njam - Кепенци

Tестенини со свинско месо во сос од печурки

Editor — Wed, 21 Sep 2022 21:58:06 +0000

Состојки:

4 парчиња свински котлети

Состојки за тестенини:

200 гр брашно
2 јајца
1 литар минерална вода
сол

Состојки за сос од печурки:

250 гр печурки
1 чешне лук
1 гранче свежа мајчина душица
50 мл бело вино
100 мл шлаг (без шеќер)
маслиново масло
гранче свеж магдонос
сол, бибер

Подготовка:

Загрејте го маслото во тава. Зачинете ги котлетите со сол и бибер и пржете ги на тавата околу три до четири минути од секоја страна, додека не добијат убава кафена боја. Префрлете ги во чинија и покријте ги.

За сосот – добро измиете ги печурките и исечете ги на кришки. Загрејте ја тавата, додадете малку маслиново масло и додадете го сечканиот лук и мајчината душица. Кога ќе замирисаат, додадете ги печурките и продолжете со динстањето уште 10 минути додека не омекнат и не ја испуштат нивната течност. Месото вратете го во тавата и додадете вино. Динстајте додека да испари алкохолот и да се намали течноста. Зачинете со сол и бибер, па додадете го кремот и варете се додека сосот убаво не се соедини.
За тестенините, убаво изматете ги јајцата и измешајте ги со брашното. Мешајте со додавање вода додека тестото не почне да се лизга од лажицата. Оставете десет минути, а потоа турнете низ сито во врела вода.
Сосот посипете го со ситно сечканиот магдонос и послужете го со тестенините.

Добар апетит!

Едитор: Викторија Брдаровска

The post Tестенини со свинско месо во сос од печурки first appeared on Кепенци.

Маринада која го освежува и омекнува месото

Editor — Tue, 20 Sep 2022 19:02:04 +0000

Да се маринира месото или не, е прашање што многу аматери си го поставуваат во кујната. Добрата маринада може да го омекне и најтешкото парче месо, па гастро експертите препорачуваат дефинитивно да ставите поевтини парчиња месо во маринадата.

Состојки за маринадата:

соја сос 65 мл
вустершир сос 65 мл
65 мл маслиново масло
2 чешниња лук
2 лажици балсамико оцет
1 лажица сок од лимон
прстофат пипер
сол
црн пипер

Подготовка на маринадата:

Измешајте го свежо исцеден лимон со ситно сечканиот лук.
Во маринадата додадете соја сос, вустершир, маслиново масло, оцет, сол, црн пипер и кајен пипер.
Сè убаво измешајте и месото прелијте го со маринадата.
Оставете го месото да се маринира најмалку еден час, или преку ноќ.
Ако одлучите да маринирате неколку часа, задолжително ставете го месото во фрижидер.
Кога месото ќе биде подготвено за термичка обработка, испечете го на саканиот начин и послужете го топло.

Добар апетит!

Едитор: Викторија Брдаровска

The post Маринада која го освежува и омекнува месото first appeared on Кепенци.

Четири микронутриенти кои ќе ви ја вратат енергијата и силата

Editor — Mon, 19 Sep 2022 16:14:27 +0000

Правилната исхрана е неопходна за да се чувствувате и изгледате здраво, енергично и свежо. Правилната исхрана е основа на грижата за себе, но не е единствениот предуслов за здравје. Има и други фактори, како редовна физичка активност, редовни прегледи, квалитетен сон итн.

Витамин Ц

Кога станува збор за витамините за замор и исцрпеност, витаминот Ц е пред сите. Витаминот Ц најмногу може да се најде во: цитрус, портокал, лимон, мандарина, калинка, јагоди, бибер, магдонос, брокула, кељ и друго.

Витамини од групата Б

Витамините од групата Б се одговорни за енергетскиот метаболизам. Иако можеме да зборуваме за секој витамин од групата Б посебно, тие се меѓусебно зависни на тој начин што ако недостасува еден витамин од групата Б, тогаш обично недостасува и друг. Примери за ова се витамин Б12 и фолати.
Витамини од групата Б има во: брокула, риба, млечни производи, банана, јајца, месо и слично.

