Рускиот амбасадор во Вашингтон, Анатолиј Антонов го нарече американското снабдување на Украина со оружје – неприфатливо, и побара таквата пракса да престане.
![](https://www.kepenci.mk/wp-content/uploads/2022/04/jasno5.jpg)
Изјавата доаѓа во време кога двајца клучни американски министри, секретарите за одбрана и за надворешни работи Лојд Остин и Ентони Блинкен се во Украина, на разговори со украинскиот претседател Володимир Зеленски.
![](https://www.kepenci.mk/wp-content/uploads/2022/04/jasno4-3.jpg)
Посетата се смета за практична реализација на најавата на американскиот претседател Џо Бајден, кој на почетокот на април вети воена помош за Украина од 800 милиони долари.
![](https://www.kepenci.mk/wp-content/uploads/2022/04/jasno2-3.jpg)
Ова е прва посета на толку високи американски претставници на Украина од почетокот на руската воена интервенција на 24 февруари, што се толкува како покажување самодоверба и сила. Ако едно од руските образложенија за почетокот на воените дејства беше – разоружување на Украина, американската воена „помош“ во која има и тенкови и тешка артилерија, се толкува како директно американско спротиставување на Москва.
![](https://www.kepenci.mk/wp-content/uploads/2022/04/jasno3-3.jpg)
Украинскиот претседател Зеленски деновиве ги интензивираше повиците кон меѓународната заедница за воена помош, повторувајќи дека Украина има капацитет да ја добие војната, само ѝ недостига оружје.