lgbt - Кепенци

ЕУ ја тужи Унгарија за непочитување на ЛГБТ правата

Editor — Fri, 15 Jul 2022 15:11:23 +0000

Европската комисија денес поднесе тужба пред Европскиот Суд на правдата, поради наводи дека Унгарија прекршила редица директиви на Европската Унија поврзани со ЛГБТ правата.

Всушност проблематичен е Законот кој поддржан од големо мнозинство и од јавноста во Унгарија стапи на сила точно пред една година, а кој како што велат властите во Будимпешта, нема никаква врска со ускратување на ЛГБТ или правата на било која друга заедница, туку со заштита на децата од пропаганди поврзани со сексуалната определба пред да станат полнолетни.

Тврдејќи дека со законот се бори против педофилијата, Унгарија веќе една година ги игнорира забелешките од Европската комисија, поради што комисијата се реши да повлече правен чекор.

The post ЕУ ја тужи Унгарија за непочитување на ЛГБТ правата first appeared on Кепенци.

Индија – Унифицирани правила за граѓански брак и родова еднаквост

Editor — Sun, 01 May 2022 10:47:26 +0000

Во Индија, во која живеат големи различни верски заедници од сите светски конфесии, во моментов се применува закон за брак кој првенствено ги почитува и ги применува различните правила на различните вероисповести.

На пример, кај муслиманите, еден маж може законски да има повеќе жени, што често доведува до сложени и долги судски процеси при бракоразводните парници.

Премиерот Нарендра Моди, кој самиот е Хиндус со националистички политички бекграунд, вели дека во сите религии, не само кај Муслиманите од кои се очекуваат најжестоки реакции, има проблематични „моменти“ во однос на бракот, кои би се решиле со унифицирање на еден закон за сите – закон, кој би се засновал на исклучиво граѓански концепт, ослободен од верските практики и обичаи.

Граѓанскиот закон би се однесувал не само на бракот, разводот и наследувањето, туку на широка лепеза прашања поврзани со правата на жените, родовата еднаквост и сексуалната определба. Се смета дека носењето на ваков закон огромната мултикултурна и мултиконфесионална Индија, ќе направи огромен револуционерен скок, од традиционално, речиси феудално уредување на бракот и семејството, кон модерно граѓанско општество насочено кон родова еднаквост и т.н. ЛГБТ права.

The post Индија – Унифицирани правила за граѓански брак и родова еднаквост first appeared on Кепенци.

Дизни загуби привилегии во Флорида поради ЛЏБТ ставовите

Editor — Thu, 21 Apr 2022 20:11:10 +0000

Сојузната американска држава Флорида ги укина даночните поволности кон компанијата Дизни поради либералните ставови на компанијата кон ЛЏБТ прашањата, со 70 наспроти 38 гласови во државниот Сенат.

Всушност „војната“ со републиканското мнозинство и гувернер на Флорида ја започна Дизни, со критиките на новиот закон со кој се забранува било каква дискусија за родови или сексуални определби пред деца помали од 9 години. На забраната, која особено важи за наставата во училиштата, реагираа либералните здруженија, демократите, но и неколку големи и влијателни компании меѓу кои и Дизни, како еден од најголемите работодавачи во Флорида.

Се смета дека гувернерот Рон ДеСантис сега возврати, преку барањето државата да ги преиспита даночните привилегии кои ги имаат неколку повластени компании. Дизни е една од нив, со најголема површина во која е сместен забавен парк, филмско студио, телевизија, кабелски и интернет оператор итн.

Според стар Закон од 1967 година, компаниите распространети на големи површини земјиште се овластени сами да си организираат притивпожарни и комунални служби, за возврат за што ќе бидат ослободени од давачкiте кон државата. Сенатот сега го укина законот, со што Дизни е една од компаниите која ги губи најголемите државни привилегии.

Засега, нема официјална реакција од Дизни, освен предупредувањата за време на процедурата, дека компанијата ќе има помалку можности да помага во државата и заедницата како досега.

The post Дизни загуби привилегии во Флорида поради ЛЏБТ ставовите first appeared on Кепенци.