Железо

Следниот важен микронутриент, поточно минерал важен за енергија, е железото. Веќе е познато дека недостатокот на железо предизвикува анемија, но може да биде предизвикан и од недостаток на витаминот Б12. Истовремено, треба да се знае дека храната од животинско потекло содржи железо, кое има подобра апсорпција од нехемското железо од растителна храна.

Магнезиум

Магнезиумот е еден од најзастапените минерали во нашето тело. Најголем дел е во коските, а остатокот е во мускулите, телесните течности и ткивата. Сигурно барем еднаш во животот сте доживеале мускулен спазам. Причината може да биде недостаток на магнезиум, кој делува како мускулен релаксант.
Магнезиумот се наоѓа во: мешунки, ореви, семиња и темно зелен зеленчук.

Едитор: Викторија Брдаровска

The post Четири микронутриенти кои ќе ви ја вратат енергијата и силата first appeared on Кепенци.

Колач со суви смокви – без многу шеќер

Editor — Mon, 19 Sep 2022 07:12:33 +0000

Состојки за тесто:

250 гр пченично брашно
Компот од 175 мл (течност што ќе ја подготвитесами)
10 гр свеж квасец
0,75 мл масло
20 гр шеќер
Половина лажичка сол

Состојки за филот:

200 гр суви смокви
4 јаболка
1 портокал (кора)
100 гр сечкани бадеми.

Подготовка:

Јаболката излупете ги и исечете ги на дебели кришки, кората од портокал изрендајте ја, а смоквите исечете ги на третини.
Ставете се во тенџере и прелијте со 500 мл вода и варете додека водата не зоврие. Потоа намалете ја топлината и оставете да се крчка уште пет минути. Исклучете го и оставете го покриено околу 15 минути.
Издробете го квасецот и земете една лажичка од вкупната количина шеќер и посипете врз квасецот и додадете две супени лажици млака вода. Оставете го квасецот околу 10 минути.
Во меѓувреме во сад измешајте ги брашното и солта и исцедете го компотот и одвојте 175 мл течност од компотот. Доколку е потребно, процедете ја течноста низ сито за да не содржи трошки и кожа од плодовите.
Кога ќе отстои квасецот, додадете го во брашното. Потоа додадете го преостанатиот шеќер, маслото и течноста од компотот (треба да биде млак, но не топол, а доколку се излади слободно загрејте го малку).
Месете го тестото додека не се изедначи па формирајте топка и оставете ја покриена во сад да нарасне на топло место околу еден час.
Исцедените јаболка, смоквите и кората од портокал сомелете ги во блендер или миксер со стапчиња и додадете ги сечканите бадеми и сè убаво измешајте со тоа го добивте материјалот за полнење. Тестото треба да се расука во квадрат, рамномерно, а дебелината зависи од вашиот вкус.
Врз неа намачкајте го целиот фил рамномерно и внимателно завиткајте го (ролат) тестото со филот врз него.
Направете дупчиња со чепкалка по целата должина и печете во загреана рерна на 200 °C околу 30 минути.
Оставете да се излади и исечете на тенки парчиња.

Уживајте во неодоливиот вкус!

Едитор: Викторија Брдаровска

The post Колач со суви смокви – без многу шеќер first appeared on Кепенци.

Солен ,,кускус” – нешто несекојдневно, но вкуснo

Editor — Sat, 17 Sep 2022 12:50:22 +0000

Доколку ве интересираат рецепти за кускус со пилешко, овој е еден од омилените. Наместо класичен ориз, користете кускус.

Состојки:

4 парчиња пилешки батаци
1 лажичка лук во прав
половина лажичка пиперка
сол
бибер
1 сечкано чешне лук
1 шолја кускус
2 чаши пилешка супа или супа од зеленчук
1 гранче рузмарин
маслиново масло.

Подготовка:

Загрејте ја рерната на 205 °C. Сувите зачини (лук, сол и бибер) измешајте ги во сад и посипете ги врз пилешките батаци.
Во тавата загрејте го маслиновото масло и додадете ги пилешките батаци. Печете ги од секоја страна околу четири минути и извадете ги.
Во истото тавче додадете уште маслиново масло, па лукот и кускусот кој треба да добие златна боја.
Додадете ја пилешка супа или супата од зеленчук, па пилешко, по желба ставете лимон и рузмарин.
Се пече во рерна околу 15 минути.

