ukraina - Кепенци

Русија ќе го одблокира извозот на украинско жито

Editor — Fri, 22 Jul 2022 09:13:32 +0000

Украина и Русија со посредство на Турција, и под патронство на ООН ќе потпишат договор за обезбедување непречен излез на жито од Украина преку Црното Море.

Потпишувањето на договорот, на кој му претходеше средба Путин-Ердоган во Иран, го најави и украинскиот претседател Зеленски.

Се очекува на чинот на потпишување во Истанбул да присуствува и генералниот секретар на ООН Антонио Гутереш.

Договорот е дел од меѓународните напори да се спречи светски недостиг од житарици и брашно, што во некои земји од Африка и Азија може да доведе и до криза со глад

The post Русија ќе го одблокира извозот на украинско жито first appeared on Кепенци.

Кадиров – Украина е решено прашање, следна е Полска

Editor — Wed, 20 Jul 2022 10:56:23 +0000

“Плановите се големи. Развиваме план за демилитаризација на земјите од НАТО и прва на ред е Полска. Украина е веќе решено прашање. И ако добиеме нарeдба за шест секунди ќе видите за што сме способни.”

Рамзан Кадиров – Чеченски лидер

The post Кадиров – Украина е решено прашање, следна е Полска first appeared on Кепенци.

„Чеченците во Украина се задолжени за селфи пропаганда?”

Editor — Sun, 08 May 2022 08:25:37 +0000

Чеченскиот лидер Рамзан Кадиров тврди дека неговите борци го зазеле украинскиот град Попасна, но украинската страна демантира и возвраќа дека Чеченците воопшто вистински не се ни борат во Украина.

Откако Кадиров на Твитер објави дека Чеченците го контролираат центарот и главните улици на градот Попасна, следеше снимено видео од советникот на украинскиот претседател Зеленски, Олексиј Арестович, кој иронично вели дека Чеченците само оваа недела 117 пати тврделе дека го зазеле градот, како дел од нивната пропаганда.

Видео на Телеграм објави и гувернерот на регионот, кој тврди дека ситуацијата во Попасна е тешка, но е сѐ уште под контрола на украинските борци.

Украинската страна вели дека чеченскиот лидер Кадиров, кој инаку себе си се нарекува воена „десна рака на руските сили“ и „ударна тупаница на Путин“, воопшто и не е задолжен за војување туку за пропаганда, затоа што чеченските борци во Украина вистински и не војувале, туку само ја следеле руската војска, за по неа да ограбуваат и да сликаат и снимаат селфи и видеа во пропагандни цели.

The post „Чеченците во Украина се задолжени за селфи пропаганда?” first appeared on Кепенци.

Дипломатски напори за Азовстал

Editor — Sat, 07 May 2022 09:12:56 +0000

И украинската и руската страна, со различна реторика, потврдуваат дека во тек се интензивни дипломатски напори за безбедно извлекување на цивилите и украинските борци кои се забарикадирани во фабриката Азовстал во пристаништето во Мариупол.

Потврдено е дека во индиректните преговори помагаат влијателни пријателски земји кои се залагаат за исход со што помалку последици.

Дека дипломатските напори имаат резултат, потврдува и етапното извлекување на цивили од Азовстал, кои според податоците објавени минатата недела се околу 200. До вчера успешно биле евакуирани 50 од нив, а до понеделник се очекува безбедно извлекување на уште најмалку 50.

И руската страна потврдува дека се залага за безбедно заминување на цивилите, но се чини поголем проблем се украинските борци. Русија ги повикува да го положат оружјето и да се предадат, а тие изјавуваат дека се заколнале дека ќе се борат до последен здив. Аналитичарите велат дека блокадата во Азовстал има симболично значење за двете страни, особено во пропагандната војна за тоа кој победува во борбите. Претседателот Путин уште на 21 април објави победа во Мариупол, но забарикадираните украински борци во Азов го демантираа тоа со продолженото пружање отпор кое сѐ уште трае.

Се стравува дека Русија ќе инсистира до 9 Мај, кога го прославува Денот на победата врз фашизмот, по секоја цена да ја освои фабриката Азовстал, можеби и со употреба на поинтензивни напади и поразорно оружје.

Затоа е и брзањето на неименуваните меѓународни дипломати и лидери кои посредуваат, до 9 мај да постигнат договор и да извлечат што е можно повеќе цивили, па и борци од Азовстал.

Се претпоставува дека освојувањето на Азовстал руската војска сака да го прикаже како подарок за претседателот Путин, по повод Денот на победата 9 Мај, но и како општ успех на она што го нарекува „специјална операција за денацификација на Украина”.

Дипломатските напори сега се фокусирани на компромисот – како на Русија да ѝ се обезбеди задоволување на перцепцијата на победа на 9 Мај, а тоа да помине со што помалку жртви и последици врз заглавените цивили и украински борци кои одбиваат да се предадат.

