Научнофантастичните очила на иднината преку Гугл достапни до сите

Editor — Fri, 13 May 2022 08:18:04 +0000

Очила кои изгледаат сосема нормално, но се поврзани со компјутер и со вештачката интелигенција наречена „Ал”во реално време ќе обезбедуваат услуги на лицето што ги носи. Опремени со камера, микрофон ГПС локатор, очилата ќе обезбедуваат превод во реално време на тоа што ви го зборува соговорникот пред вас, преглед на гугл мапите и локациите, пребарување и сугерирање на најблиску достапни најевтини производи и онлајн купување со гласовна наредба, снимање и архивирање на субјeктивниот поглед на носителот, холограмско проектирање, глас кој постојано ќе ви се обраќа … и многу други „појачани” опции, слични на она што досега сме го гледале во научнофантастичните филмови.

На очилата, наменски, со посебен софтвер и хардверски конфигурации, ќе бидат адаптирани и нов вид на таблет и паметен бенд часовник на раката.

Првиот прототип на паметните очила на Гугл беше промовиран во 2012 година, но оттогаш се работело на новиот модел со многу подобрени перформанси.

Датумот на пуштањето на очилата во промет не е прецизиран, но се претпоставува дека нема да е многу подоцна од 2023 за кога е најавена промоцијата на таблетот и смарт часовникот.

Ваквите очила се очекува целосно да ја заменат потребата од смарт мобилните телефони и целосно да ги исфрлат од употреба.

The post Научнофантастичните очила на иднината преку Гугл достапни до сите first appeared on Кепенци.

„Гугл“ нуди бесплатни онлајн обуки во вредност од 100.000$

Editor — Tue, 03 May 2022 09:03:55 +0000

Американската компанија соопшти дека секој американски приватен бизнис ќе има можност да аплицира за бесплатна обука за своите вработени, во акцијата за широки дигитално описменување и промоција на т.н. Гугл Кариерни Сертификати воведени во 2018 година.

Акцијата треба да го зголеми учеството во сертифицираните обуки на „Гугл“ кои досега ги завршиле околу 70.000 луѓе во САД, и над 200.000 во светот, што глобално гледано е многу мал процент.

Според статистиките на Гугл, над 75% од луѓето кои добиле барем еден Гугл Сертификат, за една година напредувале во кариерата, добиле повисока плата и унапредување во фирмите во кои работеле или заминале во други компании на повисоки позиции.

Акцијата во која за почеток ќе бидат стипендирани 500 вработени во американските компании, се смета за рекламен потег на Гугл, за поттикнување на онлајн обуките, како корисни, ефикасни и веднаш применливи.

Едномесечна он-лајн обука на Гугл чини во просек 39$, а проценките се дека за добивање соодветно знаење и полагање за сертификат се потребни најмалку 6 месеци учење.

Анализата на податоци и Веб дизајнот засега се најбараните „струки“ за кои Гугл дава меѓународен сертификат.

The post „Гугл“ нуди бесплатни онлајн обуки во вредност од 100.000$ first appeared on Кепенци.

гугл - Кепенци

Научнофантастичните очила на иднината преку Гугл достапни до сите

„Гугл“ нуди бесплатни онлајн обуки во вредност од 100.000$