germanija - Кепенци

Германија ќе се снабдува со гас од Обединетите Арапски Емирати

Editor — Sun, 25 Sep 2022 18:29:14 +0000

Обединетите Арапски Емирати (ОАЕ) и Германија потпишаа договор за снабдување на Германија со течен гас и дизел за период од 2022 до 2023.

Локалните медиуми јавија дека во септември имало директна испорака на бензин за Берлин и додаваат дека во 2023 година Германија ќе добива околу 250.000 тони бензин месечно.

Договорот го потпиша германскиот канцелар Олаф Шолц и Министерот за индустрија на ОАЕ Султан Ал Џабер.

The post Германија ќе се снабдува со гас од Обединетите Арапски Емирати first appeared on Кепенци.

Германија бара алтернативи за снабдување со руска нафта?

Editor — Sat, 17 Sep 2022 11:57:53 +0000

Германската влада донесе одлука за времено шестмесечно преземање на управувањето со постројките на руската нафтена компанија Роснефт.

Чекорот ќе значи преземање на најголемата рафинерија за нафта во Европа, “Пе-Це-Ка”(PCK) во Швед, во близина на границата со Полска, во која над една третина од акциите има компанијата „Шел” но со одлучувачкиот пакет во следните шест месеци ќе управува германската агенција за дистрибуција.

До сега рафинеријата се снабдуваше со руска нафта преку нафтоводот Дружба, но сега со оглед на санкциите од ЕУ, властите ќе бараат алтернативни начини, како нафтата од Росток, преку пристаништата во источна Германија да стигне до рафинеријата во Швед.

И покрај тоа што чинот на времена германска „конфискација” на фирмите и постројките на Роснефт во Германија, на прв поглед изгледаат како „непријателски чин” се чини дека Германија во договор со руските партнери и власти, заеднички бара начин како да го спречи недостигот на гориво во земјата, без притоа да во повреди сојузништвото со западните партнери кои воведоа ригорозни санкции и блокади кон Русија.

The post Германија бара алтернативи за снабдување со руска нафта? first appeared on Кепенци.

Англија троши пари на фудбалери колку Шпанија, Италија и Германија заеднo

Editor — Fri, 02 Sep 2022 09:08:24 +0000

Вчера заврши рокот за купување фудбалери англиските клубови од Премиер Лигата, со потрошени рекордни 1,9 милијарди фунти или над 2,2 милијарди евра.

Ова е највисока сума во лигата до сега потрошена на фудбалери, а претходниот рекорд од 2017 исто така надминуваше милијарда.

Се смета дека англиските фудбалски клубови годинава толку еуфорично влегле во „трговијата” поради спреченоста од ковидот во изминатите сезони.

The post Англија троши пари на фудбалери колку Шпанија, Италија и Германија заеднo first appeared on Кепенци.

Уште побрз и уште “позелен” воз – Германија воведува возови на водород

Editor — Tue, 30 Aug 2022 15:51:34 +0000

Новите патнички возови кои започнаа со работа во Долна Саксонија покажаа дека патувањето со воз може да биде уште поодржливо отколку што е.

Возовите се веќе еден од најзелените начини за патување. Дури и оние што работат на дизел се многу подобри за животната средина од авионите и автомобилите. И кога тие се целосно електрични или уште подобро кога работат на обновлива електрична енергија – навистина нема поеколошки начин на патување.

Но, сега возовите би можеле да станат уште поеколошки. Германија штотуку ги пушти во употреба првите патнички возови во светот со погон на водород. Сè што излегува од „издувните гасови“ е пареа и кондензирана вода.

Водородните железници не бараат нужно да се електрифицираат пругите и можат да работат на постоечките железници, што значи дека теоретски тие можат да се имплементираат на речиси сите железници во светот што досега постојат.

Исто така, овие возови се многу потивки од дизел возовите и достигнуваат брзина од 140 километри на час. Со еден полн резервоар, тие можат да патуваат повеќе од 1000 километри.

The post Уште побрз и уште “позелен” воз – Германија воведува возови на водород first appeared on Кепенци.

Олаф Шолц под истрага во голема афера со германските банки

Editor — Wed, 17 Aug 2022 18:11:31 +0000

Властите во Германија почнаа истрага во која се опфатени над 100 банки и над 1000 почетно осомничени за финансиски злоупотреби и манипулации со финансискиот пазар, можно даночно затајување и лажно распределување дивиденди без знаење на сопствениците на банките.

Со оглед на тоа што една од првите истраги почна од Хамбуг, каде во сеф на локален политичар се најдени 200 илјади евра без потекло и покритие, речиси е сигурно дека германскиот канцелар ќе биде повикан на разговор, со оглед на неговата претходна функција како градоначалник на Хамбург.

Шолц засега отфрла било каква поврзаност со банкарските афери, но аналитичарите предвидуваат дека истрагата сериозно ќе му ја разниша функцијата која е веќе расклимана поради високите цени на енергенсите и војната во Украина.

The post Олаф Шолц под истрага во голема афера со германските банки first appeared on Кепенци.

Другите ги тера, самата не прави?

Editor — Sun, 01 May 2022 10:13:37 +0000

Германскиот канцелар Олаф Шолц самиот ги коментираше забелешките од некои европски партнери, но и од дел од германската јавност и партнерите во неговата влада, дека не покажува доволно лидерство во реакциите на руската воена инвазија во Германија.

По одлуката на 26 април, Германија да обезбеди противавионски оклопни возила „Гепард“ воена помош за Украина, Шолц се охрабри самиот јавно да проговори зошто се чини дека Германија, иако е гласна во охрабрувањето на другите, самата е воздржана и контроверзна и во воведувањето санкции кон Русија и во користењето руски гас и во обезбедувањето хуманитарна, а особено директна воена помош за Украина.

Германскиот канцелар вели дека во вакви ситуации не смее да се избрзува со нагли одлуки, кои можат да ја загрозат безбедноста на неговата земја, индиректно изразувајќи стравови од руски воен одговор кон Германија, доколку германската политика се однесува поригорозно, како што бара и дел од јавноста.

Некои земји од ЕУ и евроатлански партнери од почетокот на украинската воена криза ѝ забележуваат на Германија, дека самата не прави доволно од мерките што другите ги тера да ги преземат – не се откажува целосно од руската нафта и гас, не воведува стопроцентни блокади и санкции, не дава воена помош итн.

Се очекува сега, со доставата на тенковите Гепард, таквата „нелидерска“ перцепција на Германија како прикриено „мека“ кон Русија, да биде сменета.

The post Другите ги тера, самата не прави? first appeared on Кепенци.

До крајот на годината целосно прекинува увозот на руска нафта во Германија

Editor — Wed, 20 Apr 2022 20:58:59 +0000

„Јасно и недвосмислено велам дека Германија исто така целосно го напушта увозот на руски енергенси. До ова лето ќе го преполовиме, а до крајот на годината ќе го сведеме на нула увозот на нафта, а потоа ќе следи и гасот. Тоа е наша заеднички зацртана цел, заедно да излеземе од тој пазар, целата Европска Унија и во тоа е нашата заедничка сила.“

– Аналена Баербок
министер за надворешни работи на Германија (по средбата со колегите од балтичките земји)

The post До крајот на годината целосно прекинува увозот на руска нафта во Германија first appeared on Кепенци.