мвр - Кепенци

Акција на СВР Битола – Слави со срце, не користи петарди

Editor — Thu, 05 Jan 2023 15:33:48 +0000

Во рамките на својот делокруг на работа, полициски службеници од полициската станица од општа надлежност Битола при СВР Битола во централното градско подрачје и пазарот во Битола спроведоа превентивни активности под мотото “Слави со срце, не користи петарди и други пиротехнички средства“, а воедно дел од активностите беа посветени и на превенцијата од имотни деликти, особено за време на празниците.

Целта на активностите беше насочена кон подигање на свеста кај граѓаните да не продаваат, набавуваат или употребуваат недозволени пиротехнички средства, пред се заради штетните последици и од аспект на здравјето и од аспект на зачувувањето на јавниот ред и мир. Токму затоа особено беа нагласени и законските последици од неовластена употреба и препродажба на пиротехничките средства согласно позитивните законски прописи. Во рамките на активноста, од страна на полициските службеници на граѓаните им беа делени летоци со превентивна содржина, изработени во соработка и со поддршка на УНДП.

Во меѓувреме и поборниците за заштита на правата на животните постојано апелираат против употребата на петарди кои можат да предизвикаат не само страв и вознемиреност туку и срцеви проблеми со фатални последици кај животните.

Исто така, во непосредна комуникација со дуќанџиите и вработените во другите објекти во центарот на градот и околу градскиот пазар полициски службеници укажуваа на неопходноста од внимателност за поголема безбедност во објектите, односно заштита од кражби и разбојништва, како и за неопходноста од соработка и благовремено известување на полицијата преку бесплатните телефонски броеви 112 и 192.

The post Акција на СВР Битола – Слави со срце, не користи петарди first appeared on Кепенци.

Приведен дилер на кокаин од Арачиново

Editor — Thu, 06 Oct 2022 09:33:51 +0000

Како што соопшти МВР, oдделот за сузбивање со организиран и сериозен криминал – Сектор за криминалистички истраги – Единица за недозволена трговија со дрога, по повеќемесечна полициска истрага, на 05.10.2022 година привеле дилер на кокаин од скопско Арачиново.

Во рамките на спроведената криминалистичка истрага во периодот од јуни до октомври 2022 година, во координација со ОЈО Скопје, Единицата за недозволена трговија со дрога обезбеди материјални докази за Е.А.(23), за кој постојат основи на сомнение дека сторил кривичното дело „неовластено производство и пуштање во промет наркотични дроги, психотропни супстанци и прекурсори“, казниво по член 215 од Кривичниот законик.

При претрес извршен во домот на Е.А. во скопско Арачиново, врз основа на наредба издадена од судија на претходна постапка од Основен кривичен суд Скопје, билe пронајдени предмети поврзани со кривични дела, а лицето е приведено. Во координација со надлежен Јавен обвинител од ОЈО Скопје, во текот на денот против него ќе биде поднесена кривична пријава по брза постапка. Против истото лице во март 2019 година, исто така, беше поднесена кривична пријава поради недозволена трговија со кокаин.

Извор: МВР

The post Приведен дилер на кокаин од Арачиново first appeared on Кепенци.

Приведени: дилер од Битола, разбојници од Скопје и управител на пошта што уништил архивски материјал

Editor — Wed, 05 Oct 2022 11:59:02 +0000

На 04.10.2022 во Битола, полициски службеници од криминалистичката полиција при СВР Битола го привеле дваесет и шест годишниот Д.Ч. од Битола.

При претрес во неговиот дом, извршен со судска наредба, биле пронајдени и одземени кокаин, марихуана и други предмети со остатоци од непозната материја.

Тој бил приведен во полициска станица и по целосно расчистување и документирање на случајот против него ќе биде поднесена соодветна пријава.

Истиот ден во Скопје на бул.„Никола Карев“ во Скопје од полициски службеници од СВР Скопје ги привеле Н.Љ.(27) и М.Љ.(29), двајцата од Скопје, постапувајќи по пријава според која непосредно пред тоа, на подрачјето на Кисела Вода, сториле кривично дело „разбојништво“, при што од едно лице одзеле мобилен телефон.

