жени - Кепенци

И ТАА МОЖЕ КАКО НЕГО (прирачник 2)

Editor — Sun, 30 Oct 2022 16:42:20 +0000

АВТОМОБИЛОТ ВИ ДАВА СИГНАЛИ

Предупредувачки светла

Компјутерскиот екран дава едноставни и брзи предупредувања кои незначат ништо и се лажен аларм. На пр. доколку трепка “провери го моторот” постои цела листа причини од кои добар дел можат да бидат банални од типот на разлабавено капаче на резервоарот, прекинат контакт во каблите итн. Затоа наместо да паничите, обидете се телефонски да консултирате автомеханичар, а кога ќе го завршите патувањето, за секој случај направете компјутерска дијагностика.

Истекување на течности

Влажните дамки под вашиот автомобил може да се и од обично истекување течност од клима уредот или бришачите, но доколку се во боја и лепливи може да упатуваат на сериозен проблем.

Доколку истечената течност е безбојна, но мазна и леплива тоа може да е истекување од системот за кочење.

Ако дамката се појави на предниот дел од автомобилот, веднаш под моторот, најверојатно станува збор за истекување. Моторното масло лесно се препознава не само затоа што е најчестата хидраулична течност што доаѓа од автомобилите, туку и поради неговата карактеристична црна или темно кафеава боја.

Течноста за ладење има многу карактеристична боја – обично токсична зелена, сина или црвеникаво розова. Лесно е препознатлива и по нејзиниот сладок мирис. Обично капе од предниот дел на автомобилот, под моторот. Можете да ја најдете и под расипани црева на радијаторот или пумпата за вода и, се разбира, под хаубата, на пример, под капачето за полнење масло. Ова е знак дека течноста за ладење влегува во маслото преку скршени дихтунзи на главата на цилиндерот или преку самата глава на цилиндерот.

Масло за пренос. Црвена боја, лизгава и густа конзистенција и специфичен мирис на сурова нафта? Ова е веројатно истекување на преносот. Проблемот со овој тип на течност е неможноста да се провери нивото во резервоарот.

Гориво. Бензинот и суровата нафта најлесно се препознаваат по нивниот мирис. Мрсна, опалесцентна дамка со лут мирис укажува на проблем кој не само што е непотребен, туку и крајно опасен. Горивото што го користиме во нашите возила е исклучително запаливо и може да предизвика експлозија доколку истече. Горивото може да капе од валкан филтер, резервоар за гориво што протекува, скршени линии за гориво или системот за вбризгување.

Чад

Глетката на бел чад не е многу пријатна и предизвикува паника. Белиот чад најчесто значи истекување од доводите во ладилникот што доведува до прегревање на автомобилиот.

Доколку чадот има синкаста боја, тогаш не истекува вода туку масло измешано со бензин, поради што се проверува маслото и евентуални места на можно истекување.

Ако од ауспухот излегува густ црн чад, тоа значи дека во моментот трошите, согорувате премногу гориво. Тоа не е опасно, но пожелно е побрзо да го санирате затоа што ќе ве чини скапо.

Чудни звуци

Секој автомобил си има свој специфичен звук кој искусните возачи го препознаваа. Ако моторот звучи чудно при давање гас тоа значи дека нешто не е во ред со маслото, а доколку мора да ја притискате педалата за кочење до, проследено со шкрипење, тогаш треба итно да ги проверите кочниците. Доколку звуците личат на тропање или стружење веднаш треба да побарате помош. Доколку тропањето доаѓа од тркалата, тоа не мора да значи страшен проблем доколку физички се провери дали некаде е заглавено камче.

Eлeктрoнски писок

Доколку при стартување на автомобилот, уште кога системот е на контакт, слушнете непознат електронски писок тогаш треба да знаете дека времето, кога автомобилот ќе откаже да запали е доста близу.

Шуштење

Користените возила често страдаат од системите за ладење на моторот. Тоа може да биде констатирано со шуштење од празнењето на моторот, често проследено со пареа. Преглед на ладнилникот и доводите треба да биде направен веднаш бидејќи може да дојде до прегревање и искривување на главата на цилиндарот што ќе доведе до ремонт кој не е евтин.

