓал еден Македонец, Србин и четворица Хрвати.

Полицијата од осомничените заплени 3,9 килограми хероин.

Злосторничкото здружение како што го нарекоа хрватските медиуми набавувало хероин од една земјите од Југоисточна Европа, па го
прошверцувале на територијата Хрватска а го продавале на наркопазарот во Истарската, Загрепската и Сплитско-далматинската жупанија.

Од продажбата на 3,9 килограми хероин, осомничените заработиле најмалку 80.000 евра кои меѓусебно ги поделиле.

Тројца од осомничените се уапсени на подрачјето на Загреб, а по еден на подрачјето на Истра и на Сплитско-далматинската област.
Врз основа на пријавата од истарската полиција, донесено е решение за спроведување истрага против осомничените и да бидат приведени во истражен затвор.

The post Хрватската полиција фати шверцери на дрога, меѓу нив и еден Македонец first appeared on Кепенци.

Германија ќе се снабдува со гас од Обединетите Арапски Емирати

Editor — Sun, 25 Sep 2022 18:29:14 +0000

Обединетите Арапски Емирати (ОАЕ) и Германија потпишаа договор за снабдување на Германија со течен гас и дизел за период од 2022 до 2023.

Локалните медиуми јавија дека во септември имало директна испорака на бензин за Берлин и додаваат дека во 2023 година Германија ќе добива околу 250.000 тони бензин месечно.

Договорот го потпиша германскиот канцелар Олаф Шолц и Министерот за индустрија на ОАЕ Султан Ал Џабер.

The post Германија ќе се снабдува со гас од Обединетите Арапски Емирати first appeared on Кепенци.

Германија бара алтернативи за снабдување со руска нафта?

Editor — Sat, 17 Sep 2022 11:57:53 +0000

Германската влада донесе одлука за времено шестмесечно преземање на управувањето со постројките на руската нафтена компанија Роснефт.

Чекорот ќе значи преземање на најголемата рафинерија за нафта во Европа, “Пе-Це-Ка”(PCK) во Швед, во близина на границата со Полска, во која над една третина од акциите има компанијата „Шел” но со одлучувачкиот пакет во следните шест месеци ќе управува германската агенција за дистрибуција.

До сега рафинеријата се снабдуваше со руска нафта преку нафтоводот Дружба, но сега со оглед на санкциите од ЕУ, властите ќе бараат алтернативни начини, како нафтата од Росток, преку пристаништата во источна Германија да стигне до рафинеријата во Швед.

И покрај тоа што чинот на времена германска „конфискација” на фирмите и постројките на Роснефт во Германија, на прв поглед изгледаат како „непријателски чин” се чини дека Германија во договор со руските партнери и власти, заеднички бара начин како да го спречи недостигот на гориво во земјата, без притоа да во повреди сојузништвото со западните партнери кои воведоа ригорозни санкции и блокади кон Русија.

The post Германија бара алтернативи за снабдување со руска нафта? first appeared on Кепенци.

Дејвид Бисли: Ако порано беше бран за глад денес е цунами

Editor — Fri, 16 Sep 2022 09:21:27 +0000

„Она што беше бран на глад сега е цунами од глад“

Извршниот директор на Светската програма за храна на Обединетите Нации го предупредува Советот за безбедност дека бројот на луѓето на кои им недостига храна е многу поголем после пандемијата од 2020.

Покрај пандемијата со Ковид 19 причините за зголемувањето на оваа криза Дејвид Бисли гледа и во растечките конфликти, економските последици од пандемијата, климатските промени, зголемените цени на горивото и војната во Украина, со што се зголемиле трошоците за храна, гориво и ѓубрива што доведоа 70 милиони луѓе поблиску до глад.

The post Дејвид Бисли: Ако порано беше бран за глад денес е цунами first appeared on Кепенци.

Гром удри во авион над Хрватскa

Editor — Thu, 15 Sep 2022 20:26:42 +0000

Авион на Кроација Eрлајнс кој летал од Дубровник за Загреб бил погоден од гром во четвртокот вечерта.

Патниците биле вознемирени, но од авиокомпанијата велат дека нема опасност за луѓето.

Некои од патниците велат дека виделе сина светлина, а потоа слушнале силен тресок.

И покрај ваквите изјави на патниците од авиокомпанијата тврдат дека не само што немало никаква опасност туку и дека немало никакви видливи траги од штети на авионот.

The post Гром удри во авион над Хрватскa first appeared on Кепенци.

Париз штеди струја – Ајфеловата кула ќе се гасне порано

Editor — Thu, 15 Sep 2022 07:29:12 +0000

Француските власти донесоа серија мерки за штедење на енергија, во подготовка за престојната зима кога Европа стравува од ризик од подолги рестрикции на струја и целосни затемнувања.

Градот Париз донесе повеќе мерки кои се однесуваат на потрошувачката во јавните претпријатија во надлежност на градот. Загревањето на просториите ќе е намалено за неколку степени, со исклучок на старските домови и градинките, регулирано е и загревањето на водата во базените, но највидлива и најочигледна ќе е промената на режимот на Ајфеловата Кула.

Ајфеловата кула ќе биде затемнета порано од вообичаено, а ќе се редуцира и времето за пристап на туристи.

The post Париз штеди струја – Ајфеловата кула ќе се гасне порано first appeared on Кепенци.