По преземени мерки и активности сопрено е патничко возило „фиат пунто“ со скопски регистарски ознаки, во кое се превезувале двете осомничени лица, тие се приведени во полициска станица, а кај нив е пронајден одземениот предмет.

По целосно документирање на случајот против нив ќе биде поднесен соодветен поднесок.

СВР Скопје – Единица за економски и компјутерски криминал поднесе кривична пријава против К.Л.(59) од Скопје, поради постоење основи на сомнение за сторено кривично дело ,,уништување или прикривање на необработен архивски материјал”.

Пријавениот, управник на експозитура во АД „Пошта на Северна Македонија”, во текот на 2021 година самоволно придонел за уништување на документиран службен материјал за 2018 година без да има дозвола и одобрение добиени од Државниот архив на Република Северна Македонија за уништување на предметниот службен материјал.

Извор: МВР

The post Приведени: дилер од Битола, разбојници од Скопје и управител на пошта што уништил архивски материјал first appeared on Кепенци.

За само 4 часа штипската полиција упати 21 камион на вонреден технички преглед

Editor — Tue, 04 Oct 2022 13:25:15 +0000

Денеска (04.10.2022) во времето од 07.00 до 11.00 часот на подрачјето на СВР Штип била спроведена акциска контрола на возачи кои управуваат товарни возила. За време на контролата 21 возило биле упатени во станица за вонреден технички преглед.

Притоа биле констатирани 4 прекршоци во однос на возила, од кои 3 за техничка неисправност и 1 за неносење сообраќајна дозвола. Преземени се 4 мерки за констатирани прекршоци кај возачи, од кои 3 за бесправно управување и 1 на возач почетник.

Засилените акциски контроли продолжуваат и во наредните денови.

Извор: МВР

The post За само 4 часа штипската полиција упати 21 камион на вонреден технички преглед first appeared on Кепенци.

Велешанец со фалсификувани евра купувал мобилни телефони

Editor — Mon, 03 Oct 2022 09:04:38 +0000

Единицата за економски и компјутерски криминал при СВР Скопје поднесе кривична пријава против М.И.(37) од Велес, за сторено кривично дело ,,измама” од чл.247 ст.1 и кривично дело ,,фалсификување пари” од чл.268 ст.1 од КЗ.

Пријавениот во текот на месец март 2021 година, откако прибавил 12 фалсификувани банкноти во апоени од по 100 евра, ги употребил во два наврати, пуштајќи ги во промет при купување на мобилни телефони, со што измамил двајца сопственици на мобилни телефони, кои што ги огласиле за продажба своите телефни, а на кои М.И. им платил со фалсификуваните банкноти.

Извор: МВР

The post Велешанец со фалсификувани евра купувал мобилни телефони first appeared on Кепенци.

Запленети над 200 метри кубни бесправно исечени дрва

Editor — Sat, 01 Oct 2022 15:45:48 +0000

Полициски службеници од СВР Штип- ОВР Кочани, по претходно добиени оперативни сознанија за пустошење на шума, денес на 01.10.2022 во содејство со Државен инспекторат за шумарство и ловство, постапувајќи во склоп на Оперативна акција „Гора“ околу 10.30 часот во Осоговските планини на место викано Бунари, покрај шумски пат, пронајдоа над 200 метри кубни бесправна сеча на огревно дрво бука, од кои околу 150 метри кубни подготвени за превоз од страна на правно лице од Кочани.

Известен е јавен обвинител и по документирање на случајот ќе биде поднесена соодветна кривична пријава до ОЈО Кочани.

Исто така, денеска во Осоговските планини на место викано Бабини градини затекнати се четири лица од Виница, вработени во правно лице од Пробиштип, како вршат бесправна сеча на огревно дрво бука. Известен е јавен обвинител и по целосно документирање на случајот ќе биде поднесена соодветна пријава до ОЈО Кочани.

The post Запленети над 200 метри кубни бесправно исечени дрва first appeared on Кепенци.

