makedonija - Кепенци

Со вера, љубов и надеж – Борбата на жените за Македонија

Editor — Thu, 29 Sep 2022 11:39:17 +0000

Дали жената од Македонија во 21 век се соочува со нови или стари предизвици, ги користи или страда од стереотипи и предрасуди, како да се избори со предизвиците на новото време кои во Македонија толку многу наликуваат на тие од минатото?

Кога се спојуваат зборовите „минато“ и „жени“ тоа често асоцира на специфичниот општествен однос кон жената кога религиските норми и физичката слабост наметнуваат дискриминаторски однос кон жените од секоја возраст. Не само што не смееле да го стават под прашање авторитетот на било кој маж од семејството или околината, ами и не смееле да го предизвикаат.

А сепак од минатото, до денес, од кралицата Клеопатра преку св. Лидија Македонска, Света Злата Мегленска, Сирма и ајдутските војвотки, баба Недела Петкова и нејзината ќерка кои го извезле знамето илинденско, до Естреја Хаим Овадија и Елипда Караманди, Марија Бунева и Мирка Гинова и, до секоја жена од денешницата, жените се спротивставуваат на потчинетоста и маргинализирањето, ја земаат судбината во свои раце и ја обликуваат иднината на своите држави.

Ова е дел од најавата за трибината која во петок на 30 спетември 2022 година, на денот кога Православната црква го слави споменот на Света Софија и нејзините три керки Вера, Љубов и Надеж кои маченички пострадале за верата, ќе се одржи во зградата на Офицерскиот дом (КИЦ) со почеток во 19.00 часот.

На настанот со наслов „Жените во минатото, сегашноста и борбата на жената за Македонија“ ќе зборува професорката Виолета Ачкоска, македонски историчар и универзитетски професор.

Како истражувач и универзитетски професор, Ачкоска е автор и коавтор на над 40 монографски и други трудови, автор на околу 100-тина научни статии и поголем број публицистички и други пишувани трудови (прикази, фељтони, колумни, интервјуа, промотивни слова итн.), автор и коавтор на учебници за историја во основното и средното образование, автор и коавтор на околу 30 сценарија за документарни историски филмови и на неколку музејски концепти.

Објавените трудови и истражувања на проф. д-р Виолета Ачкоска се однесуваат на неколку научни области од современата историја: социјалната историја, политичката историја (меѓуетничките односи и репресијата во комунизмот), историјата на образованието и културната историја.

Ачкоска денес се смета за една од бранителите на вистината за македонскиот народ и Република Македонија.

На трибината, која е во организација на битолскиот огранок на Унијата на жени на ВМРО-ДПМНЕ, се очекува да присуствува и претседателката на УЖ, Жаклина Пешевска, актуелен пратеник во македонското Собрание.

The post Со вера, љубов и надеж – Борбата на жените за Македонија first appeared on Кепенци.

Женски фудбал, Македонија – Кипар 3:0

Editor — Mon, 05 Sep 2022 13:25:08 +0000

Младата женска фудбалска репрезентација на Македонија (до 19 години) славеше убедлива победа со над Кипар со резултат 3:0 во рамките на првиот контролен дуел меѓу двете селекции.

Македонија одигра квалитетен меч, во секој сегмент од играта беше подобра и сосема заслужено оствари убедлива победа.

Јехона Велиу во 20. минута го отвори резултатот, Ајна Исејни зголеми на 2:0 во 30 минута, за во 72 минута повторно Јехона Велиу да го запечати резултатот на 3:0.

Вториот контролен меч, Македонија и Кипар ќе го одиграат на 6 септември во 16.30 часот на стадионот на ФК Турново.

Едитор: Викторија Брдаровска

The post Женски фудбал, Македонија – Кипар 3:0 first appeared on Кепенци.

Виктор Мизрахи (1950-2022) „Кој ќе ја заборави историјата, нема да постои”

Editor — Thu, 01 Sep 2022 07:22:28 +0000

„Не праќајте ги Евреите во гасните комори по вторпат. Не горете ја пепелта по вторпат. Не менувајте ја историјата за да постигнете ваши политички или материјални цели. Кој ќе ја заборави историјата, нема да постои. А вашите политички цели нема да се исполнат. Македонскиот народ нема да го заборави ниту да го прости ова.”

