zlaten - Кепенци

Две чупиња ја размрдаа Битола со кампања за борба против канцерот (ГАЛЕРИЈА)

Editor — Sat, 01 Oct 2022 22:17:14 +0000

СИТЕ ЗАЕДНО ПРОТИВ КАНЦЕРОТ – е мотото под кое две млади девојки од Битола им даваат пример на повозрасните, дека доколку се има искрена намера и силна желба да се помогне, секој од нас како поединец, независно од стручноста и позицијата може лично да придонесе за решавањето на некој проблем.

Во случајот на Тамара и Викторија, проблемот е, ни помалку ни повеќе, злото кое одзема сѐ повеќе животи во денешницата и многумина го сметаат за преголем и нерешлив – КАНЦЕРОТ.

Разликата меѓу канцер, карцином, тумор и рак во едукативната компонента на кампањата за Здружението Виктори, на трибината на отворено на плоштадот Магнолија се обидоа да ја објаснат здравствени работници од Битола (психолозите Ана-Марија Петровска и Ирена Николовска-Ристановска и гинекологот Михајло Вангелов) кои за разлика од онколозите, кои овојпат неоправдано отсуствуваа, сепак ја препознаа важноста на темата, а посебно не го потценија, туку достојно го испочитуваа моментот што толку млади девојки (на 18/19 години) се интересираат и активно се вложуваат во вакви сериозни кампањи.

Меѓу присутните, освен љубопитните Битолчани и случајни минувачи на плоштадот во опуштеното есенско саботно пладне, идејата на младите, ја поздрави и поддржа и Општина Битола, а својата поддршка и со лично присуство ја покажа градоначалникот Тони Коњановски кој искажа одушевеност што во денешното модерно, брзо и динамично време им млади кои го потсетуваат и поттикнуваат општеството да застане и да се сети на вистинските вредности како што е хуманоста.

На иницијатива на Тамара Илиевска и Викторија Брдаровска, денес на Плоштадот Магнолија, беше организиран хуманитарен настан, насловен „Сите заедно во борба против канцерот“. Во изминатиот период, тие организираа хуманитарна акција за собирање на коса, која ќе биде наменета за лица болни од рак. Најмалата учесничка во акцијата беше 4 годишно девојче, а на денешниот настан, интерес за учество покажаа повеќе приватни компании, но и поединци од цела Македонија, кои дадоа поддршка на иницијативата, со цел да им се помогне на лицата, на кои тоа им е потребно.

Во базарот учествуваа околу 30 ракотворци од Битола, гости од Прилеп, Охрид и Скопје. Во музичкиот дел настапија ДЈ Љубиша и групата Аманет.

Собраните средства од денешниот базар ќе бидат наменети за лица заболени од канцер кои во моментот се лекуваат на онколошкото одделение во Скопје. Изминатиот период беше донирана и коса, која организаторите на настанот ја праќаат во Кавадарци кај Сашка Кузманова која е прва во Македонија што изработува перики од природна коса.

Денешниот настан, се организира по повод почетокот на месец октомври, кој е месец посветен на подигнување на свеста за борба против ракот.

СИТЕ ЗАЕДНО е навидум обичен, едноставен и вообичаен слоган, но во време на сѐ поизразена индивидуалност и поделби меѓу луѓето по секаква основа – спојувањето на зборовите СИТЕ и ЗАЕДНО, и тоа не само на хартија туку и суштински, во пракса е навистина голема амбиција и уште поголем успех на идејата на две довчерашни ученички на Средното медицинско во Битола.

The post Две чупиња ја размрдаа Битола со кампања за борба против канцерот (ГАЛЕРИЈА) first appeared on Кепенци.

Марко Пејчиновски – Без Бог нема подвиг

Editor — Fri, 26 Aug 2022 12:35:18 +0000

ГОСПОДЕ, како и пред три години и денес велам :
“Нека биде ВОЛЈАТА твоја!”

Спремен за ГОЛЕМИОТ подвиг – за освојување на езерото и 64 км

The post Марко Пејчиновски – Без Бог нема подвиг first appeared on Кепенци.

Коњаниците влегоа во Крушево

Editor — Sun, 31 Jul 2022 17:17:52 +0000

Битолската коњаница која веќе шести ден патува низ планински патеки вечерва влезе во славното илинденско Крушево, заедно со коњаниците од неколку градови од западна Македонија.