Фатен крадец и разбојник кој со месеци оперирал во Битола

Editor — Sat, 01 Oct 2022 12:16:58 +0000

Крималистичката полиција при СВР Битола до ОЈО Битола поднесе кривична пријава против М.А.(32) од Битола затоа што во период од месец март до месец септември 2022 година извршил седум кривични дела од кои една разбојничка кражба, четири кражби, една тешка кражба и едно загрозување на сигурноста со опасно орудие, сите на подрачјето на Битола,при што влегувал во куќи и станови и одземал пари, златен накит и други предмети со што се стекнувал со противправна имотна корист.

Последното кривично дело М А. го извршил на 27.09.2022 во Битола, каде заедно со друго лице со цел да прибават противправна имотна корист сториле кривично дело “Разбојничка кражба“ во берберница, при што одзеле пари од касата и физички го нападнале сопственикот.

Од собраните материјални докази и извршените оперативни проверки и извршени разговори со пријавителите и сведоците, како и извршено препознавање од нив, М. А. е лишен од слобода, приведен во полициска станица Битола, при што истиот дел од кривичните дела ги признал во целост.

Извор: МВР

The post Фатен крадец и разбојник кој со месеци оперирал во Битола first appeared on Кепенци.

Крадци во Скопје, изработка на лажни платени картички и дилер во Охрид

Editor — Fri, 30 Sep 2022 11:17:46 +0000

Вчера на 29 09.2022 приведени се тројца дваесет годишни крадци во Скопје кои се фатени на дело. На ул.„11 Октомври“ во Скопје полициски службеници од Единицата за интервентна полиција при СВР Скопје ги привеле П.К.(23) и С.Д.(20), двајцата од Скопје и С.Ј.(20) од Велес.

Тие биле затекнати како оштетуваат излози на две правни лица, при што одзеле и разни предмети. Одземените предмети биле пронајдени и вратени на сопствениците, а лицата биле приведени во Полициската станица Кисела Вода и со нив бил извршен службен разговор.

За случајот е известен Јавен обвинител и против нив ќе поднесе соодветна пријава.

Исто така вчера СВР Скопје – Единица за економски и компјутерски криминал поднесе кривична пријава против Ѓ.Б.(50) од Скопје, поради постоење основи на сомнение за сторено кривично дело „изработка и употреба на лажна платежна картичка”.

Пријавената, во текот на мај 2022 година, обезбедила податоци од платежна картичка на оштетеното лице и ги употребила за вршење на 12 неовластени трансакции за купување на разни услуги во вкупна вредност од 17.000 денари и за тој износ го оштетила лицето, а таа се стекнала со противправна имотна корист.

Додека во Охрид на 29.09.2022, полициските службеници од Одделението за недозволена трговија со дрога при СВР Охрид го лишиле од слобода С.П.(41) од Охрид.

Во неговиот дом, извршен со судска наредба, биле пронајдени и одземени две ќеси со марихуана, ќеса со кафеава грутчеста материја и повеќе таблетки.

Тој бил приведен во полициска станица и по целосно документирање на случајот против него ќе биде поднесена соодветна пријава.

The post Крадци во Скопје, изработка на лажни платени картички и дилер во Охрид first appeared on Кепенци.

Фатена македонско-хрватска хероинска група (ВИДЕО)

Editor — Thu, 29 Sep 2022 15:49:31 +0000

Денеска (29.09.2022) полициски службеници од Одделот за криминалистичка полиција – Сектор за недозволена трговија со дрога, оружје и опасни материи, Специјалната антитерористичка единица ТИГАР, Одделот за сузбивање на организиран и сериозен криминал, како и СВР Тетово – ОВР Гостивар и СВР Куманово во раните утрински часови спроведоа координирана акција по насоки на Јавен обвинител од Основно јавно обвинителство за гонење на организиран криминал и корупција на четири локации на подрачјето на Тетово, Гостивар и Куманово, при што се лишени од слобода три лица.

Имено, оваа акција беше реализирана по повеќемесечна паралелна криминалистичка истрага на припадниците на Одделот за криминалистичка полиција со полициските службеници од хрватската полиција – Оддел за борба против криминалитет – дрога од полициската управа Истра и Националниот уред за сузбивање на корупција и организиран криминалитет на Р.Хрватска. Истрагата беше во координација и соработка на Основното јавно обвинителство за гонење на организиран криминал и корупција и хрватскиот Уред за сузбивање на корупција и организиран криминалитет (УСКОК) – Риека, а со логистичка поддршка на Канцеларијата на ГИЗ, за меѓународно злосторничко здружение составено од наши и хрватски државјани кои криумчареле хероин, при што секој припадник имал различна улога во набавка, продажба, чување, транспортирање и посредување во купопродажби на хероин на подрачјето на Истра, Далмација и Загреб, и на тој начин на подрачјето на Хрватска извршиле продажба на 4,2 кг хероин, при што биле лишени од слобода повеќе лица.