Виктор Мизрахи, поранешен претседател на Еврејската заедница во Македонија

The post Виктор Мизрахи (1950-2022) „Кој ќе ја заборави историјата, нема да постои” first appeared on Кепенци.

Македонските млади математичари во врвот на светот

Editor — Fri, 15 Jul 2022 14:03:50 +0000

На 63-тата Интернационалната математичка олимпијада македонците со одличен резултат.

Oд 104 земји Македонија го освои 39 место.

На овој најпрестижен математички натпревар во светски рамки што годинава се одржуваше во Осло, Норвешка, нашата екипа годинава освои два сребрени медали, два бронзени медали и две пофалници.

НИКОЛА СПИРОВСКИ (сребрен медал; со освоени 29 поени)
ДАМЈАН ДАВКОВ (сребрен медал; со освоени 29 поени)
БЛАЖЕ СУКЛЕВСКИ (бронзен медал; со освоени 27 поени)
ЈАН СТОЈАНОВСКИ (бронзен медал; со освоени 24 поени)
АЛЕКСИЈ ТАСИЌ (пофалница; со освоени 21 поен)
ЈАСНА ИЛИЕВА (пофалница; со освоени 18 поени)

Водалот на тимот е Илија Јовчевски а заменик водачот е Мирко Петрушевски.

Честитки дечки Македонија се гордее со вас.

The post Македонските млади математичари во врвот на светот first appeared on Кепенци.

Боречко злато за Македонија на Медитеранските игри

Editor — Wed, 29 Jun 2022 12:04:09 +0000

Магомедгаџи Нуров освои злато во борење во категоријата до 97 килограми на Медитеранските игри во Алжир (Оран) совладувајќи го најдобриот турски борач Фејзула Актурк.

29 годишниот Нуров во победата исто така ја одбрани титулата од Медитеранските игри во 2018 во Шпанија и 2019 година бронзениот медал од Светското првенство во Казахстан.

The post Боречко злато за Македонија на Медитеранските игри first appeared on Кепенци.

ИТ програмирањето – најплатена дејност во Македонија

Editor — Fri, 24 Jun 2022 08:01:17 +0000

Според податоците за просечни плати на Државниот завод за статистика, највисоката нето плата е забележана во ИТ секторот за дејноста компјутерско програмирање и изнесува 82.240 денари.

На врвот на најплатени дејности се најдоа и градежните инженери и фармацевтите, а на дното дејности поврзани со чистење и еко-уредување.

The post ИТ програмирањето – најплатена дејност во Македонија first appeared on Кепенци.

Џевдет Хајредини: Историјата на Македонија во една реченица

Editor — Sun, 24 Apr 2022 16:04:36 +0000

“Од осамостојувањето досега, во Македонија расте корупцијата, популизмот и национализмот, стагнира економијата и демократијата и се намалува населението.”

The post Џевдет Хајредини: Историјата на Македонија во една реченица first appeared on Кепенци.

Влез во Македонија без сертификати и тестови

Editor — Tue, 19 Apr 2022 13:51:21 +0000

На владина седница е усвоена препораката на Комисијата за заразни болести за укинување на обврската за поседување на сертификат за вакцинација, сертификат за прележан КОВИД-19, негативни ПЦР или антиген тестови за сите домашни или странски државјани при влез во државата.

Укината е и мерката за домашна изолација од седум дена која беше наложена во случај да не се поседуваат горенаведените документи.

The post Влез во Македонија без сертификати и тестови first appeared on Кепенци.

Македонија ја собори Чешка и оди на Светско

Editor — Sun, 17 Apr 2022 18:53:31 +0000

Македонската ракометна репрезентација на реваншот со Чешка се избори за место на Светското првество во ракомет.
Резултатот заврши со 27-25 каде што традиционално македонските ракометари го постигнаа очекуваното.
Со ова исто така се докажува дека Македонија пред своите навивачи на домашен терен е тешко совладлива.

The post Македонија ја собори Чешка и оди на Светско first appeared on Кепенци.