maski - Кепенци

Одбојка под маски

Editor — Fri, 26 Aug 2022 13:20:06 +0000

Кинеската одбојкарска федерација им се извини на спортистите и јавноста, по жестоките реакции на социјалните мрежи, откако членките на кинеската одбојкарска женска репрезентација одиграа цел натпревар во Азискиот куп носејќи пропишани маски N95.

На кинеската социјална мрежа Веибо, преку ноќ веста за „маскираните” натпреварувачки достигна 16 милиони споделувања со негативни коментари. Главната поента на реакциите на јавноста беше дека властите свесно го ризикуваат здравјето на спортистите, само поради амбициозниот план за нулта-ковид-толеранција во Кина.

Со извинувањето следеше и објаснување дека инцидентот се случил од незнаење на управата на репрезентацијата, и дека власта не им наложила на спортистките да носат маски.

До сега ниту еден меѓународен натпревар, не се случило да се одигра со маски, освен хокарскиот натпревар меѓу Русија и Канада на почетокот на годинава, но по тестирањето на екипите маските навреме биле извадени и случајот не доживеа толку силни реакции во јавноста.

The post Одбојка под маски first appeared on Кепенци.

Маск го ослободи Твитер од Твитер

Editor — Mon, 25 Apr 2022 22:09:50 +0000

„Слободата на говорот е основа на функционалната демократија, а Твитер е дигитален кварт каде се води дебата за нештата од витално значење за иднината на човештвото. Сакам да го направам Твитер подобар од било кога до сега со воведување нови опции, со алгоритми кои ќе ја зголемат довербата, кои ќе ги победат спамерските ботови и ќе ги идентификуваат вистинските корисници“.

– Елон Маск

The post Маск го ослободи Твитер од Твитер first appeared on Кепенци.

САД – без маски во авионите

Editor — Tue, 19 Apr 2022 09:42:03 +0000

По пресудата на Сојузниот суд во Флорида, кој оцени дека задолжителното носење маски е незаконско, сите авионски компании по две години, соопштија дека маските за патниците, екипажот и персоналот на аеродромите, не се веќе обврзувачки туку „опционални“ според личната одлука и волја на патникот.

Некои авио компании, кои до вчера поддржуваа ригорозни правила, своите ретерирачки одлуки ги објаснуваат со долги образложенија за подобрен колективен имунитет и ублажени ковид статистики.

Одлуката на судот во Флорида се смета не само за правна, туку и политичка победа врз намерите на администрацијата на Џо Бајден, да продолжи да инсистира на задолжително носење маски во затворен простор, а особено во транспортот.

The post САД – без маски во авионите first appeared on Кепенци.