Cвирeњe

Ова е звук кој упатува на истрошеност на некој од ремените. Исто така треба да се проверат запчаниците или некој од соседните валјаци. Треба да се обрне внимание и на свирење од турбо компресорот, но најопасно е свирењето од тркалата, каде проблемот може да биде поврзан со механизмот за сопирање или почесто со лагерите. При блокада на главниот лагер во движење, нештата можат да излезат од контрола.

Штракање

Овој звук е присутен најмногу кај употребувани автомобили со систем 4х4 и доаѓа од запчаникот или од задниот диференцијал. Истрошениот запчаник кај редукторот испушта доста непријатни шумови дури и при ниска брзина. Во никој случај не го игнорирајте. Слично штракање може да се појави и од менувачот.

*Проектот е поддржан од Комисија за родова еднаквост на Општина Битола, а спроведен од Здружението QR Oпштество.

The post И ТАА МОЖЕ КАКО НЕГО (прирачник 2) first appeared on Кепенци.

И ТАА МОЖЕ КАКО НЕГО

Editor — Sun, 30 Oct 2022 15:45:21 +0000

Во рамките на годишните активности на Комисијата за родова еднаковст на Советот на Општина Битола во соработка со Здружението на граѓани QR Општество од Битола, е издаден т.н. прирачник за “самодовербa” за активностите кои се сметаат за “машки”. На
почетокот на проектот акцентот беше ставен на жените возачи и проблемите со кои можат да се соочат со возилото. Освен летокот, беше изведена и практична работилница во која жени од Битола можеа на самото место да се стекнат со знаења и вештини за кои претходно сметале дека се типично машки или недостижни за нив. Сето тоа со стручна помош на искусен автомеханичар.

Дел од информациите кои не се поместени во летокот со користење на практичната и беза дигитална алатка QR код се достапни на интернет поратлот kepenci.mk во содржини обележани со насловото на проектот И ТАА МОЖЕ КАКО НЕГО.

Според статистиката над 75% од лицата кои користат автомеханичарски услуги се жени. Ова не е карактеристично само за развиениот запад, каде благодарение на повисокиот животен стандард жените се условно помобилни и понезависни на патиштата, туку и кај нас каде се’ повеќе се зголемува бројот на семејствата во кои жените имаат свој посебен автомобил. Според истражувања спроведени во САД и Западна Европа жените често непотребно бараат помош од механичар за дефект кој или не постои или е незначителен и можат самите да го решат. Ова отвора и едно друго прашање на деловна злоупотреба на незнаењето и несигурноста на жените поврзано со родовите стереотипи. Затоа денес жените се повеќе се охрабруваат преку обуки и прирачници да станат посамостојни и посигурни во себе. Оваа акција на Здружението КЈУ-АР Општество поддржана од Општина Битола е обид за следење на трендовите за родова еднаквост, кои не се ништо ново во светот.

ОСНОВНИ СОВЕТИ

Запознајте го вашиот автомобил

Секој возач треба да ги знае основните карактеристики и личната карта на својот автомобил. Тоа го има во упатството за користење или кај производителот. На почетокот “запознавањето” направете го со автомеханичар кој практично ќе ви ги покаже основните системи и делови и местата на кои се наоѓаат.

Следете и истражувајте на интернет

Денес освен компаниите кои произведуваат автомобили има и многу независни специјализирани интернет страници и блогови за возачи. Пожелно би било, од време на време, да си направите агенда за следење на советите и трендовите.

Најдете си пријател од доверба

Пријателот (може да биде и сопругот, дечкото, братот, таткото) на почетокот ќе игра улога повеќе за стекнување на чувство на сигурност и самодоверба, отколку што реално би ви ги решил проблемите. За поголемите дефекти и пријателот ќе треба исто како вас да консултира автомеханичар, но како почетник е добро да знаете дека имате на кого да се потпрете во случај на проблем.

Одберете свој автомеханичар

Некој во кој ќе бидете сигурни дека не ви ги преувеличува проблемите за да ви наплати повеќе, а исто така ќе биде подготвен да биде телефонски достапен за совет и консултација во секое време.

АВТОМОБИЛОТ ВИ ДАВА СИГНАЛИ

ЗАДОЛЖИТЕЛНИ ПРОВЕРКИ

ИСПРАВНОСТ НА ПНЕВМАТИЦИТЕ

Проверката на пневматиците е задолжителна пред секое поаѓање на пат, а особено во зимски услови, кога треба да се менуваат летните со зимски гуми поради лизгавиот пат и одржување на баланс на возилото. Но и во лето пневматиците се важен фактор за безбедноста и исправноста на возилото.

