Кенгурите напаѓаат – Австралијанец настрада од кенгур кој го чувал како миленичe

Editor — Tue, 13 Sep 2022 08:13:13 +0000

77 годишен жител на Редмонд, 400 километри јужно од Перт е пронајден од негови роднини тешко повреден на имотот.

Агресивен кенгур ги спречувал медицинските лица да му се приближат и да му укажат помош на старецот, чии повреди се покажале како фатални.

Иако ова е прв смртен случај поврзан со напад од кенгур во Австралија од 1936 година наваму, властите забележуваат дека во последно време има сѐ почести и инциденти со напади од кенгури.

Кенгурите, исправени можат да достигнат височина и до 2 метра и тежина од 90 килограми, што во комбинација со острите заби и канџи и силните нозе чиј удар има сила да скрши дебела коска, стануваат опасни за дружење.

Стручњаците велат дека кенгурите на луѓето гледаат како на потенцијална опасност затоа што одат исправени на две нозе, положба во која кенгурите се напаѓаат и се борат меѓу себе.

Ова е трет поголем инцидент со кенгур во последните месеци – во јуни 63 годишна жена во Квинсленд заврши крваво изгребана и со скршена нога по блиска средба со агресивен кенгур, а тригодишно девојче од Нов Јужен Велс преживеа сериозни повреди на главата од напад на кенгур во март.

The post Кенгурите напаѓаат – Австралијанец настрада од кенгур кој го чувал како миленичe first appeared on Кепенци.

kenguri - Кепенци

Кенгурите напаѓаат – Австралијанец настрада од кенгур кој го чувал како миленичe