amerika - Кепенци

Кога веќе нема човечка работа сила тогаш ќе си купиме роботи за работа

Editor — Tue, 30 Aug 2022 15:37:36 +0000

Компаниите од Северна Америка од почетокот на првата половина од годинава купиле четвртина повеќе роботи отколку што вработиле човечка работна сила.

Тие нарачале рекордни 12.305 машини во вредност од 585 милиони долари во вториот квартал, според податоците собрани од индустриската групација Асоцијација за напредна автоматизација.

„Компаниите мора да произведуваат, а тоа значи дека им треба нова автоматизирана линија“

– објаснува претседателот на А3, Џеф Бурнштајн.

Поттик за купување на роботи е моментално слабата понуда на човечка работа сила на пазарот на трудот. Бројот на слободни работни места е двојно поголем од бројот на невработени, а работодавачите мора да ги зголемат платите.

Вкупните трошоци за работна сила во САД се зголемија за 5,1 отсто во вториот квартал, најмногу откако Министерството за труд почна да го следи тој индикатор во 2001 година.

Роботите сè уште не значат подобра продуктивност на работниците, според моментално достапните показатели, забележува Ројтерс, истакнувајќи дека продуктивноста во САД во вториот квартал забележа најголем пад, изразен со годишна стапка, од 1948 година.

Можното објаснување е нарушувањата предизвикани од пандемијата COVID-19, предизвикувајќи големи промени во работната сила, вклучително и егзодус на работници кои многу бавно се враќаат на работното место.

Бурнштајн исто така нагласува дека на компаниите им треба време целосно да воведат нови машини и максимално да го искористат својот потенцијал.

Компаниите брзаат да воведат роботи за да бидат во чекор со силната побарувачка, која не покажува знаци на намалување и покрај зголемувањето на клучните каматни стапки во САД за да се спречи инфлацијата.

The post Кога веќе нема човечка работа сила тогаш ќе си купиме роботи за работа first appeared on Кепенци.

Бајден побара од конгресот 33 милијарди долари воена поддршка за Украина

Editor — Fri, 29 Apr 2022 08:15:48 +0000

Барањето на енормно големиот износ за војната во Украина предизвика зачуденост и дебата меѓу обичните Американците, но и критичката политичка јавност и аналитичарите.

Додека приврзаниците на Бајден во барањето на толкава сума гледаат решителност на претседателот побрзо да ја заврши војната во корист на Украина, аналитичарите стравуваат дека сумата е сигнал дека Украина ја очекува долго, тешко и продолжено војување.

Дел од јавноста сугерира буџетот од 33 милијарди да не биде насочен кон поддршка на војна, туку кон организирани, максимални напори за постигнување на мир.

The post Бајден побара од конгресот 33 милијарди долари воена поддршка за Украина first appeared on Кепенци.

Повеќе од половина Американци прележале Ковид

Editor — Tue, 26 Apr 2022 21:37:07 +0000

Според масовното истражување со анализи на крв спроведено од американската Агенција за контрола на зарази и превенција 58% од вкупното население ја прележало короната, додека по брзорастечкиот Омикрон, процентот кај децата нараснал на 75%.

Од Агенцијата сепак велат дека присутноста на антитела и знаците за прележаност, не значат дека тие лица се трајно заштитени од Ковид.

Агенцијата продолжува да ја промовира вакцината како најсигурна заштита од тешки последици и смрт.

Според официјалните статистики, 66% од населението во САД е целосно вакцинирано, а 46% примиле и бустер доза.

The post Повеќе од половина Американци прележале Ковид first appeared on Кепенци.

Русија – Американското воено помагање на Украина е неприфатливо

Editor — Mon, 25 Apr 2022 10:16:42 +0000

Рускиот амбасадор во Вашингтон, Анатолиј Антонов го нарече американското снабдување на Украина со оружје – неприфатливо, и побара таквата пракса да престане.

Изјавата доаѓа во време кога двајца клучни американски министри, секретарите за одбрана и за надворешни работи Лојд Остин и Ентони Блинкен се во Украина, на разговори со украинскиот претседател Володимир Зеленски.

Посетата се смета за практична реализација на најавата на американскиот претседател Џо Бајден, кој на почетокот на април вети воена помош за Украина од 800 милиони долари.

Ова е прва посета на толку високи американски претставници на Украина од почетокот на руската воена интервенција на 24 февруари, што се толкува како покажување самодоверба и сила. Ако едно од руските образложенија за почетокот на воените дејства беше – разоружување на Украина, американската воена „помош“ во која има и тенкови и тешка артилерија, се толкува како директно американско спротиставување на Москва.

Украинскиот претседател Зеленски деновиве ги интензивираше повиците кон меѓународната заедница за воена помош, повторувајќи дека Украина има капацитет да ја добие војната, само ѝ недостига оружје.

The post Русија – Американското воено помагање на Украина е неприфатливо first appeared on Кепенци.

Америка го блокира и руското „копање“ Биткоини

Editor — Wed, 20 Apr 2022 21:24:21 +0000

САД ги проширија санкциите поврзани со руски банки, компании и поединци со цел уште повеќе да го зголемат притисокот врз Москва поради руската инвазија во Украина.

Стејт Департментот соопшти дека на списокот на новите блокади се најде и компанијата за „копање“ Биткоин валути „Бит Ривер“ која е трета најголема компанија од ваков вид во светот и дека под санкции, освен Московското седиште и компјутерскиот центар во Сибир, ќе се најдат и нивни десет филијали, компании-ќерки ширум цела Русија.

Списокот со санкции е проширен и на руската комерцијална банка „Транскапитал Банк“ која опслужува неколку банки во Кина и на Блискиот Исток, преку кои досега се заобиколуваа санкциите.

А исто така ќе биде блокирана и банката „Инвесттрејд“ која се користи како замена за претходно блокираните банки. Соопштено е дека и американските компании и поединци кои ќе продолжат да работат со овие банки по рокот од 20 мај, исто така ќе се најдат под санкции. Единствено рокот на толеранција на банки и деловни субјекти од Авганистан е продолжен до 20 октомври, за да се избегне предизвикување хуманитарна криза во земјата во која состојбата е веќе економски влошена.

На списокот со санкции е повторно додаден рускиот олигарх Малофеев, познат по неговите постапки за финансирање на независноста на Крим, кому уште во времето на Обама му беа изречени мерки, кои сега се надополнети и затегнати.

Американскиот државен секретар Ентони Блинкен рече дека е подготвен и нов список од околу 600 поединци кои ќе се соочат со мерки поврзани со војната во Украина.

The post Америка го блокира и руското „копање“ Биткоини first appeared on Кепенци.