Добар апетит!

Едитор: Викторија Брдаровска

The post Солен ,,кускус” – нешто несекојдневно, но вкуснo first appeared on Кепенци.

Тестенини со грав – легендарно италијанско јадење

Editor — Thu, 15 Sep 2022 20:10:28 +0000

Тестенини со грав или оргинално “е фаџоли” најчесто се подготвуваат од бел грав. Секако, ова јадење може да се направи и со конзервиран грав, а кога се во прашање тестенините, најчесто се користат мали макарони.

Состојки за паста со грав:

500 гр варен грав
300 гр суви тестенини
100 гр панцета
3-4 конзервирани домати
2-3 чешниња лук
1-2 литри супа од зеленчук по желба
малку маслиново масло гранче
свеж рузмарин
сол и бибер по желба
рендано сирење по желба

Подготовка на тестенините со грав:

Гравот натопете го вечерта пред да го готвите, исцедете ја водата и варете го следниот ден на вообичаен начин. Во гравот можете да додадете неколку чешниња лук и малку свеж магдонос за подобар вкус. Посолете го гравот само на крајот од готвењето. Гравот гответе го од еден до два часа. Во поголемо тенџере пропржете ја ситно сечканата панцета на малку маслиново масло додека не добиете убава кафена боја. Потоа додадете ги исчистените чешниња лук (на парче) и рузмаринот, и динстајте минута-две. Во тенџерето ставете ги доматите од конзервата, сè убаво измешајте и динстајте неколку минути. Во садот додадете го сварениот грав, сè добро измешајте и динстајте минута-две за да се соединат вкусовите. Потоа додадете ги сувите тестенини и постепено сипете го густинот во тенџерето. Течноста треба да биде околу 5 сантиметри над останатите состојки во тенџерето, бидејќи тестенините ќе впијат многу вода за време на готвењето.

Внимавајте на садот и мешајте го постојано, бидејќи тестенините може да се залепат на дното на тенџерето. Ако забележите дека се залепуваат на дното додадете повеќе вода или. На крај додадете сол и бибер по ваша желба.

Добар апетит!

Едитор: Викторија Брдаровска

The post Тестенини со грав – легендарно италијанско јадење first appeared on Кепенци.

Сок од грозје – ем здрав ем без шеќер

Editor — Thu, 15 Sep 2022 09:12:18 +0000

Сокот од грозје содржи фитонутриенти, кои делуваат како антиоксиданси и имаат позитивни ефекти врз телото.

Сокот исто така има различни витамини и минерали, како што се витамин Ц, витамин Б6, манган и друго. Има и лековити својства, а тие се: намалување на холестерол, придонесува за подобра работа на срцето, го намалува ризикот од згрутчување на крвта, помага при дигестивни проблеми, го зајакнува имунитетот и друго.

За засладување не треба да додавате шеќер кога го правите, само малку лимон за вкус, додека за подготовка ви треба само грозје, а како опрема блендер.

Се препорачува да изберете црно или слатко грозје за сокот за да има подобар вкус. Сокот од грозје се подготвува без готвење.

Подготовка:

Одберете ги бобинките од грозје (околу 350 g) и ставете ги во вода да киснат пет минути.
Потоа ставете ги во блендер со 100 мл вода и матете додека не добиете мазна течност. Ако немате блендер, грозјето може да го испасирате со машина за пасирање компири или со раце.
После тоа, процедете го сокот низ сито за да се ослободите од тврдите семиња и кожата што не се измешала.
Додадете неколку капки лимон за засладување.

Уживајте во вашиот здрав сок од грозје

Едитор: Викторија Брдаровска

The post Сок од грозје – ем здрав ем без шеќер first appeared on Кепенци.

Пита со круши и јаболка – прсти да излижетe

Editor — Wed, 14 Sep 2022 10:08:29 +0000

Состојки за кора:

1 чаша брашно
1 лажичка шеќер
1 лажичка сол
1 чаша ладен путер (исечен на коцки)
3/4 шолја ладна вода.