Утре тие, облечени во автентична комитска облека ќе учествуваат во официјалното коњичко дефиле, а на 2 Август како дел од официјалната церемонија ќе се поклонат и ќе положат цвеќе на Мечкин Камен.

Битолската коњаница утрово во селото Цер се поклони на гробот на Христо Узунов, а вчера во селото Велмевци му оддаде почит на познатиот илинденски војвода Јордан Пиперката.

Претходно, тие престојуваа и во славното Смилево, каде се поклонија на апостолот на македонската револуционерна борба Дамјан Груев.

Патувањето од Битола до Крушево на овие 12 момци и 2 девојки траеше 6 дена во должина од 174 километри.

The post Коњаниците влегоа во Крушево first appeared on Кепенци.

Марко го заврши седмото препливување за 2022 година

Editor — Sun, 31 Jul 2022 12:29:50 +0000

На релација Радожда – Трпејца – Градиште со должина од 24 километри Марко го заврши своето седмo препливување за оваа година за 6 часа 52 минути.

Претходно Марко ги има препливано:

Струга – Градиште 22 километри за 6 часа и 53 минути,
Струга – Пештани 21 километар за 7 часа 5 минути,
Струга – Свети Наум 30 километри за 9 часа и 26 минути,
Радожда – Трпејца 20 километри за 6 часа и 4 минути,
Радожда – Градиште 18 километри за 6 часа и 40 минути,
Радожда – Охрид 14 километри за 5 часа и 25 минути.

Марко е пливачки маратонец на отворени води кој плива за да инспирира и да докаже дека се е возможно.

The post Марко го заврши седмото препливување за 2022 година first appeared on Кепенци.

Битолска Коњаница – Галоп по врвиците на Илинденците (ВИДЕО)

Editor — Mon, 25 Jul 2022 21:20:19 +0000

Од Арангел до Илинден, од Битола до Крушево, 8 дена низ шумски патеки, низ 20тина села, 12 момци и 2 девојки, со 14 коњи ја обновуваат традицијата на Илинденците.

Рубриката „Златен Клуб” на Кепенци, овојпат е посветена на ентузијазмот на младите од Здружението за рурален развој и организирање на Битолска Коњаница „Галоп” од Битола, како скромна поддршка на нивниот благороден подвиг.

The post Битолска Коњаница – Галоп по врвиците на Илинденците (ВИДЕО) first appeared on Кепенци.

Битолска коњаница – од ентузијазам кон традиција

Editor — Tue, 19 Jul 2022 01:11:43 +0000

Кога си млад, кога имаш голема желба и кога искрено сакаш, и згора на сѐ кога имаш благослов – ништо не е тешко.

Тоа на дело го докажуваат членовите на Битолската коњаница кои поттикнати од примерот на Илинденците и водени од големата љубов кон Македонија, се нафатија на подвиг кој од младешки ентузијазам има сериозен потенцијал да прерасне во традиција.

Речиси 200 километри за 8 дена, по тешки планински патеки и превои, исто како комитите некогаш 12 момци и 2 девојки на 14 коњи ќе поминат јавајќи од Битола кон Крушево. Патувањето кое ќе започне на 26 јули од пред Офицерскиот дом во Битола ќе заврши на 2 август, со дефиле и положување цвеќе на Мечкин Камен.

Амбициозната рута опфаќа дваесетина села, посета на 6 цркви и манастири од каде ќе се земе благослов, чествување на стотици паднати Илинденци и многу дружење низ радост и песни.

Битола, Довлеџик, Трново, Цапари, Маловишта, Ѓавато, Гопеш, Смилево, Големо Илино, Велмевци, Цер, Долно Дивјаци, Арулево, Пуста Река, и на крај езерото, Гумење и Мечкин Камен во Крушево се дел од местата низ кои минува комитската рута.

Некаде ручек, некаде одмор и почивка, секаде благослов, а некаде и учество во свети Божествени Литургии во Свети Архангел Гаврил во Довлеџик, Света Петка во Цапари, Света Ана во Маловишта, Пресвета Богородица во Ѓавато, Свети Апостоли Петар и Павле во Смилево, Свети Илија во Големо Илино и секако чествување на могилата на 96 Илинденци од Цапари, Александар Кошка во Гопеш, Јордан Пиперката во Велмевци, Христо Узунов во Цер, Дамјан Груев во Смилево, Питу Гули со четата и стотици други илинденци во Крушево.

