eu - Кепенци

Врахеи – Ве сакаме во ЕУ

Editor — Tue, 19 Jul 2022 09:23:03 +0000

„Нашата денешна порака до граѓаните на Северна Македонија е: -Ве сакаме во ЕУ! И никој да не се сомнева во тоа.”

Оливер Вархеи
– Еврокомесар за проширување

The post Врахеи – Ве сакаме во ЕУ first appeared on Кепенци.

Нов обид за дијалог меѓу ЕУ и Кина

Editor — Tue, 19 Jul 2022 09:07:34 +0000

По неуспешните средби во април годинава, во ЕУ оценети како разговор на глуви, европски и кинески претставници денес вритуелно преку Интернет ќе го продолжат официјалниот дијалог на високо ниво.

Се очекува главна тема на виртуелните разговори со кои ќе копретседаваат извршниот потпретседател на Европската Комисија за трговија, Валдис Домбровскис и кинескиот потрпетседател Лиу Хе, да биде кризата предизвикана од војната во Украина, околу која двете страни во април имаа дијаметрално спротивни мислења.

На агендата се исто така и односот на кинеските власти кон муслиманското малцинство во провинцијата Ксинџијанг и нератификуваниот договор за инвестициите.

По неуспехот на априлскиот дијалог на кој Кина не се согласи со начинот на кој Западот, преку санкции кон Русија, се обидува да издејствува мир во Украина, Европскиот Парламент го замрзна Договорот за големи кинески инвестиции на кои се работеше седум години, наводно како притисок поради несоодветното однесување на властите во Пекинг кој Ујгурското муслиманско малцинство во провинцијата Кдинџијанг.

The post Нов обид за дијалог меѓу ЕУ и Кина first appeared on Кепенци.

ЕУ ја тужи Унгарија за непочитување на ЛГБТ правата

Editor — Fri, 15 Jul 2022 15:11:23 +0000

Европската комисија денес поднесе тужба пред Европскиот Суд на правдата, поради наводи дека Унгарија прекршила редица директиви на Европската Унија поврзани со ЛГБТ правата.

Всушност проблематичен е Законот кој поддржан од големо мнозинство и од јавноста во Унгарија стапи на сила точно пред една година, а кој како што велат властите во Будимпешта, нема никаква врска со ускратување на ЛГБТ или правата на било која друга заедница, туку со заштита на децата од пропаганди поврзани со сексуалната определба пред да станат полнолетни.

Тврдејќи дека со законот се бори против педофилијата, Унгарија веќе една година ги игнорира забелешките од Европската комисија, поради што комисијата се реши да повлече правен чекор.

The post ЕУ ја тужи Унгарија за непочитување на ЛГБТ правата first appeared on Кепенци.

ЕУ е несвесна за „колапсот на ѕидовите на Цариград”?

Editor — Fri, 24 Jun 2022 07:05:09 +0000

„ЕУ наликува на собир на свештеници кои дебатираат за полот на ангелите додека ѕидовите на Контантинопол се рушат“

Еди Рама – премиер на Албанија во изјавата која новинарите ја оценија како “најкреативен опис” на актуелните состојби во Брисел

The post ЕУ е несвесна за „колапсот на ѕидовите на Цариград”? first appeared on Кепенци.

Оливер Вархеји – довербата на ЕУ е доведена во прашање

Editor — Thu, 28 Apr 2022 21:15:18 +0000

“Доцнењето на Брисел за отпочнување на разговорите за членство во ЕУ со владите во Македонија и Албанија ја доведува до прашање безбедноста и довербата на Унијата.”

– Оливер Вархеји
Eврокомесар за проширување и добрососедство

The post Оливер Вархеји – довербата на ЕУ е доведена во прашање first appeared on Кепенци.

Бујар Османи – време е ЕУ да си го исполни својот дел од задачата

Editor — Thu, 28 Apr 2022 11:04:30 +0000

“Сега е вистинско време ЕУ да го исполни својот дел од задачата, нема време за губење”

– Бујар Османи
Министер за надворешни работи
По средбата со помошник државната секретарка на САД за европски и евроазиски прашања Карен Донфрид

The post Бујар Османи – време е ЕУ да си го исполни својот дел од задачата first appeared on Кепенци.

ЕУ го предупреди Елон Маск

Editor — Tue, 26 Apr 2022 21:19:40 +0000

„Твитер може да се менува колку што сака, но во Европа треба да се прилагоди на нашите правила“

– Тиери Бретон
еврокомесар за внатрешна трговија

The post ЕУ го предупреди Елон Маск first appeared on Кепенци.

