putin - Кепенци

Моди кон Путин – Сега не е време за војна

Editor — Sat, 17 Sep 2022 10:25:37 +0000

„Ви кажав и телефонски – сега не е време за војна”

– премиерот на Индија, Нерендра Моди кон рускиот претседател Владимир Путин на самитот на Организацијата за шангајска соработка во Самаркан.

„Познати ми се вашите ставови. Ќе направиме сѐ, ова да заврши што е можно поскоро“

– му одговори Путин

The post Моди кон Путин – Сега не е време за војна first appeared on Кепенци.

Шолц: Путин не го менува ставот за војната во Украинa

Editor — Wed, 14 Sep 2022 20:59:18 +0000

„За жал, не можам да кажам дека сфатил дека беше грешка да се започне ова војна“
„Цврсто сум убеден дека Русија би требало да ја повлече својата војска за да се создадат услови за мир во регионот. И секој ден помислувам дека тоа е единствениот начин“

Олаф Шолц германски канцелар – изјава по долгиот телефонски разговор со Путин

The post Шолц: Путин не го менува ставот за војната во Украинa first appeared on Кепенци.

Утре средба лице в лице на Путин и Џипинг – најави и очекувања

Editor — Wed, 14 Sep 2022 10:32:27 +0000

На маргините на регионалниот азиски форум на Организацијата за шангајска соработка и т.н. Пат на свилата, во узбекистанскиот град Самарканд конечно ќе се случи очекуваната средба во живо меѓу рускиот и американскиот претседател, Владимир Путин и Си Џипинг.

Двајцата лидери подолго време комуницираа само телефонски или преку видео врска, а ова ќе е првпат кинескиот претседател Џипинг физички да ја напушти земјата од почетокот на ковид пандемијата.

Со оглед на тоа што форумот во Самарканд е од економска природа, сосема очекувани се најавите главна тема на разговор да биде меѓусебната трговска размена, со посебен акцент на енергенсите. Русија последните години неколкукратно го зголеми извозот на нафта во Кина, а сега се разгледуваат можности и за поголем извоз на природен гас, како алтернатива за пренасочување на гасот претходно наменет за гасоводите кон Европа.

Аналитичарите очекуваат високо на геополитичкиот дел од агендата да се најдат Украина и Тајван, за кои Русија се труди да стави знак на еднаквост, во обид да добие подиректна кинеска поддршка во врска со украинската инвазија.

Кина, досега се труди да се однесува балансирано во врска со Украина, одбивајќи да се приклучи на меѓународните санкции кон Русија, но во исто време со реторика со која го разбира, но не и директно поддржува руското воено интервенирање во Украина и со повторување на јасниот став дека преговори, а не војна се решението за руско-украинскиот проблем.

Од кинеска страна се вели дека партнерството со Русија се одвива добро и дека тие се широко отворени за секакво продлабочување на соработката меѓу двете земји.

The post Утре средба лице в лице на Путин и Џипинг – најави и очекувања first appeared on Кепенци.

Сибир во пламен, Путин менува фокус ?

Editor — Tue, 10 May 2022 20:22:05 +0000

Не смееме да дозволиме да ни се повторат минатогодишните пожари – им порача на безбедносните служби Рускиот претседател Владимир Путин, по извештаите дека во новата огнена стихија на Сибир загинаа најмалку 8 лица, откако стотици куќи во десетици сибирски села завршија во пламен.

Министерот за вонредни состојби Александер Чупрјан му реферираше на претседателот дека од почетокот на годината на руска територија имало дури 4000 пожари на 270.000 хектари шума.

Пожарите во Русија минатата година зафатија вкупна површина со големина на Луксембург и предизвикаа сериозна закана за безбедноста на луѓето, животната средина, но и економијата.

Средбата на Путин со безбедносниот врв на тема – пожари беше директно пренесена на националната телевизија, што се проценува како обид за менување тема и фокус на други прашања од домашната безбедност, различни од вестите за Украина, Украина и само Украина, како што беше досега.

The post Сибир во пламен, Путин менува фокус ? first appeared on Кепенци.

Путин и Макрон разговарале по телефон

Editor — Tue, 03 May 2022 19:41:03 +0000

Во телефонскиот разговор со својот француски колега Емануел Макрон, рускиот претседател Владимир Путин рекол дека Москва е сѐ уште подготвена за дијалог со Украина.

Путин побарал од Макрон да му пренесе на Западот да изврши притисок врз властите во Киев, да престанат со разурнувањата и, како што рекол со „воените злосторства и интензивните неселективни гранатирања врз цели градови и населби во Донбас.

Ваквата вест за телефонскиот разговор Макрон-Путин ја пренесоа руските агенции, но за неа нема балансирана потврда од француска страна.

Русија ги отфрла обвинувањата дека вршела воени злосторства во Украина, и возвраќа со обвинувања дека Украинските, како што ги нарекува – „националистички и неонацистички сили“ се одговорни за страдања на цивили, тврдења кои пак, Западот изрично ги отфрла.

Путин ја користи секоја прилика и секој контакт со Западот да повика на запирање на меѓународната испорака на оружје за украинската војска, промовирајки ја тезата дека – доколку Украина снема оружје и воени ресурси, војната многу брзо ќе заврши

The post Путин и Макрон разговарале по телефон first appeared on Кепенци.

Шолц – „насилниот мир“ на Путин нема да функционира

Editor — Thu, 28 Apr 2022 11:15:14 +0000

Германскиот канцелар Олаф Шолц за време на посетата на Јапонија го критикуваше рускиот претседател Владимир Путин дека се обидува во Украина да постигне „насилен мир“ и дека тоа е идеја која нема да функционира.

Војната во Украина, Шолц ја искористи како аргумент во образложението – зошто Германија треба да биде стабилна воена сила, која ќе вложува во својата одбрана.

Тој рече дека во целиот актуелен процес на „деглобализација“ Германија мора поблиску да соработува со земји со кои дели исти или слични вредности, посочувајќи ги Јапонија и Индија како пример.

The post Шолц – „насилниот мир“ на Путин нема да функционира first appeared on Кепенци.