рецепти - Кепенци

Колач со суви смокви – без многу шеќер

Editor — Mon, 19 Sep 2022 07:12:33 +0000

Состојки за тесто:

250 гр пченично брашно
Компот од 175 мл (течност што ќе ја подготвитесами)
10 гр свеж квасец
0,75 мл масло
20 гр шеќер
Половина лажичка сол

Состојки за филот:

200 гр суви смокви
4 јаболка
1 портокал (кора)
100 гр сечкани бадеми.

Подготовка:

Јаболката излупете ги и исечете ги на дебели кришки, кората од портокал изрендајте ја, а смоквите исечете ги на третини.
Ставете се во тенџере и прелијте со 500 мл вода и варете додека водата не зоврие. Потоа намалете ја топлината и оставете да се крчка уште пет минути. Исклучете го и оставете го покриено околу 15 минути.
Издробете го квасецот и земете една лажичка од вкупната количина шеќер и посипете врз квасецот и додадете две супени лажици млака вода. Оставете го квасецот околу 10 минути.
Во меѓувреме во сад измешајте ги брашното и солта и исцедете го компотот и одвојте 175 мл течност од компотот. Доколку е потребно, процедете ја течноста низ сито за да не содржи трошки и кожа од плодовите.
Кога ќе отстои квасецот, додадете го во брашното. Потоа додадете го преостанатиот шеќер, маслото и течноста од компотот (треба да биде млак, но не топол, а доколку се излади слободно загрејте го малку).
Месете го тестото додека не се изедначи па формирајте топка и оставете ја покриена во сад да нарасне на топло место околу еден час.
Исцедените јаболка, смоквите и кората од портокал сомелете ги во блендер или миксер со стапчиња и додадете ги сечканите бадеми и сè убаво измешајте со тоа го добивте материјалот за полнење. Тестото треба да се расука во квадрат, рамномерно, а дебелината зависи од вашиот вкус.
Врз неа намачкајте го целиот фил рамномерно и внимателно завиткајте го (ролат) тестото со филот врз него.
Направете дупчиња со чепкалка по целата должина и печете во загреана рерна на 200 °C околу 30 минути.
Оставете да се излади и исечете на тенки парчиња.

Уживајте во неодоливиот вкус!

Едитор: Викторија Брдаровска

The post Колач со суви смокви – без многу шеќер first appeared on Кепенци.

Вегански рецепт – едноставен и хранлив

Editor — Tue, 13 Sep 2022 09:01:31 +0000

Рецептот е едноставен, супата е хранлива, а со малку труд можете да направите вистински мал деликатес од многу обична супа од брокула.

Состојки:

1-2 главици брокула
2 супени лажици маслиново масло
1 кромид (ситно сецкан)
2 чешниња лук (исечкани)
1.200 гр супа од зеленчук
150 гр замрзнат или млад грашок (не конзервиран)
сол и црн пипер
По желба: Листови нане.

Подготовка:

Брокулата исчистете ја и исечкајте ја. Стебленцата ситно исечкајте ги, а главите од брокулата покрупно.
Загрејте го маслото и додадете го ситно исечканиот кромид. Динстајте неколку минути, па додадете го ситно сечканиот лук.
Најпрво додадете ги ситно исечканите стебленца од брокула и покријте со половина од густинот.
Кога ќе зоврие, додадете го грашокот, главите од брокула и остатокот од густинот.
Гответе додека зеленчукот не омекне. Не преварувајте, бојата е добар показател. Брокулата треба да остане зелена и да не стане кафена.
Тргнете го од оган, по желба тргнете неколку главици брокула од страна, а остатокот од супата измелете го со миксер или во блендер до саканата текстура.
Послужете ја супата топла или ладна, а супер вкусна идеја е да ја маринирате салатата од краставица во лимета и/или сок од лимон и да ја додадете на површината на супата заедно со и листови од нане.

Имајте пријатен апетит!

Едитор: Викторија Брдаровска

The post Вегански рецепт – едноставен и хранлив first appeared on Кепенци.

Фетучини алфредо – брзо и вкусно

Editor — Mon, 12 Sep 2022 09:16:40 +0000

Италијанците се едни од шампионите во подготовката на вкусни и едноставни јадења без премногу состојки. Еве еден рецепт кој докажува дека е навистина така.

Состојки:

450 гр тестенини
12 лажици путер
170 гр сирење
250 гр пилешко
сол

Подготовка на фетучини алфредо со пилешко:

Варете ги тестенините, а на грил тава испечете ги пилешките гради.
Во тавче растопете го путерот, а тестенините процедете ги и зачувајте ја водата во која се варени. Префрлете ги тестенините во тавче со путер и сол, додадете една рака рендано сирење и една лажица топла вода за тестенините и постојано мешајте.
Додaвајте го сирењето по умерено, мешајте помеѓу секое додавање, додека не се потроши. Доколку е потребно, додадете уште топла вода.

Послужете со пилешко – и уживајте!

Добар апетит!

Едитор: Викторија Брдаровска

The post Фетучини алфредо – брзо и вкусно first appeared on Кепенци.

Ледено кафе – солен бадем

Editor — Sat, 16 Jul 2022 09:54:02 +0000

Состојки:

1 мала ракиена чашка млеко
1 чашка слатка павлака
1/2 чашка бадемов сируп
2 топли цедени еспреса
сол
мраз
кршено темно чоколадо
(може да се додаде и половина чашка коњак или виски по желба)

Подготовка:

Млекото, павлаката, сирупот со малку сол, се матат заедно во миксер или рачен шејкер.
Се додаваат врз двете еспреса во голема чаша со мраз.
На крај се посипува со алкохолот(опција по желба) или само со крупни трошки од чоколадо.
Се пие долго и полека.

На здравје

The post Ледено кафе – солен бадем first appeared on Кепенци.