ЧИСТЕЊЕ НА ПРЕДНИТЕ ФАРОВИ

За да се исчистат стаклата на предните фарови, не се препорачуваат хемиски растворувачи и други агресивни средства кои може да ги оштетат пластичните стакла. Доколку го правите ова сами, користете сапун и топла вода. Полирање на предните фарови се врши во сертифицирана станица каде се користат професионални средства, машини и полир падови. Со ова, фаровите ја враќаат јасноста и видливоста на возачите на автомобилот особено во зима.

ПРОВЕРКА НА АКУМУЛАТОРОТ

Акумулаторите имаат одреден рок на употреба и траат неколку години. Во студеното време празниот акумулатор може да биде причина за дефект – колку е постудено, толку е послаб акумулаторот. Постарите акумулатори може да откажат уште од првото утро кога температурата ќе е под нулата. Овластените сервиси поседуваат и уреди со кои го испитуваат напонот, струјата и електриката и најточно ќе ви укажат дали стариот акумулатор треба да се замени со нов.

ПРОВЕРКА НА ТЕЧНОСТА ЗА ЛАДЕЊЕ

Течноста за ладење треба да се проверува, но треба да внимавате дали моторот е доволно изладен за да не се изгорите. Течноста за ладење може да се дополни со дестилирана вода, но никако не треба да се додава повеќе од 3 децилитри. Во спротивно, повеќе течност од дозволеното, може да предизвика истекување и да настане проблем во системот за ладење. За да го спремите автомобилот за зима, треба да го дополнувате со антифриз. Најчесто се користи истата течност, која е предвидена од страна на производителот.

ПРЕВЕНТИВЕН ТЕХНИЧКИ ПРЕГЛЕД ПРЕД ЗИМА

Секоја претстојна сезона треба да се извршува технички преглед за да се зголеми вашата и безбедноста на возилото. На ваквите прегледи, станиците ја проверуваат и ја зголемуваат исправноста на возилото, со што се намалува ризикот за сообраќајна незгода. Другата добра страна се промоциите, затоа што пред зима често нудат сезонски попусти и кампањи, како на пр. при купување на зимски гуми да добиете гратис синџири за снег.

ДОМАШНИ “МАШКИ” РАБОТИ

Постојат и други т.н. „машки работи“ во домот за кои не е потребна посебна сила, ниту големо знаење, туку клучна е вашата самодоверба. Со мала обука секоја жена лесно може да одврти и исчисти сифон, да смени славина, или да поправи фасонка, штекер или прекинувач (секако со претходно преземање на сите безбедносни мерки за исклучување на струјата или водата).

Целта на оваа кампања, не е толку да научи, колку што е да охрабри и да ја поттикне самодовербата кај жените – дека и МАШКИТЕ РАБОТИ МОЖАТ ДА ГИ ИЗВРШУВААТ КАКО НЕГО.

The post И ТАА МОЖЕ КАКО НЕГО first appeared on Кепенци.

Со вера, љубов и надеж – Борбата на жените за Македонија

Editor — Thu, 29 Sep 2022 11:39:17 +0000

Дали жената од Македонија во 21 век се соочува со нови или стари предизвици, ги користи или страда од стереотипи и предрасуди, како да се избори со предизвиците на новото време кои во Македонија толку многу наликуваат на тие од минатото?

Кога се спојуваат зборовите „минато“ и „жени“ тоа често асоцира на специфичниот општествен однос кон жената кога религиските норми и физичката слабост наметнуваат дискриминаторски однос кон жените од секоја возраст. Не само што не смееле да го стават под прашање авторитетот на било кој маж од семејството или околината, ами и не смееле да го предизвикаат.

А сепак од минатото, до денес, од кралицата Клеопатра преку св. Лидија Македонска, Света Злата Мегленска, Сирма и ајдутските војвотки, баба Недела Петкова и нејзината ќерка кои го извезле знамето илинденско, до Естреја Хаим Овадија и Елипда Караманди, Марија Бунева и Мирка Гинова и, до секоја жена од денешницата, жените се спротивставуваат на потчинетоста и маргинализирањето, ја земаат судбината во свои раце и ја обликуваат иднината на своите држави.

