fudbal - Кепенци

Од Вака Вака до Туку Така – зборувај македонски цел свет да те разберe

Editor — Sun, 20 Nov 2022 20:10:48 +0000

Ај па догодина и Вака, и Така, и Онака! – се шегуваат Македонците, додека не стивнуваат претежно негативните реакции на социјалните мрежи, за новата фудбалска химна на ФИФА за Светското првенство во Катар.

Либанка, Американка и Колумбиец, и еден минибус налик на култниот филм „Ко то тамо пева“ кој накитен со знамиња од цел свет талка низ пустината.

Миријам Фарес, Ники Минаж и Малума годинава ја заменија Вака Вака на Шакира со Туку Така, што на арапски значело Чук-Чук.

И покрај тоа што фудбалската химна за Катар во која се пее на Англиски, Шпански и Арапски, фудбалските фанови од цел свет ја дочекаа „на нож”, песната соборува рекорди, за два дена има 10 милиони кликања и веќе е трета на листите на Ај-Тјунс.

Вака така или онака … се чини дека сепак се работи за прост, но заразен хит кој останува во главата по првото слушање:

The post Од Вака Вака до Туку Така – зборувај македонски цел свет да те разберe first appeared on Кепенци.

Надежта на машкиот македонскиот фудбал У-15 со голема победa

Editor — Tue, 06 Sep 2022 10:48:02 +0000

Младата фудбалска репрезентација на Македонија до 15 години славеше победа со 5:1 над соодветната селекција на Ерменија во рамките на првото коло од УЕФА развојниот турнир за фудбалери родени 2008 година што се одржува во Скопје.

На тренинг центарот „Петар Милошевски”, видовме интересен прв дел со многу борба, трчање и отворена игра на двете страни. Македонија преку Стефан Бујаровски прва постигна гол во 9. минута. Противникот во 20. минута успеа да се врати во игра и да го израмни резултатот. Извонреден погодок од далечина постигна Гаспаријан. Шест минути подоцна Александар Грашевски во една одлична соло акција и прецизен удар успеа да и донесе предност на Македонија од 2:1, за на крај да се стигне од резултат од 5:1 за Македонија.

Утре во второто коло Македонија од 16. часот ќе игра против Малезија. Во 11. часот играат Ерменија и Косово.

Едитор: Викторија Брдаровска

The post Надежта на машкиот македонскиот фудбал У-15 со голема победa first appeared on Кепенци.

Англија троши пари на фудбалери колку Шпанија, Италија и Германија заеднo

Editor — Fri, 02 Sep 2022 09:08:24 +0000

Вчера заврши рокот за купување фудбалери англиските клубови од Премиер Лигата, со потрошени рекордни 1,9 милијарди фунти или над 2,2 милијарди евра.

Ова е највисока сума во лигата до сега потрошена на фудбалери, а претходниот рекорд од 2017 исто така надминуваше милијарда.

Се смета дека англиските фудбалски клубови годинава толку еуфорично влегле во „трговијата” поради спреченоста од ковидот во изминатите сезони.

The post Англија троши пари на фудбалери колку Шпанија, Италија и Германија заеднo first appeared on Кепенци.

Контролни натпревари на фудбалските репрезентативци до 21 година

Editor — Thu, 01 Sep 2022 13:12:43 +0000

Репрезентацијата на Македонија во фудбал до 21 година од 21 до 26 септември ќе учествува на контролен турнир во Хрватска на кој ќе учествуваат и репрезентациите на Албанија, Саудиска Арабија и домаќинот Хрватска.

Првиот натпревар против репрезентацијата на Албанија е на 23 септември, а на 26 ќе играат со победникот од натпреварот на селекциите на Хрватска и Саудиска Арабија. Репрезентацијата на Македонија до 21 година по летната пауза, за првпат ќе се состане на 18 септември.

Едитор: Викторија Брдаровска

The post Контролни натпревари на фудбалските репрезентативци до 21 година first appeared on Кепенци.

Иран – Дајте им на жените да гледаат фудбал!

Editor — Fri, 26 Aug 2022 13:03:58 +0000

За првпат по 40 години на околу 500 жени во Иран и беше дозволено да присуствуваат на фудбалски натпревар од локална лига, и да го гледаат мечот во живо на стадион заедно со мажите.

Жените кои биле физички одвоени во посебен простор на трибините, не пропуштиле во текот на навивањето да извикуваат „Сина Девојка” во чест на 29 годишната Сара Кодајари, девојката која стана симбол на борбата за женски права во Иран.

Кодајари се самозапали чекајки судење поради тоа што преправена како маж влегла на фудбалски натпревар, но била откриена.

По притисокот од Меѓунарондата фудбалска федерација ФИФА, но и од домашната јавност, властите во Иран каде владее строгиот исламски шеријатски закон, решија да им дозволат на жените да гледаат фудбал.

Претходните неколку години, трендот на маскирано упаѓање на жени да гледаат фудбал на стадионите, толку зачести што властите престанаа да се обидуваат да го спречат.

The post Иран – Дајте им на жените да гледаат фудбал! first appeared on Кепенци.