избори - Кепенци

Втор мандат за Макрон, и Ле Пен слави победа

Editor — Sun, 24 Apr 2022 21:32:08 +0000

Актуелниот француски претседател Емануел Макрон според првичните неофицијални резултати од претседателските избори во Франција, освои 57-58% од гласовите со што доби втор петгодишен мандат.

Иако победата не е сѐ уште официјална, според однесувањето на берзите и курсната вредност на еврото, Макрон со сигурност е старо-новиот претседател на Франција. Разликата во гласовите најверојатно ќе биде речиси идентична со разликата која се предвидуваше со последните анкети направени во петокот.

Противничката на Макрон, Марин Ле Пен, иако го призна поразот, вечерва сепак славеше победа поради задоволството од постигнатиот резултат најдобар нејзин личен и во историјата на нејзината националистичка партија.

Само за споредба, таа освои дури 18% повеќе од најдобриот изборен резултат на нејзиниот татко.
Ле Пен веднаш најави жестока борба на парламентарните избори во јуни.

Аналитичарите се согласуваат со нејзината проценка на успешноста, бидејќи таа од маргиналец, успеа да се наметне како втор релевантен политички фактор во државата.

The post Втор мандат за Макрон, и Ле Пен слави победа first appeared on Кепенци.

„Арогантниот“ наспроти „исплашената“

Editor — Thu, 21 Apr 2022 07:29:21 +0000

Ова е една од оценките на исходот на синоќешната завршна дебата пред гласањето во вториот круг претседателски избори во Франција кој треба да се одржи в недела.

Според анкетите, Макрон бил убедливо подобар во дебатата и успеал да го зголеми својот рејтинг на 59%, но и Ле Пен била далеку посамоуверена и со многу поиздржани аргументи, споредено со дебатата во 2017 кога дала впечаток на несигурност и незнаење.

Очекувано, нападите за нејзините наводно „проруски“ ставови, евроскептицизмот и неразбирањето на економијата беа главните адути за напад на Макрон, поради што аналитичарите велат дека тој на моменти изгледал претерано самоуверен и арогантен, наспроти што Ле Пен делувала исплашено и несигурно.

The post „Арогантниот“ наспроти „исплашената“ first appeared on Кепенци.

Франција – мал одзив и многу неопределени

Editor — Sun, 10 Apr 2022 11:23:05 +0000

Денес Франција гласа на изборите за претседател. Речиси 50 милиони гласачи треба да се определат за еден од 12те кандидати, меѓу кои според анкетите најсериозни шанси имаат актуелниот претседател Емануел Макрон и десничарката Марин Ле Пен.

Првите оценки за изборите се дека одзивот на гласачите е многу помал од претходните години, што се толкува и како порака од гласачите до политичарите и политиката дека преовладува општа недоверба.

На последните анкети пред гласањето бројот на неопределените кои сѐ уште не решиле за кого ќе гласаат остана прилично висок 37%, но аналитичарите не мислат дека се можни некои поголеми изненадувања.

Она што се смета за пресудно за гласањето е економијата и животниот стандард, односно вечните теми – просечна плата и трошоци за живот.

Што се однесува до подемот на десничарските кандидати, вклучително и на Марин Ле Пен која според анкетите е најблиску до Макрон, се забележува интересен феномен дека тие добиваат поддршка и од гласачите со африканско или арапско потекло, кои велат дека гласањето за десницата е еден вид поддршка за Франција како нивна татковина.

Дел од слабиот одзив се објаснува и со преголемата ангажираност на Макрон во надворешната политика околу ЕУ, Украина и Русија, поради што не посветил доволно време и на својата кампања.

The post Франција – мал одзив и многу неопределени first appeared on Кепенци.

Вучиќ води – резултати в понеделник

Editor — Sun, 03 Apr 2022 21:02:55 +0000

Првичните резултати од изборите во Србија ќе бидат објавени дури во понеделник навечер, за кога Изборната комисија во Белград го најави повторното вклучување за медиумите, откако вечерва прекина со соопштенија.

Се претпоставува дека според гласовите од дијаспората и процентот на досега преброени гласови претседателот Александар Вучиќ убедливо ќе го добие вториот последоватлен мандат, а неговата СНС мнозинство. Дел од аналитичарите предвидуваат дека пребројувањето на гласовите во Белград кое е оставено за самиот крај на броењето, сепак може да му зададе извесни главоболки на Вучиќ и неговите планови за мнозинство на неговата партија на сите нивоа и во сите градови. Тоа сепак нема да ја наруши генералната обедлива победа на Вучиќ, на изборите со најголема излезност во Србија во последните 10 години. Извештаите од гласањето зборуваа за редици и метеж пред гласачките места, а излезеноста некаде надминува и 60%.

The post Вучиќ води – резултати в понеделник first appeared on Кепенци.

Убедлива победа на Фидес во Унгарија

Editor — Sun, 03 Apr 2022 20:41:48 +0000

Виктор Орбан и неговата партија Фидес се на пат да го добијат петтиот (четвртиот последователен) мандат по општите избори во Унгарија.

Со преброени 50% лд гласовите, партијата на Виктор Орбан ФИДЕС убедливо води, меѓу другото и благодарение на неочекувано големиот одзив на гласачите; наспроти очекувањата на некои западни аналитичари дека неговото одбивање да ја осуди руската интервенција во Украина може да го чини намалена поддршка.

Според проекциите од првичните неофицијални резултати Фидес ќе има 133 седишта во 199 члениот Парламент, наспроти анкетите и тврдењата пред гласањето дека шестпартитниот опозициски блок може сериозно да го загрози.

Дел од аналитичарите велат дека се очекува Виктор Орбан, сега, по убедливата победа и безбедниот нов мандат, да може слободно малку поцврсто да се сврти кон Западот и кон евроатланските сојузници, но дека сепак нема докрај да се откаже од енергетската и трговска соработка со Русија.

The post Убедлива победа на Фидес во Унгарија first appeared on Кепенци.

Франција му верува на Макрон

Editor — Fri, 04 Mar 2022 16:37:01 +0000

Според анкетите за претседателски избори во Франција Макрон ја има довербата од своите граѓани. Во меѓувреме тој ја објави својата кандидатура преку писмо до неколку регионални весници. Ако и на овие избори победи тој ќе биде првиот претседател кој во последните две децении успеал да го обнови мандатот.
Првиот круг од изборите е на 10 април.

The post Франција му верува на Макрон first appeared on Кепенци.