Ова е дел од најавата за трибината која во петок на 30 спетември 2022 година, на денот кога Православната црква го слави споменот на Света Софија и нејзините три керки Вера, Љубов и Надеж кои маченички пострадале за верата, ќе се одржи во зградата на Офицерскиот дом (КИЦ) со почеток во 19.00 часот.

На настанот со наслов „Жените во минатото, сегашноста и борбата на жената за Македонија“ ќе зборува професорката Виолета Ачкоска, македонски историчар и универзитетски професор.

Како истражувач и универзитетски професор, Ачкоска е автор и коавтор на над 40 монографски и други трудови, автор на околу 100-тина научни статии и поголем број публицистички и други пишувани трудови (прикази, фељтони, колумни, интервјуа, промотивни слова итн.), автор и коавтор на учебници за историја во основното и средното образование, автор и коавтор на околу 30 сценарија за документарни историски филмови и на неколку музејски концепти.

Објавените трудови и истражувања на проф. д-р Виолета Ачкоска се однесуваат на неколку научни области од современата историја: социјалната историја, политичката историја (меѓуетничките односи и репресијата во комунизмот), историјата на образованието и културната историја.

Ачкоска денес се смета за една од бранителите на вистината за македонскиот народ и Република Македонија.

На трибината, која е во организација на битолскиот огранок на Унијата на жени на ВМРО-ДПМНЕ, се очекува да присуствува и претседателката на УЖ, Жаклина Пешевска, актуелен пратеник во македонското Собрание.

The post Со вера, љубов и надеж – Борбата на жените за Македонија first appeared on Кепенци.

Женски фудбал, Македонија – Кипар 3:0

Editor — Mon, 05 Sep 2022 13:25:08 +0000

Младата женска фудбалска репрезентација на Македонија (до 19 години) славеше убедлива победа со над Кипар со резултат 3:0 во рамките на првиот контролен дуел меѓу двете селекции.

Македонија одигра квалитетен меч, во секој сегмент од играта беше подобра и сосема заслужено оствари убедлива победа.

Јехона Велиу во 20. минута го отвори резултатот, Ајна Исејни зголеми на 2:0 во 30 минута, за во 72 минута повторно Јехона Велиу да го запечати резултатот на 3:0.

Вториот контролен меч, Македонија и Кипар ќе го одиграат на 6 септември во 16.30 часот на стадионот на ФК Турново.

Едитор: Викторија Брдаровска

The post Женски фудбал, Македонија – Кипар 3:0 first appeared on Кепенци.

Мажите врескаат, жените им се смеат

Editor — Wed, 31 Aug 2022 08:45:03 +0000

„Чашка живот” е пилот проект кој се спроведува во индиската држава Керала, инициран од еден пратеник на Конгресната партија и Медицинската Асоцијација ИМА, а има за цел да поттикне дебата за еднаквоста на жените и мажите и тoлерантноста на општеството кон женските проблеми, како што се менструалните болки.

Се работи за електро симулатор на менструални болки, кој љубопитните мажи можат да го пробаат на пунктови кои во рамките на кампањата се лоцирани на прометни места и трговски центри.

Организаторите велат дека интересот за симулаторот е невообичаено голем и дека се отвораат перспективи за негова понуда за продажба на пазарот.

The post Мажите врескаат, жените им се смеат first appeared on Кепенци.

Иран – Дајте им на жените да гледаат фудбал!

Editor — Fri, 26 Aug 2022 13:03:58 +0000

За првпат по 40 години на околу 500 жени во Иран и беше дозволено да присуствуваат на фудбалски натпревар од локална лига, и да го гледаат мечот во живо на стадион заедно со мажите.

Жените кои биле физички одвоени во посебен простор на трибините, не пропуштиле во текот на навивањето да извикуваат „Сина Девојка” во чест на 29 годишната Сара Кодајари, девојката која стана симбол на борбата за женски права во Иран.

Кодајари се самозапали чекајки судење поради тоа што преправена како маж влегла на фудбалски натпревар, но била откриена.

По притисокот од Меѓунарондата фудбалска федерација ФИФА, но и од домашната јавност, властите во Иран каде владее строгиот исламски шеријатски закон, решија да им дозволат на жените да гледаат фудбал.