The post Дипломатски напори за Азовстал first appeared on Кепенци.

Русија нема да користи нуклеарно оружје во Украина

Editor — Fri, 06 May 2022 18:39:45 +0000

Портпаролот на руското министерство за надворешни работи Алексеј Зајцев рече дека употребата на нуклеарно оружје воопшто не соодветствува со природата на она што Москва го нарекува „специјална воена операција“.

Опцијата за употреба на атомско оружје во Украина првпат ја спомена директорот на американската разузнавачка агенција, ЦИА, Вилијам Барнс кој уште на 14 април рече дека по неочекуваните штети што руската страна ги претрпи во Украина, не треба да се исклучи и потцени можноста Москва да прибегне кон употреба на тактичко нуклеарно оружје .

The post Русија нема да користи нуклеарно оружје во Украина first appeared on Кепенци.

Израел посредува во Украина ?

Editor — Thu, 05 May 2022 20:22:03 +0000

Официјален Кремљ соопшти дека рускиот претседател Владимир Путин имал долг телефонски разговор со израелскиот премиер Нафтали Бенет, во кој ја повторил подготвеноста руските сили да обезбедат коридор за безбедно повлекување на цивилите од железарницата во Азовстал во пристаништето на Мариупол. Руската страна соопшти дека Путин и Бенет „размениле мислење околу состојбите во Украина“ и го повтори барањето украинските борци забарикадирани во фабриката да го положат оружјето и да се предадат.

Во долгото соопштение на Кремљ, исто така се споменува 9 Мај, како „годишнина кога и Русија и Израел ја прославуваат заедничката победа врз нацистите во Втората Светска Војна“. И двајцата „го нагласиле посебното значење на тој датум за народите на двете земји, кои грижливо ја чуваат историската вистина за настаните од тоа време и го почитуваат споменот на сите загинати, вклучително и на жртвите на Холокаустот“ – соопшти Кремљ.

Во последно време, од различни извори и фактори, 9 Мај многу често се споменува како важен датум во секаков можен контекст : од датум кога војната во Украина може да заврши, до датум кога конфликтот може да се интернационализира во Трета Светска Војна.

The post Израел посредува во Украина ? first appeared on Кепенци.

Русија мора да заврши со агресијата

Editor — Tue, 03 May 2022 20:10:49 +0000

„Ја повикав Русија да ја исполни одговорноста на една постојана членка на Советот за безбедност на ООН, и да стави крај на оваа деструктивна агресија“

– Емануел Макрон
францускиот претседател по разговорот со рускиот колега Владимир Путин

The post Русија мора да заврши со агресијата first appeared on Кепенци.

Путин и Макрон разговарале по телефон

Editor — Tue, 03 May 2022 19:41:03 +0000

Во телефонскиот разговор со својот француски колега Емануел Макрон, рускиот претседател Владимир Путин рекол дека Москва е сѐ уште подготвена за дијалог со Украина.

Путин побарал од Макрон да му пренесе на Западот да изврши притисок врз властите во Киев, да престанат со разурнувањата и, како што рекол со „воените злосторства и интензивните неселективни гранатирања врз цели градови и населби во Донбас.

Ваквата вест за телефонскиот разговор Макрон-Путин ја пренесоа руските агенции, но за неа нема балансирана потврда од француска страна.

Русија ги отфрла обвинувањата дека вршела воени злосторства во Украина, и возвраќа со обвинувања дека Украинските, како што ги нарекува – „националистички и неонацистички сили“ се одговорни за страдања на цивили, тврдења кои пак, Западот изрично ги отфрла.

Путин ја користи секоја прилика и секој контакт со Западот да повика на запирање на меѓународната испорака на оружје за украинската војска, промовирајки ја тезата дека – доколку Украина снема оружје и воени ресурси, војната многу брзо ќе заврши

The post Путин и Макрон разговарале по телефон first appeared on Кепенци.

УНХЦР – има најмалку 5 и пол милиони украински бегалци

Editor — Mon, 02 May 2022 15:52:02 +0000

„Од почетокот на војната на 24 февруари,Украина ја напуштија над 5,5 милиони луѓе“

– УНХЦР
Висок Комесаријат за бегалци на Обединетите нации врз основа на официјални податоци од гранични премини и контролни точки на коридорите

The post УНХЦР – има најмалку 5 и пол милиони украински бегалци first appeared on Кепенци.

Украинско жито заглавено во Црното Море

Editor — Mon, 02 May 2022 09:03:18 +0000

„Русија не дозволува бродовите ни да излегуваат ни да влегуваат, целосно го контролира Црното Море“

– Володимир Зеленски
претседател на Украина

за стотиците тони украинска пченица заглавена во пристаништата, што може предизвика сериозен недостиг од храна во Европа, Азија и Африка

The post Украинско жито заглавено во Црното Море first appeared on Кепенци.