Облечени во автентична носија од Илинденско време, специјално изработена за оваа Битолска коњичка чета, новите млади Илинденци на почетокот на патувањето ќе положат и заклетва, врз револвер и кама над Библија, со желба да го доловат целосниот автентичен впечаток на времето на Илинденското востание.

Од Битолската коњаница велат дека ова е само почеток, најавуваат дека настанот ќе прерасне во традиција, со уште повеќе учесници во следните години. На прес конференцијата за најава на настанот во арт-кафе-клубот Везилка, присуствуваа и претставници на подмладокот на Обединетата македонска дијаспора. Освен што го поддржаа настанот, овие одамна семејно натурализирани македонски Америкаци, пројавија и голем интерес да се запознаат со традициите и обичаите на своите некогашни предци од Македонија.

The post Битолска коњаница – од ентузијазам кон традиција first appeared on Кепенци.

Битолските деца во светскиот кугларски врв

Editor — Mon, 16 May 2022 17:19:56 +0000

Со исклучителна игра претставникот на Македонската кугларска федерација Архан Арслановски успеа да се пласира во финалето на Светскиот куп во Естонија кое го заврши на осмото место.

Македонската репрезентативка Стефанија Алексовска која исто како и Арслановски доаѓа од кугларскиот клуб Пелистер од Битола, во женска конкуренција натпреварувањето го заврши на 12 позиција.

Патувањето на македонските репрезентативци во Естонија беше до крај неизвесно и под отежнати околности, поради блокираната сметка на кугларската федерација на Македонија.

Но благодарение на тренерот Игор Михајловски и поддршката од приватниот сектор Македонија и Битола годинава за среќа испратија достојни претставници какви што се Архан и Стафанија кои се сметаат за таленти кои во моментот се најголем потенцијал во Македонија чие време во кугларството допрва доаѓа.

The post Битолските деца во светскиот кугларски врв first appeared on Кепенци.

Европско злато во Велнес-Фитнес за жени

Editor — Fri, 06 May 2022 23:14:04 +0000

Мери Акиевска уште еднаш покажа и докажа дека е светска класа на натпреварувач. И покрај 24 часовните патешествија и неизвесност, успеа директно од авион на сцена да ја освои Европската титула
– велат од Бодибилдинг и фитнес федерацијата на Македонија.

Честитки!!!

Ух, какви 24 часа!!! Се е школо, па и ова. А, секое школо се плаќа. Нас не чини неколку златни медаљи! Скапо го плативме ова школо, овојпат! Пристигнување 15 минути пред да се качат девојките од мојата категорија на сцена. Имавме време само да нанесеме боја и облечеме бикини! Шминка и накит стававме во одење, а пумпањето беше додека се качував по скали. Сепак, покажавме дека сме квалитет од Светска категорија! Европска титула во категорија Велнес Фитнес до 163 цм. Нема застанување. Одиме понатаму!
Благодарност за подршката од страна на мојата матична теретана МАГНУС , мојот тренер Бобан Ѓороски кој не постои ниту цена ниту зборови со кои можам да се заблагодарам , посебно во овие изминати два дена што ќе останат во сеќавање поминати со стресови и солзи за да успеам да стигнам на европското првенство и навреме да застанам на сцена , успеав да стигнам само за во сениорска категорија и тоа некои 15 минути пред излегување на сцена за тоа време немав ниту полнење со храна ниту доволно време да направам пумпање но сепак со божја воља успеав да ги победам конкурентките во сениорска и да бидам прво пласирана
Ова е преголем успех за мене најпрво што здрава , жива стасав во Шпанија тоа е најголема победа и се победив самата себе и против себе,

напиша на ФБ статус Мери Акиевска.

Браво девојко

ЧЕСТИТКИ!!!

The post Европско злато во Велнес-Фитнес за жени first appeared on Кепенци.

Момче меѓу светските велемајстори

Editor — Wed, 20 Apr 2022 09:04:10 +0000

Рамешбаба Прагнананда е 16 годишно момче од Индија кое успеа да го победи светскиот шаховски првак Магнус Карлсен и да ја освои наградата на турнирот од 1 и пол милион долари.

Младиот Рамеш се стекнал со титулата шаховски мајстор уште на 10 годишна возраст и во изминатите 5 години успешно ги освојува светските шаховски турнири.

Магнус Карлсен вели дека не е воопшто изненаден што изгубил од дете,затоа што момчето го потсетува на него, кога на сличен начин, како 13 годишник успеа да го совлада Анатоли Карпов.

The post Момче меѓу светските велемајстори first appeared on Кепенци.