кина - Кепенци

Утре средба лице в лице на Путин и Џипинг – најави и очекувања

Editor — Wed, 14 Sep 2022 10:32:27 +0000

На маргините на регионалниот азиски форум на Организацијата за шангајска соработка и т.н. Пат на свилата, во узбекистанскиот град Самарканд конечно ќе се случи очекуваната средба во живо меѓу рускиот и американскиот претседател, Владимир Путин и Си Џипинг.

Двајцата лидери подолго време комуницираа само телефонски или преку видео врска, а ова ќе е првпат кинескиот претседател Џипинг физички да ја напушти земјата од почетокот на ковид пандемијата.

Со оглед на тоа што форумот во Самарканд е од економска природа, сосема очекувани се најавите главна тема на разговор да биде меѓусебната трговска размена, со посебен акцент на енергенсите. Русија последните години неколкукратно го зголеми извозот на нафта во Кина, а сега се разгледуваат можности и за поголем извоз на природен гас, како алтернатива за пренасочување на гасот претходно наменет за гасоводите кон Европа.

Аналитичарите очекуваат високо на геополитичкиот дел од агендата да се најдат Украина и Тајван, за кои Русија се труди да стави знак на еднаквост, во обид да добие подиректна кинеска поддршка во врска со украинската инвазија.

Кина, досега се труди да се однесува балансирано во врска со Украина, одбивајќи да се приклучи на меѓународните санкции кон Русија, но во исто време со реторика со која го разбира, но не и директно поддржува руското воено интервенирање во Украина и со повторување на јасниот став дека преговори, а не војна се решението за руско-украинскиот проблем.

Од кинеска страна се вели дека партнерството со Русија се одвива добро и дека тие се широко отворени за секакво продлабочување на соработката меѓу двете земји.

The post Утре средба лице в лице на Путин и Џипинг – најави и очекувања first appeared on Кепенци.

Најмалку 7 загинати во силен земјотрес во Кинa

Editor — Mon, 05 Sep 2022 09:37:07 +0000

Земјотресот со јачина од 6,8 степени по Рихтер ја погоди планинската област во округот Лудинг во провинцијата Сечуан што доведе со лизгање на земјиштето, штети на домовите и прекини во снабдувањето со електрична енергија.

Сечуан, кој се наоѓа на работ на Тибетската висорамнина каде се спојуваат тектонските плочи, редовно е погоден од земјотреси. Во два земјотреси во јуни таму загинаа најмалку четири лица.

Најсмртоносниот земјотрес во Кина во последните години беше земјотресот со јачина од 7,9 степени во 2008 година, во кој загинаа речиси 90.000 луѓе во Сечуан. Земјотресот опустоши градови, училишта и рурални заедници надвор од Ченгду, што доведе до долгогодишни напори за обнова со поотпорни материјали.

Едитор Виткорија Брдаровска

The post Најмалку 7 загинати во силен земјотрес во Кинa first appeared on Кепенци.

Тајван ќе возврати на кинеските воени провокации

Editor — Wed, 31 Aug 2022 08:31:27 +0000

Тајван за првпат отвори предупредувачки оган кон три кинески дронови кои навлегле на тајванска територија, по што дроновите се повлекле кон Кина.

Кинеските воени власти, на инцидентот иронично одговорија дека – нема ништо необично во тоа Кина да лета дронови над целата своја територија.

Тајван соопшти дека е подготвен воено да возврати доколку кинеско авиони или бродови му го нарушат територијалниот интегритет.

По најновото зголемување на тензиите, Тајван го зголеми воениот буџет кој е најголем досега и изнесува 19 милијарди долари.

The post Тајван ќе возврати на кинеските воени провокации first appeared on Кепенци.

Кина ќе учествува во заеднички воени вежби со Русија

Editor — Wed, 17 Aug 2022 18:00:21 +0000

Кинеското министерство за одбрана соопшти дека кинеската армија ќе земе учество во воените вежби на истокот на Русија „Восток 2022“ и дека учеството е како што се вели „неповрзано со актуелните регионални и меѓународни состојби“.