ЕУ бара партнерство со Индија

Editor — Mon, 25 Apr 2022 08:50:40 +0000

Претседателката на Европската комисија, Урсула фон дер Лајен денес во Индија ќе разговара за продолжување на преговорите за Договор за слободна трговија и евентуална продажба на европско оружје.

Само една недела по посетата на британскиот премиер Борис Џонсон на Индија, европскиот интерес за втората според население најголема земја на светот (1,4 милијарди) се толкува како обид на Западот да ја одврати Индија од соработката со Русија.

И покрај актуелноста на војната во Украина и очекувањата на Европа целиот свет да се вклучи кон санкциите за економско изолирање на Русија, аналитичарите велат дека сепак, интензивното европско внимание кон Индија за барање партнерство, не е поради Русија туку поради Кина.

Европа се обидува да го балансира кинескиот раст, од како што се вели – безопасен бизнис партнер за трговија, во агресивен конкурент и противник кој ја зголемува и својата воена моќ и почнува да претставува глобална закана.

Оттука идејата Западот, односно ЕУ, со продажба на оружје, да ѝ помогне на Индија во јакнењето на нејзините воени капацитети и да ги обнови преговорите за Договор за слободна трговија кои беа прекинати во 2013 година, поради барањата на Индија за целосно укинување на царините за увоз за одредени индиски производи на европскиот пазар.

Се очекува Фон дер Лајен да побара од Индија и да го смени својот став околу Украина, откако земјата одби да ја осуди руската инвазија на 24 февруари.

The post ЕУ бара партнерство со Индија first appeared on Кепенци.

ЕУ го регулира протокот на социјалните мрежи

Editor — Sat, 23 Apr 2022 08:50:26 +0000

Европските законодавци конечно се договорија со земјите членки околу новите законски мерки и ограничувања кои се однесуваат на содржините, прометот и чувањето податоци на социјалните мрежи. Сетот строги правила, поттикнати и со пропагандната војна околу војната во Украина, ќе почне да се применува од 2024 година и во голема мера ќе го усложни делувањето на Фејсбук, Гугл и други големи американски обезбедувачи на интернет услуги а европско тло.

Документот наречен Акт за дигитални услуги во ЕУ, е втор ваков законски пакет, откако првиот Акт за регулирање на дигиталниот пазар, веќе предизвика реакции кај интернет компаниите, по што следеше и најавата на Фејсбук (компанијата Мета) за целосно повлекување од Европа, што предизвика широка меѓународна дебата и глобални реакции.

Новите европски правила строго ги определуваат правилата околу содржините наменети за деца, религиозно чувствителни теми и теми поврзани со историски и научни стереотипи (и конспирации) кои можат да предизвикаат ширење на говор на омраза. Освен проблемот со т.н. лажни вести и обезбедување законска рамка за нивна објективна оценка, новиот интернет акт на ЕУ предвидува и законска обврска, компанијата која ги дава интернет услугите да ги стави на располагање на властите сите податоци и целата датотека поврзана со одредени личности, институции и други субјекти, што се очекува да предизвика дебата и околу етичноста, заштитата на приватност, но и довербата на корисниците кон мрежите.

И досега, главно американските Интернет компании, мака мачат со нивното функционирање во Европа, поради тоа што на име на тужби, судски процеси, казни и отштети издвојуваат цели 6% од нивниот вкупен финансиски промет.

Засега нема реакции од компаниите, но се очекува тие да бидат остри, со оглед на неодамнешната неофицијална закана од Фејсбук, дека ако е многу притиснат со ограничувања и обврски може целосно да се повлече од пазарот на ЕУ.

The post ЕУ го регулира протокот на социјалните мрежи first appeared on Кепенци.

Украина го пополни прашалникот за ЕУ

Editor — Mon, 18 Apr 2022 07:09:11 +0000

Од кабинетот на украинскиот претседател Володимир Зеленски соопштија дека Украина заврши со пополнувањето на прашалникот кој ѝ беше врачен од претседателката на Европската комисија Урсула Ван Дер Лајен на за време на нејзината посета на 8 април. Тогаш таа изрази подготвеност процесот за зачленување на Украина во ЕУ да оди со забрзано темпо поради руската воена интервенција во земјата.

Следен чекор по разгледувањето од Брисел е давање позитивна препорака, а Украина се надева дека на седницата на министерскиот Совет во јуни може да добие и статус на земја кандидат. Во кабинетот на Зеленски велат дека по состанокот на Европскиот совет на 23 јуни, се надеваат на брз почеток на преговори за членство.

The post Украина го пополни прашалникот за ЕУ first appeared on Кепенци.