види - Кепенци

Сеќавање на „дивиот” експресионизам на Стојан Апчевски

Editor — Thu, 26 Jan 2023 23:15:20 +0000

“Стојан Апчевски, со својата сериозна внатрешна борба го постави специфичниот македонски експресионизам, пред Петар Мазев и Глигор Чемерски – можеби малку претенциозно звучи, но неговиот див, „неконтролиран “ експресионизам, густо нанесуван, жестоко соочуван со формите и композицијата е првиот и можеби единствен бунтовнички експресионизам, кој ќе ги раскрши сите пасторални илузии за разубавувачката улога на уметноста.

Тоа е сликарство, кое е во директна конфронтација со животот, не песимистички туку колористички и скоро звучно крикнати. Апчевски низ сиот свој период нема да се откаже од овој избор на соочување со светот и опстојувањето.

Внатрешно, низ годините што следат, можно е да се разоткрива своевидна внатрешна преобразба, повторно не предизвикана од естетски или теоретски премиси, а уште помалку од некаков дијалог или влијанија од другите автори. Тоа е творештво кое пополека, но снажно ја регистрира бунтовноста, силно, чисто, апсолутно сликарски изразена.

Творештво, кое го следи дневнично неговиот емотивен и мисловен стадиум, често изразуван слично на битовата генерација, исфрлен, неизбалансиран, некомпромисен, далеку од додворувањето кон публиката или институциите. Безобзирен, без задршка, апсолутно слеан во изразот и директноста.”
– Владо Ѓоревски

Во релативно мал, топол, налик на семеен амбиент, во Офицерскиот дом во Битола, ликовниот уметник Стојан Апчевски 11 години по своето заминување од светот ги собра пријателите, колегите, некогашните ученици кои ги учел да цртаат, почитувачите на уметноста … носталгичарите, кои преку ова сеќавање емотивно се потсетија на младоста – која сама по себе, со „жалбата” за неа е метафорички израз на уметноста на животот…и понекој млад љубопитен автор, дете кое во денешното инстант виртуелно време, штотуку ги извалкало прстите на својата креативна љубопитност со јаглен.

Иако недостигаа членовите на ДЛУБ од помладата (веќе средна генерација) кои секако треба да најдат време да ја погледнат изложбата, во овој миг издвоен од времето, таму во Офицерски како да не недостигаше ништо – срдечни средби, искрени љубезни зборови и едно заедничко пулсирање на битот таа толку љубоморно чувана „уметничка Битола” која како надежно да прошепоти – тука сум уште, не заминав никаде.

Паола Апчевска – внука на авторот (обраќање од САД)

Иницијативата на КИЦот, координацијата со семејството, „спасувањето” на најскришно чуваните домашни слики на познатиот Апче, не само од заборавот туку од физичкото уништување, ја прават оваа приказна уште поверодостојна и поискрена. Кога некој ќе замине од овој свет, му пејат – Вечнаја памјат! Во случајот на Стојан Апчевски, со оваа изложба се покажа како тој спомен светот треба да го чува во пракса.

Битола уште многу со што да се фали и гордее, и додека е така, ќе има и нови, млади жители на иднината кои тоа битолско достоинство ќе го пренесат во таа иднина.

Фотографии на Ивана Христова

The post Сеќавање на „дивиот” експресионизам на Стојан Апчевски first appeared on Кепенци.

Богојавление во Св. Димитриј во Битола (ГАЛЕРИЈА)

Editor — Thu, 19 Jan 2023 14:27:43 +0000

The post Богојавление во Св. Димитриј во Битола (ГАЛЕРИЈА) first appeared on Кепенци.

„Смртта на Бабарот” (галерија од Вевчански карневал)

Editor — Fri, 13 Jan 2023 20:23:06 +0000

СМРТТА НА БАБАРОТ

Од кај бога и ѓавола идиме,
а бога и ѓавола бараме;
поарно видено одошто чуено
види ни го лицето,
познај ни го срцето отруено.

Така му тргна веселиот час без часовник,
тој слезе во ноќта, таа се искачи во него.
Бабарите одеа пред своите сенки,
како чадот што одеше пред својот оган
и ѕвонеа ѕвонци околу нивните појаси
и по нив капеше прецутена светлина.