Воената вежба која ќе се одржи од 30 август до 5 септември, во која освен Индија, Монголија, Таџикистан и Белорусија ќе учествуваат и други земји кои засега не се именувани, не е прва заедничка руско-кинеска воена вежба. Двете земји изминатите години имаа неколку заеднички копнени, поморски и воздушни вежби.

The post Кина ќе учествува во заеднички воени вежби со Русија first appeared on Кепенци.

Нов обид за дијалог меѓу ЕУ и Кина

Editor — Tue, 19 Jul 2022 09:07:34 +0000

По неуспешните средби во април годинава, во ЕУ оценети како разговор на глуви, европски и кинески претставници денес вритуелно преку Интернет ќе го продолжат официјалниот дијалог на високо ниво.

Се очекува главна тема на виртуелните разговори со кои ќе копретседаваат извршниот потпретседател на Европската Комисија за трговија, Валдис Домбровскис и кинескиот потрпетседател Лиу Хе, да биде кризата предизвикана од војната во Украина, околу која двете страни во април имаа дијаметрално спротивни мислења.

На агендата се исто така и односот на кинеските власти кон муслиманското малцинство во провинцијата Ксинџијанг и нератификуваниот договор за инвестициите.

По неуспехот на априлскиот дијалог на кој Кина не се согласи со начинот на кој Западот, преку санкции кон Русија, се обидува да издејствува мир во Украина, Европскиот Парламент го замрзна Договорот за големи кинески инвестиции на кои се работеше седум години, наводно како притисок поради несоодветното однесување на властите во Пекинг кој Ујгурското муслиманско малцинство во провинцијата Кдинџијанг.

The post Нов обид за дијалог меѓу ЕУ и Кина first appeared on Кепенци.

Строгите мерки за нула-ковид во Кина може да убијат милион и пол луѓе?

Editor — Wed, 11 May 2022 08:40:32 +0000

„Не мислиме дека политиката (на „нулта толеранција”) на Кина околу однесувањето на ковид вирусот е одржлива и ги анализираме последиците“

– Тедрос Адханом
Гебрејесус генерален директор на СЗО

Изјавата доаѓа по извештаите дека строгите затворања, задолжителните чести тестирања и принудни карантини со прегради, огради и вооружени стражи за постигнување НУЛА заразени во Кина, нема да го спречи ковидот, но може да предизвика смрт на дури еден и пол милион луѓе како индиректна последица од мерките.

The post Строгите мерки за нула-ковид во Кина може да убијат милион и пол луѓе? first appeared on Кепенци.

Американска борба против кинеската технолошка доминација

Editor — Thu, 05 May 2022 07:56:04 +0000

Во американскиот Сенат почна формалната расправа за донесување на Закон со кој долгорочно треба да се инвестира во активности за спротиставување на кинеската технолошка доминација.

Најпросто кажано, Америка во следните години треба да издвои рекордни 52 милијарди долари, со кои ќе развие и поттикне сопствено производство на микро-чипови и други компјутерски компоненти, во кои во моментов Кина доминира на светскиот пазар и создава се поголема зависност кај многу земји, вклучувајќи ја и Америка.

Целата постапка во двата законодавни дома на САД, се предвидува да заврши за неколку месеци.

Ова е прв, државно организиран чекор американско спротиставување на кинеското владеење со дигиталниот пазар од толку голем обем и се смета за една од стратешки најважните, долгорочни одлуки на земјата, независно од тоа кој ќе биде на власт.

The post Американска борба против кинеската технолошка доминација first appeared on Кепенци.

