Властите во Германија почнаа истрага во која се опфатени над 100 банки и над 1000 почетно осомничени за финансиски злоупотреби и манипулации со финансискиот пазар, можно даночно затајување и лажно распределување дивиденди без знаење на сопствениците на банките.
![](https://www.kepenci.mk/wp-content/uploads/2022/08/2-11.jpg)
Со оглед на тоа што една од првите истраги почна од Хамбуг, каде во сеф на локален политичар се најдени 200 илјади евра без потекло и покритие, речиси е сигурно дека германскиот канцелар ќе биде повикан на разговор, со оглед на неговата претходна функција како градоначалник на Хамбург.
![](https://www.kepenci.mk/wp-content/uploads/2022/08/3-7.jpg)
Шолц засега отфрла било каква поврзаност со банкарските афери, но аналитичарите предвидуваат дека истрагата сериозно ќе му ја разниша функцијата која е веќе расклимана поради високите цени на енергенсите и војната во Украина.