Но за него беше јаве и погледот му јави
дека патот за на небо му е широк и отворен.
И остана да остине сред остинати простори
меѓу Бакарно Гумно и Боишта,
меѓу Устопек, Злокуќани и Орланци,
меѓу Душегубица, Облаково и Дихово,
меѓу Плачковица, Смилево и Мраморец.
Остана да остине ко гламна остината
и од пролет гробот негов перуника ќе го посетува…

Бел снег и црн гавран го издемнаа в глуво време
и од раце му ја одзедоа суровата прачка
и од прачката маѓијата во успаните сокови.
И жубор од изумени жужлиња и жегалци
му го празнеше срцето и во него од утре
водата ќе може да се среќава себеси.
Едно притулено жарче или далечна светлинка,
гаснејќи му на дното од посната душа,
го студенкаше тивко ко падната снегулка.
Воздухот беше огледалце за последната воздишка
и во таа воздишка му се урна небото
ко чардак, ко кула од дувната глуварица.
Веќе стана понизок од снегот што го прегрна
и смртта го подзеде ко дремка или починка.
А кога почна да се разденува,
кога почна да се утри,
душата му ја најдоа на мразурците, усукана вудве, вутри.

Петре М. Андреевски

Поемата „Смртта на бабарот“ од стихозбирката „Дални наковални” од 1971 се смета за едно од најоригиналните дела во македонската поезија, чиешто толкување е предизвик за многумина теоретичари на книжевноста.

Целата стихозбирка означува една нова етапа од творештвото на Петре М. Андреевски со нови жанрови како што се тажаленките и редаленките, опевања и лелекања, драмски прашања и одговори земени од народното творештво и од фолклорот.

Галерија од Карневалот во Вевчани 13.01.2023 фотографирана со мобилен телефон од

Димитра Десановска

The post „Смртта на Бабарот” (галерија од Вевчански карневал) first appeared on Кепенци.

Божик во Офицерски во Битола (галерија)

Editor — Sun, 08 Jan 2023 20:17:30 +0000

Во преполнетата концертна сала на некогашниот Офицерски дом (денес КИЦ) во Битола, се одржа Божикен концерт на кој настапија:

Детскиот хор „Свети Стилијан“ од Битола

хорот „Свети Ахил Преспански“ од Ресен и

Машкиот хор „Свети Нектариј Битолски“

Хоровите беа поздравени со аплаузи од бројната одушевена публика, меѓу кои имаше и високи црковни и општински великодостојници, предводени од митрополитот г. Петар и битолскиот градоначалник Тони Коњановски.

The post Божик во Офицерски во Битола (галерија) first appeared on Кепенци.

Бадник во Битола – И сонцето ги поздрави сонцињата на Широк Сокак (ГАЛЕРИЈА)

Editor — Fri, 06 Jan 2023 14:51:47 +0000

По магливата ноќ, и неколкудневните густи магли надвиснати над Битола, на Бадник главната битолска пешачка улица Широк Сокак, осамна со детски џагор, и секако – мајки, баби, тетки, стрини и вујни … и по некој татко, кои се чини правеа повеќе метеж и врева од децата.

Ако Божик е Празник на мирот и радоста, тогаш нема ништо подобро од детската радост која благовести за Раѓањето. А на мирот? … Белки со тек на време сите постепено ќе се научиме.

Вечниот Бог слегува
и во утробата на Дева се вселува:
Свет, Свет, Свет си Пресвет Господи!

Царот на сите и Господ
дојде Тој што Адам го создаде:
Херувим, Херувим, радувај се, радувај
Пресвета Владичице!

Рождеството поучува и сe радува,
а чиновите ангелски се зачудени:
Терирем, терирем, радувај се, радувај
Пречиста Владичице!

Дојдете до пештерата да се приближиме,
во јасли како лежи Господ да го видиме:
Свет, Свет, Свет си Пресвет Господи!

Од Исток мудреци доаѓаат
и дарови носат достојни:
Херувим, Херувим, радувај се, радувај
Пресвета Владичице!

Кога слушна Ирод за настанот,
целиот се потресе озлобениот:
Терирем, терирем, радувај се, радувај
Пречиста Владичице!

Небесата слават и се радуваат,
ангелите Го воспеваат:
Свет, Свет, Свет си Пресвет Господи!

Се радуваат созданијата,
и празнува природата:
Херувим, Херувим, радувај се, радувај
Пресвета Владичице!

Да го воспееме Господ, Христос наш,
во пештера родениот:
Терирем, терирем, радувај се, радувај
Пречиста Владичице!

Дево, Мајко и Владичице,
спаси ги оние што кон тебе прибегнуваат
Свет, Свет, Свет си Пресвет Господи!

Вечниот Бог слегува
и во утробата на Дева се вселува:
Свет, Свет, Свет си Пресвет Господи!

Бадниковите Поворки се релативно нова традиција, која со организациска помош на училиштата, поедини наставници и хуманитарни организации, се обидува од година во година сѐ повеќе да заживее кај младите генерации.

