свет - Кепенци

Светот останува без леб ?

Editor — Fri, 15 Jul 2022 08:18:43 +0000

Според проекциите на приносите од годинешната жетва и анализите кои се прават дури и преку сателитска сондажа на полињата со жито ширум светот, Русија се чини ќе има најмногу полза од недостигот на пченица и брашно.

Неочекуваната суша и високите температури, годинава значително ќе ги намалат приносите од пченица ширум светот, што во услови на пост ковид криза и среде војна во Украина, го пали алармот за недостиг од брашно и леб, па дури и глад во некои земји кои зависат од увоз на пченица. Дури и Индија се соочи со суша и најави дека оваа сезона ќе може да дозволи многу малку пченица за извоз затоа што ќе му биде потребна на нејзиното билионско население.

Според анализата на БиБиСи, годинава единствено Русија ќе може да се пофали со зголемување а производството, но прашање е колку Западот би можел да се надева на тој извоз.

Иако основните прехранбени продукти не потпаѓаат под санкциите воведени кон Русија, се претпоставува дека малку западни компании би се решиле на таква трговија, затоа што, освен што тоа ќе им го наруши бизнис угледот, може да им предизвика други проблеми во банкарските трансакции и ризик од несакани блокади поради недоразбирања околу санкциите.

The post Светот останува без леб ? first appeared on Кепенци.

Лав Николаевич Толстој за промената на светот

Editor — Fri, 01 Apr 2022 20:30:28 +0000

“Во нашиот свет секој мисли за промена на човештвото, но никој не мисли да се промени себе си”

– Лав Николаевич Толстој (1828-1910)

The post Лав Николаевич Толстој за промената на светот first appeared on Кепенци.

Кој предизвикува глад во светот ?

Editor — Wed, 30 Mar 2022 09:22:50 +0000

Нови меѓусебни западно-руски обвинувања во Советот за безбедност на ОН, по извештаите и проценките дека на земјите од третиот свет им се заканува глад поради недостиг од брашно и масло, а во Јемен, Авганистан и некои африкански држави, состојбата веќе се оценува како алармантна.

Американскиот амбасадор во ООН одговорноста за престојната светска криза со храна ја лоцираше лично, кај рускиот претседател Владимир Путин. Францускиот амбасадор беше поумерен во обвинувањата, но сепак ја нагласи руската интевенција во Украина како причина за кризата.

За рускиот амбасадор во Обединетите нации пак, причина за големите светски нарушувања во снабдувањето со храна е, како што рече – меѓународната хистерија на воведување неразумни санкции кон Русија.

Украина и Русија зафаќаат 30% од вкупниот глобален извоз на пченица, 20% од пченката и 75% од производството на сончогледово масло.

The post Кој предизвикува глад во светот ? first appeared on Кепенци.