Кина – „невидлива безбедност“ наместо „долгата рака на правдата“

Editor — Thu, 21 Apr 2022 07:12:03 +0000

Без директно да ги спомене и Русија и Америка, кинескиот претседател Си Џинпинг се приклони повеќе кон руските критики на глобалниот систем на меѓународна безбедност, заснован на праксата т.н. меѓународна заедница од Запад да си дава индивидуално право на мешање и интервенции во други земји под изговор на спроведување на правда, модел карактеристичен за САД, кој индиректно по аналогија, сега може да ја „оправда“ и руската интервенција во Украина.

Аналитичарите велат дека на тој начин кинескиот претседател ги критикуваше и Русија и Америка, предлагајќи примена на т.н. невидлив модел на меѓународна правда, во кој јасно дефинираните правила и принципи никому не би му дале право да се меша во било која земја воден од своите субјективни и индивидуални проценки за „правда“.

Ако се знае, инсистирањето на Русија да се применува принципот на т.н. „невидлива безбедност“ според кој секој да може да ја проширува својата безбедност само до границите до кои другиот не би се почувствувал загрозен – принцип договорен меѓу Русија и САД уште во 1999 година, изјавата на Џинпинг може да се смета и како директна кинеска поддршка на Русија, но во изјавата на Си Џипинг има рамнотежа.

Кинескиот претседател ниту еднаш не споменува ниту една земја, иако целото негово излагање се смета за осврт кон актуелните руско-американски односи и проширувањето на НАТО блиску до границите со Русија.

Обраќањето на Си Џинпинг на Азискиот форум во Боао, и неговиот навидум издигнат „неутрален“ став, се толкува како образложение – зошто Кина одбива да се приклучи кон меѓународните санкции кон Русија, за кои САД инсистираат да бидат воведени од што повеќе земји, но и обид за промоција на Кина како избалансиран меѓународен „глас на разумот“.

The post Кина – „невидлива безбедност“ наместо „долгата рака на правдата“ first appeared on Кепенци.

Кина го користи украинскиот конфликт за шионажа?

Editor — Sun, 10 Apr 2022 11:41:34 +0000

И покрај демантите од Пекинг, западни разузнавачи сѐ уште тврдат дека Кина хакирала повеќе клучни украински интернет страници на релевантни државни институции, ден спроти почетокот на руската инвазија во Украина.

Аналитичарите велат дека е многу малку веројатно, кинеската сајбер шпионажа да била во функција на помагање на руската интервенција, туку дека Кина само искористила шанса да направи упад во податоците, а за тоа да биде обвинет некој друг. Според истата логика, Кина, освен во Украина, продолжила со хакирања и во Русија, Белорусија и Полска верувајќи дека ќе ги скрие трагите и дека за интернет шпионажата Русија веднаш ќе го обвини Западот.

И дел од геополитичките анализи, засега упатуваат дека најголема долгорочна корист од војната во Украина, освен САД, ќе има Кина, која на овој начин треба само да чека Русија уште повеќе да се сврти кон неа и да стане целосно зависна од кинескиот пазар. Многу западни политичари кои се сметале за блиски пријатели на Владимир Путин, оценуваат дека тој избрзал и наседнал на кинеското сценарио, чија главна цел била да го спречи на подолг рок руското приближување кон ЕУ, па дури и станување на Русија многу поблизок член на европското семејство. Изолирањето на Русија од Европа, освен на Кина, долгорочно ѝ одговара и на САД.

The post Кина го користи украинскиот конфликт за шионажа? first appeared on Кепенци.

Лавров во Кина

Editor — Wed, 30 Mar 2022 09:45:45 +0000

„Светот минува низ многу сериозна фаза во историјата на меѓународните односи. На крајот на ова преобликување на меѓународните односи, заедно со нашите поддржувачи ќе се продвижиме кон мултиполарен, праведен и демократски светско поредок“.

– Сергеј Лавров министер за надворешни работи на Русија, пред средбата со кинескиот колега Ванг Ји

Wang Yi holds talks with Russian Foreign Minister Sergei Lavrov pic.twitter.com/o63G6e7EQz
— Terence information🔍 (@heshouzhong1) March 30, 2022

The post Лавров во Кина first appeared on Кепенци.