Во продолжение – интегралната галерија од настанот. Децата беа во придружба на возрасни и родители кои не само што го одобруваа туку го поттикнуваа фотографирањето. Детската радост не е возможно да се цензурира, скрие или замати.

Христос се раѓа славете!
Христос се раѓа радувајте се!
За многу години мирот и радоста на светот!

The post Бадник во Битола – И сонцето ги поздрави сонцињата на Широк Сокак (ГАЛЕРИЈА) first appeared on Кепенци.

Јагула – борба за живот по секоја цена

Editor — Thu, 22 Dec 2022 15:26:32 +0000

Необична фотографија фатена во мигот, предизвика бура од реакции на социјалните мрежи.

Едни се згрозуваат, други се воодушевуваат, а трети ја толкуваат како одраз на селекцијата во природата и животинскиот свет во кој јагулата е претставена како симбол на истрајност и непредавање дури кога како плен се нашла во стомакот на една голема сина чапја.

Сликите се преземени од блогот: hasanjasim

The post Јагула – борба за живот по секоја цена first appeared on Кепенци.

Првите „инфлуенсери”

Editor — Wed, 30 Nov 2022 13:20:25 +0000

Салвадор Дали и Коко Шанел на цигара во 1938 г.

Во времето кога зборот „инфлуенсер” имал сосема поинакво значење, двајцата на фотографијата диктираа навики, вкусови и концепти кои станаа дел од модерната глобална култура.

Влијанието на некогашните „инфлуенсери” не било од денес за утре, туку живее и е силно децении по нивната смрт.

The post Првите „инфлуенсери” first appeared on Кепенци.

Ремек дело старо 400 години

Editor — Wed, 30 Nov 2022 12:32:08 +0000

Детал од скулптурата “Грабнувањето (силувањето) на Персефона” 1622 година, Лоренцо Бернини го направил ова дело кога имал само 23 години.

The post Ремек дело старо 400 години first appeared on Кепенци.

Моментот на експлозијата во Истанбул (ВИДЕО)

Editor — Sun, 13 Nov 2022 20:52:26 +0000

6 загинати и 81 повредено лице е засега црниот биланс од екплозијата во фреквентната пешачка авенија Истиклал во Истанбул.

Турскиот претседател Реџеп Таип Ердоган веднаш настанот го оквалификува како „напад, на кој ќе биде соодветно одговорено”.

https://twitter.com/_The_Godfatherr/status/1591789208867581952?s=20&t=2Gt5LnuwPo_9dIAwQdf1vA

Полицијата веднаш го загради квартот, а турските власти забранија објавување фотографии и снимки поврзани со местото на нападот

🔴 FLASH — Istanbul 🇹🇷, forte esplosione nel centro città: morti e feriti. pic.twitter.com/cWVEsPQZgo
— gavin jones (@gavinjones10) November 13, 2022

The post Моментот на експлозијата во Истанбул (ВИДЕО) first appeared on Кепенци.

Честит 4 Ноември Битола – Кепенци кратко и јасно

Editor — Fri, 04 Nov 2022 20:45:29 +0000

Битола, две и пол илјаден континуитет на градот што Филип Втори го посветил на мајка му Евридика која била чупа од битолско.

Битола не е ни архитектура, ни инфраструктура, ни статистика, ни култура… Битола е *ЕДНА вечна идеја која опстојала над сите други денешни профани обележја.

Бомбардирана “по грешка” пред почетокот на Втората Светска Војна, крвнички бомбардирана “по грешка” во Првата Светска Војна, градот за кој по потпишувањето на Букурешкиот договор потписниците сугерираат дека мора да се ништи, да се уназади, да ослабне во секоја смисла затоа што – ДОДЕКА Е СИЛНА БИТОЛА, ЌЕ БИДЕ СИЛНА И ИДЕЈАТА ЗА ГОЛЕМА МАКЕДОНИЈА.

Битола многупати била рушена, градена, валкана, ослободувана … и секојпат воскреснувала исправена како Феникс. Ништењето на нејзината сила и економски и демографски, ако сакате дури и еколошки продолжило од 1913 до денес.

Денес на 4 Ноември 2022, Битолa е сеуште жива (некако) и тука сеуште чука СРЦЕТО И ДУШАТА НА МАКЕДОНИЈА

*Честит празник Битола

За многу години !

– Сликата е преземена од Фејзбук статусот на Татјана Грегова воспитувачка во Мајски Цвет.

The post Честит 4 Ноември Битола – Кепенци кратко и јасно first appeared on Кепенци.