На 23.09.2022 во заедничка акција на хрватската и македонската полиција во која учествуваа и Јавни обвинители од ОЈО за ГОКК и полициски припадници од Одделот за криминалистичка полиција – Сектор за недозволена трговија со дрога, оружје и опасни материи на подрачјето на Хрватска беа запленети 3,9 кг хероин, при претрес на дом во Загреб и беа лишени од слобода пет лица, и тоа еден македонски државјанин Б.Џ.(43) с.Синичане, тетовско, и четворица хрватски државјани на возраст од 42, 47, 49 и 66 години. Групата неовластено пуштала во промет хероин на илегалниот пазар за дрога во областа на Далмација од месец септември минатата година, а дрогата преку разни канали била пренесувана од нашата држава до територијата на Република Хрватска.

Во денешната акција, по претходно добиена наредба за претрес од Судија на претходна постапка од Основен кривичен суд Скопје, извршен е претрес во домот на Б.Џ. од Синичане, кој е веќе уапсен на територијата на Хрватска, при што биле пронајдени предмети поврзани со кривичното дело. При претрес кај А.М.(50) од с.Опае, кумановско, пронајден е еден пиштол, 50 куршуми, поголема количина на кокаин, пакувања со марихуана, електронски уред за мешање на дрога, парични средства во денари и евра, повеќе потврди за извршени финансиски трансакции и други предмети поврзани со кривичното дело. При претрес кај С.И.(74) од Гостивар пронајден е еден пиштол „ТТ“ кал. 7,62 мм со 168 куршуми кал. 7,62 мм и други предмети поврзани со кривичното дело.

При претрес кај Е.Н.(63) од с.Синичане пронајдена е документација за извршени финансиски трансакции и други предмети поврзани со кривичното дело. Како што соопшти портпаролот на МВР Сузана Прањиќ Талевска, трите лица се лишени од слобода, а од страна на МВР ќе биде поднесена кривична пријава до Основното јавно обвинителство за гонење на организиран криминал и корупција, поради постоење на сомнение дека сториле кривично дело „неовластено производство и пуштање во промет наркотични дроги, психотропни супстанции и прекурсори“предвидено и казниво по чл. 215 ст.3 и кривично дело „злосторничко здружување“ по чл.394 од Кривичниот законик.

The post Фатена македонско-хрватска хероинска група (ВИДЕО) first appeared on Кепенци.

Приведена кавадарчанката за свирепото убиствo

Editor — Thu, 29 Sep 2022 13:59:06 +0000

Полициски службеници од СВР Велес – ОВР Кавадарци во координација со Одделот за криминалистичка полиција, Сектор за општ и насилен криминал, по преземени оперативни мерки и активности на 28.09.2022 ја привеле М.Б.(51) од Кавадарци, поради постоење основи на сомнение за сторено кривично дело „убиство“ по чл. 123 од Кривичниот законик.

М.Б. (51) на 06.09.2022 била во домот на И.М.(70) во Кавадарци, со кого била во љубовна врска, и по вербална расправија, настанала меѓусебна физичка пресметка, во која осомничената со остар предмет му нанела повреди на И.М., а потоа истурила запалива течност врз телото, го запалила и го напуштила местото.

По преземени мерки и активности по наредба од Основен суд Кавадарци извршени се претреси во домот на осомничената, при што се пронајдени и одземени предмети кои потекнуваат од кривичното дело, а при извршен службен разговор, таа делото го појаснила во целост.

Од ОВР Кавадарци до Основното јавно обвинителство Кавадарци против М.Б. е поднесена кривична пријава, а од страна на судија од Основен суд Кавадарци одредена ѝ е мерка притвор во времетраење од 30 дена.

The post Приведена кавадарчанката за свирепото убиствo first appeared on Кепенци.