Претходните неколку години, трендот на маскирано упаѓање на жени да гледаат фудбал на стадионите, толку зачести што властите престанаа да се обидуваат да го спречат.

The post Иран – Дајте им на жените да гледаат фудбал! first appeared on Кепенци.

Европско злато во Велнес-Фитнес за жени

Editor — Fri, 06 May 2022 23:14:04 +0000

Мери Акиевска уште еднаш покажа и докажа дека е светска класа на натпреварувач. И покрај 24 часовните патешествија и неизвесност, успеа директно од авион на сцена да ја освои Европската титула
– велат од Бодибилдинг и фитнес федерацијата на Македонија.

Честитки!!!

Ух, какви 24 часа!!! Се е школо, па и ова. А, секое школо се плаќа. Нас не чини неколку златни медаљи! Скапо го плативме ова школо, овојпат! Пристигнување 15 минути пред да се качат девојките од мојата категорија на сцена. Имавме време само да нанесеме боја и облечеме бикини! Шминка и накит стававме во одење, а пумпањето беше додека се качував по скали. Сепак, покажавме дека сме квалитет од Светска категорија! Европска титула во категорија Велнес Фитнес до 163 цм. Нема застанување. Одиме понатаму!
Благодарност за подршката од страна на мојата матична теретана МАГНУС , мојот тренер Бобан Ѓороски кој не постои ниту цена ниту зборови со кои можам да се заблагодарам , посебно во овие изминати два дена што ќе останат во сеќавање поминати со стресови и солзи за да успеам да стигнам на европското првенство и навреме да застанам на сцена , успеав да стигнам само за во сениорска категорија и тоа некои 15 минути пред излегување на сцена за тоа време немав ниту полнење со храна ниту доволно време да направам пумпање но сепак со божја воља успеав да ги победам конкурентките во сениорска и да бидам прво пласирана
Ова е преголем успех за мене најпрво што здрава , жива стасав во Шпанија тоа е најголема победа и се победив самата себе и против себе,

напиша на ФБ статус Мери Акиевска.

Браво девојко

ЧЕСТИТКИ!!!

The post Европско злато во Велнес-Фитнес за жени first appeared on Кепенци.

Британски велосипедизам – жените на точак треба да се жени

Editor — Sun, 10 Apr 2022 10:37:42 +0000

Трансродовите жени повеќе не се во можност да се натпреваруваат на елитните женски настани под покровителство на британскиот велосипедизам.

Транс жените повеќе не можат да учествуваат во натпревари, под покровителство на британското национално тело кое управува со велосипедизмот.
Британската велосипедска асоцијација одлучи да ги укине правилата кои им дозволуваа на луѓето да го менуваат полот во жени.

Претходните правила дозволуваа учество во натпревари доколку нивото на тестостерон беше под пет наномоли на литар 12 месеци пред трката.

Британското велосипедско тело најави дека ќе ја преиспита политиката „во наредните недели“.

The post Британски велосипедизам – жените на точак треба да се жени first appeared on Кепенци.

Жените и вазелинот

Editor — Wed, 09 Mar 2022 14:56:15 +0000

Посебната метода за нега лице на Корејките ги нападна жените низ светот да ја користат а истовремено и да им се воодушевуваат на нивната итрина. Слагинг методот или нанесувањето на вазелинот со дебел слој на лицето служи за хидратација на кожата особено во зимските месеци од годината кога кожата е многу сува. Обично се нанесува пред спиење па во текот на ноќта се очекува да се здрви па остранувањето не често оди лесно. Но сепак напорот вреди со оглед на разултатот што го добиваат жените.

Дерматолозите предупредуваат да не нанесуваат вазелн на комплетно сува кожа бидејќи кожата не може убаво да дише па затоа препорачуваат претходна хидратација пред тоа. Исто така со прекумерено користење може да доведe до иритација и печење на кожата што доведува до спротивен ефект.

The post Жените и вазелинот first appeared on Кепенци.

Честит 8 Март !

Editor — Tue, 08 Mar 2022 22:46:17 +0000

Измачени работнички во предилница за памук во Џорџија, САД – 1909 година.

Ваквите бројни примери, беа причина за борбата која децении подоцна реултираше со воведување на Меѓународниот ден на жената, како симбол на родовата рамноправност.

The post Честит 8 Март ! first appeared on Кепенци.