Состојки за полнење:

3 круши (излупени и исечени)
3 јаболка (излупени и исечени)
1 чаша шеќер
1 лажичка сок од лимон
1 лажичка цимет 3 супени лажици путер
1 јајце (изматено)
1/4 лажичка цимет.

Подготовка:

Прво направете го тестото со мешање брашно, шеќер и сол во сад. Потоа додадете ги коцките путер. Соединете ја смесата и додадете вода. Мешајте го тестото додека сè не се соедини, а потоа поделете го на два дела и завиткајте го во пластична фолија. Оставете го тестото во фрижидер да отстои еден час. Загрејте ја рерната на 350°C. Откако ќе се излади, развлечете го тестото на набрашнета површина. На дното на садот ставете една кора и исечете ги рабовите.

Потоа подгответе го филот мешајќи ги јаболката, крушите, шеќерот, циметот и сокот од лимон. На долната кора премачкајте го филот, па врз филот додајте го вториот слој за да ја споите горната и долната кора по рабовите. Намачкајте ја кората со изматено јајце, па посипете со шеќер и цимет. Покријте ја питата со фолија и печете околу 30 минути. Отстранете ја фолијата по 30 минути и печете уште 30 минути додека кората не добие боја.

Вашата пита со круши и јаболка е подготвена!

Едитор: Викторија Брдаровска

The post Пита со круши и јаболка – прсти да излижетe first appeared on Кепенци.

Вегански рецепт – едноставен и хранлив

Editor — Tue, 13 Sep 2022 09:01:31 +0000

Рецептот е едноставен, супата е хранлива, а со малку труд можете да направите вистински мал деликатес од многу обична супа од брокула.

Состојки:

1-2 главици брокула
2 супени лажици маслиново масло
1 кромид (ситно сецкан)
2 чешниња лук (исечкани)
1.200 гр супа од зеленчук
150 гр замрзнат или млад грашок (не конзервиран)
сол и црн пипер
По желба: Листови нане.

Подготовка:

Брокулата исчистете ја и исечкајте ја. Стебленцата ситно исечкајте ги, а главите од брокулата покрупно.
Загрејте го маслото и додадете го ситно исечканиот кромид. Динстајте неколку минути, па додадете го ситно сечканиот лук.
Најпрво додадете ги ситно исечканите стебленца од брокула и покријте со половина од густинот.
Кога ќе зоврие, додадете го грашокот, главите од брокула и остатокот од густинот.
Гответе додека зеленчукот не омекне. Не преварувајте, бојата е добар показател. Брокулата треба да остане зелена и да не стане кафена.
Тргнете го од оган, по желба тргнете неколку главици брокула од страна, а остатокот од супата измелете го со миксер или во блендер до саканата текстура.
Послужете ја супата топла или ладна, а супер вкусна идеја е да ја маринирате салатата од краставица во лимета и/или сок од лимон и да ја додадете на површината на супата заедно со и листови од нане.

Имајте пријатен апетит!

Едитор: Викторија Брдаровска

The post Вегански рецепт – едноставен и хранлив first appeared on Кепенци.

Вкусни полнети „цевчиња” со мелено месо

Editor — Tue, 06 Sep 2022 09:14:06 +0000

Канелоните се специјалитет што се готват за кратко време и имаат толку убав мирис што нема да можете да чекате да се оладат.

Состојки:

150 гр канелони
450 гр мелено месо
2 главици кромид
400 гр сос од домати
150 гр моцарела
Сол и бибер

Подготовка:

Исечкајте го кромидот и пржете, а потоа додадете го меленото месо и пропржете го десет минути. Додадете го доматниот сос и динстајте. Додадете сол и бибер по вкус.

Загрејте ја рерната на 180 °C. Смесата од месо ставете ја во пластична кеса и отсечете го горниот дел и наполнете ги канелоните.

На дното на садот за печење ставете го сосот од домати, а одозгора канелоните. Прелијте го остатокот од сосот и одозгора ставете ја моцарелата. Печете ги канелоните околу 35 минути.

На здравје

Едитор: Викторија Брдаровска

The post Вкусни полнети „цевчиња” со мелено месо first appeared on Кепенци.